مصر موتورز مجتمع السيارات - رابطة ( تسعير السيارات المستعمله)

مصر موتورز مجتمع السيارات (https://www.masrmotors.com/vb/index.php)

- سيارات مستعملة للبيع (https://www.masrmotors.com/vb/forumdisplay.php?f=59)

- - رابطة ( تسعير السيارات المستعمله) (https://www.masrmotors.com/vb/showthread.php?t=87146)

رد: رابطة ( تسعير السيارات المستعمله)

اقتباس:

المشاركة الأصلية كتبت بواسطة Kemo Kono (المشاركة 741597)

مساء الفل عليك و كل سنة و انت طيب ..
عربية دايهاتسو شاريد 92 اتوماتيك
و تكييف بيسقع ضعيف و شكله بيودّع ..
ازاز كهربه فيهم واحد المكنة قاطعه ..
مرايات كهربا معقولة بس بتاعت السواق مغيرة الازازة .. البؤرة بايظة يعنى
مش باور .. بس دركسيون معقول مش لادا يعنى
سنتر و انذار
فرش موكيت متبهدل عايز يتنضف و يتكسى
كراسى قطيفة معقولة .. كرسى السواق و الكنبة ورا مقطوعين من الطرف كدا
فرش الابواب حلو و سليم عدا خرم بسيط ف باب امامى
تابلوه نضيف
تارة من فوق طريّة زيادة بس تشتغل شوية لو حطيت لها Cover
طاسات اصلية و دلايات اصلية
فابريكة من الداخل .. من تحت متطبقة بفعل المطبات .. بس ارضيات و شاسية متلمسوش
رشة خوارج .. سقف مش محتاج حاجة .. بس واخدة وش مش حلو .. جربانة شوية
فوانيس معقولة ( مغيرة واحد امامى جديد و الاخر مضلم )
موتور مسيل زيت من تحت و عايز يتفك و يتراجع جواناته بس المكنة مشيها حلو و صوتها كويس
فتيس مبوّش شوية بس نقلات الغيارات حلوة اوى
..
محتاجة سروجى ارضية و كراسى ..
مساعدينها ناشفة شويتين و مغيرة مقصات تيوانى جلبهم مش ممتازة طبعا بس عشان تايوانى
...
العربية دى خلصت بـ 27ألف جنيه مصرى ..
..
رخصة هتنتهى اول الشهر ..
العربية دى ليها اعلان على بيزات فـ اسكندرية
الصور حاجة و العربية حاجة تانية .. اتهانت كتير عن الصور
عايزة لها 3 الاف جنيه .. منغير تغيير موتور او سمكرة و دوكو
الخوارج عدلة ..
الكبوت فتح فـ وش السواق .. غيّر قشرة غالبا و ازاز و رش فوق البربريز و الفبرة اللى تحت الازاز اتشوهت شوية ..
..
العربية من طروفها من تحت ملخبطة شوية .. مطبقة نتيجة رفعها بكوريك قايم بس بطريقة غلط .. و شوية صدا بسيط سببه ايد الصنايعى المعفنة اللى مبوظة العربية |
انا قولت كتير جدا عنها اسف للاطالة .. الوالد هيجيبهالى عشان داخل الكلية
و اختى الكبيرة تتعلم عليها .. بدل ما نبهدل العربية التانية ( نوبيرا 2008 فابريكة فـ الكامل)
..
مفيش عربيات تانى شاريد سيدان غيرها قدامى .. و انا غاويها اوى ولو انها اساسيات حلوة جدا بس عايزة مصروف و متتباعش لانها هتخسر جامد جدا ..
الكلام وقف على 25 ألف من والدى .. و صاحبها معجبوش و هنخلص على بعد العيد لو نفع ..
العربية بيبع فيها بقاله كتير و متباعتش .. و عنده سفر .. و بعد متابعة الاسعار فـ القاهرة .. لقيتها تسوى حوالى مثلا 22 24 .. حاجة كدا ..
ياريت الله يبارك لك ادينى سعر ليها لو اشتريتها وهبيعها تانى يوم منغير ما اعمل فيها حاجة ..
(دا مش هيحصل على فكرة بس عايز اعرف سعرها فـ السوق يعنى )
..
و ياريت لو تقدر تقدّر لى بالكتير مصروفها مع اعتبار انها مش عايزة موتور ولا فتيس .. مجرد رفايع كدا مع تظبيط موتور و عفشة و سمكرة و تعديل المفصلات و ظبط مفارق الكبوت شوية و الشنطة برضه .. عايزة سمكرة رايقة كدا و بوية خواجة و اظن انها هتبقا حكاية لو مش هتقل باصلها و مجابتش موتور ..
مستنى رأيك ..
اسف جدا جدا للفركشة و الكلام الكتير
تحياتى .. و عيد سعيد عليك و على كل الناس اللى هنا ;)

+11111111111111111

رد: رابطة ( تسعير السيارات المستعمله)

اقتباس:

المشاركة الأصلية كتبت بواسطة Kemo Kono (المشاركة 741597)

على الحاله اللى انت ذكرتها نزل فيها كمان الف
بس نصيحتى شوف حاجه تانيه

العربيه محتاجه شغل جامد من كلامك

عندك دايو ماتيز موديل 98
كيا برايد موديل 98
سوزوكى ماروتى موديل 2005
شيرى qq موديل 2005 - 2006

تحياتى

رد: رابطة ( تسعير السيارات المستعمله)

اولا الف شكر على موضوعك الاكثر من رائع:Wkiss5:
ثانيا لو معايا من 45 لـ 60 ممكن ترشحلى اكتر من عربيه بالترتيب حسب الامكانيات وياسلام لو فى اوتوماتيك:shyy:
ثالثا ايه رأيك فى عربيه فيرنا2006
- لونها اسود فبريكا من الداخل والخارج
- عتب وزجاج فاميه خلفى
- الطارات مش الاصليه بس شكلها محترم جدا
- الصراحه مش عارف عامله كام كم
- تكييف عالى جدا وسنتر وباور
- صالون حالته ميه ميه
- الموتور برضه مش عارف 1600 ولا 1500
ايه رأيك فى عربيه بالمواصفات دى وسعرها كام لو موتورها 1600 او 1500

رد: رابطة ( تسعير السيارات المستعمله)

انزل الف عن انهى سعر ..
السعر اللى خلصت عليه (27 ألف) .. ولّا السعر اللى احنا دفعناه (25ألف)
تخلص 24 ولا 26 ؟!
..
هل انت بتقول ابعد عنها عشان الشغل اللى فيها و التعب .. ولا حكاية تطبيقات الارضية دول يبعدونى عنها و يعلموا عليها مدى الحياة ؟!

لو ع الشغل الموضوع مش هيبقا متعب اوى .. المهم انها تاخد اللى عايزاه و تسكت
لانى غاوى الشاريد اوى .. و مفيش قدامى عربيات شاريد تانى .. لو قدامك حاجة شاريد سيدان اتوماتيك فـ اسكندرية يلا بينا .... انما العربية قليل المعروض منها و مش هتضمن تلاقيها نضيفة شوية ..
اما لو هيّا كدا متسواش و متجيبش و مكسرة فـ نظرك .. يبقا بلاشها خالص حتى لو بـ جنيه
ياريت توضيح السعر المقصود و سبب بعدى عنها ..
و شكرا جدا جدا جدا

رد: رابطة ( تسعير السيارات المستعمله)

اقتباس:

المشاركة الأصلية كتبت بواسطة Karim Emad (المشاركة 741676)

اوك تمام
عندك الاتى :-
************************
اوبل استرا 2007 الشكل الجديد اوتوماتيك
بروتون بيرسونا 2010 اوتوماتيك او مانوال
دايو نوبيرا 2009 مانوال
او نوبيرا 2007 - 2008 مانوال
شيفورليه لانوس 2011
بس لو عاوز لانوس
انصحك بالدايو لانوس 2008
رينو كليو 2008 مانوال او اوتوماتيك
فيات سينا 2008 مانوال
رينو ميجان 2005 - 2006 الشكل الجديد اوتوماتيك
رينو لوجان 2011 مانوال كسر زيرو
كيا ريو 2006
نيسان صنى 2002 - 2003 اوتوماتيك او مانوال
ميتسوبيشى لانسر 2004 اوتوماتيك
او 2005 - 2007 مانوال
هيونداى نيو اكسنت موديل 2006 - 2007 مانوال او اوتوماتيك
هيونداى جيتز 2008 مانوال
هيونداى فيرنا 2010 - 2011 كسر زيرو مانوال
عاوز اوتوماتيك عندك موديلات 2007 - 2008
لو عاوز فيرنا تقفيل كورى
يبقى عندك موديلات 2004 - 2005 فى الاربعينات
هيونداى ماتريكس 2004 - 2006 مانوال او اوتوماتي

تحياتى

رد: رابطة ( تسعير السيارات المستعمله)

اقتباس:

المشاركة الأصلية كتبت بواسطة Kemo Kono (المشاركة 741687)

لا خلاص تمام يا باشا
25 الف كويس اوى
وظبطها بالالفين اللى انت نقصتهم او زود عليهم كمان
وتبقى العربيه تمام
تحياتى

رد: رابطة ( تسعير السيارات المستعمله)

كل عام و سيادتكم بالف خير و صحة -بروتون جين2 موديل 2007 بحالة جيدة جدا فابريقة -الصالون ممتاز بوية الفابريقة عاملة 80000 كيلو-مانوال الرجاء سعر البيع و شكرا