مصر موتورز مجتمع السيارات - كل اللي نفسه في حاجة عن اللوجان يدخل هنا

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - كل اللي نفسه في حاجة عن اللوجان يدخل هنا (https://www.masrmotors.com/vb/showthread.php?t=13926)

رد: كل اللي نفسه في حاجة عن اللوجان يدخل هنا

ﺍﺧﻮﺍﻥ ﺍﻧﺎ ﻣﺤﺘﺎﺝ ﺍﻟﺒﺎﻛﺘﺔ ﺍﻟﻲ ﻓﻲ ﺍﻟﺒﺎﺏ ﺍﻻﻣﺎﻣﻲ ﻣﻤﻜﻦ ﺣﺪ ﻳﻘﻮﻟﻲ ﺍﻻﻗﻴﻬﺎ ﻓﻴﻦ ﻏﻴﺮ ﺍﻟﺘﻮﻛﻴﻞ ﻭﻳﺎﺭﻳﺖ ﺍﻗﺮﺏ ﻣﻨﻄﻘﺔ ﻋﻠﻴﺎ ﺍﻧﺎ ﺳﺎﻛﻦ ﻓﻲ ﺍﻟﻬﺮﻡ

رد: كل اللي نفسه في حاجة عن اللوجان يدخل هنا

الحقيقة مشكور بس فين الصور

رد: كل اللي نفسه في حاجة عن اللوجان يدخل هنا

تقرير جميل وخلاصة انا ان شاء اللة ناوي اجيبها بس بردة الي حواليا بيخوفوني منها لان مكانها ف السوق قليل جدا ونادر لما تشوف حد راكبها هي داخلة دماغي فعلا ومع قراءة التقارير من المنتدي العملاق دة حبتها بس بردوا الي حواليا بيخوفوني منها وخاصة ان ليا واحد صاحبي جابها وهو ف الطريق فجاة العجلة اليمين نزلت علي الارض واليرباج انفتح واتعور ف وجهة مع انة كان لسة شاريها بقالة شهر واتصل بالتوكيل سحبوها علي القاهرة للصيانة وطبعا قالو لة انها تتكلف مبلغ كبير جدا مع انها لسة ف الضمان فضل شهرين او اكثر والاخر سحبها وصلحها علي حسابة ---يعني هل ممكن سيارة بنفس العفشة الي بنسمع عنها دي ويحصل ليها كدة علشان كدة انا محتار جدا وقلقان برجاء الافادة في من جربها فعلا وممكن حد يفهمني اية موضوع الحجز دة بيطول اوي كدة لاني لسة بايع عربيتي ومش عارف اتحرك عايز اجيبها ف اسرع وقت برجاء من الاساتذة الي جربوها فعليا يفيدوني وشكرا

رد: كل اللي نفسه في حاجة عن اللوجان يدخل هنا

اقتباس:

المشاركة الأصلية كتبت بواسطة Mohamed Magdy (المشاركة 430799)

اهلا بحضرتك ..

كلامك على عينى وراسى لكنى مختلف معاك تماما
عربيتى عدت الـ 42 الف ومريحانى بدون مشاكل
1- الفرامل معايا زى الفل وغيرت تيل خلفى على 23 الف و الامامى على 41 الف
2- التكييف مش حلو فعلا لكن الكلام ده وانت على الغيار الأول والتانى .. لما توصل لسرعة 60 التكييف بيكون زى الفل ومتحسش بيه يعنى طول ما انت فى طريق مفتوح مش هتحس بيه
3- العفشة بعد استخدام سنة و 3 شهور و 42 الف كيلو زى الفل ولم اشتكى منها وفى اخر صيانة كانت تمام ويا دوب بيتعملها تربيط فقط
4- الكركرة ديه معروفة فى كل العربيات قديم وجديد والسبب فيها طريقة الضغط على دواستى البنزين والدبرياج وطلو ما انت بتدوس كويس مش هتلاقى كركرة
5- قطع الغيار غالية فعلا .. بس موجودة بره التوكيل باسعار مناسبة .. مع العلم ان الاصلى فى التوكيل بيعمـر
6- الحوادث قضاء وقدر ومتنساش ان فيه تامين بنشيله الليلة ( يعنى الريداتير وماسورة التكييف وباقى القطع المفروض تشيلها للتأمين
7- الفتيش بيعض على الغيار الاولانى بس وده لان لازم تجيب الغيار وهى العربية ثابتة تماما

ولك خالص الشكر ..

الاخ الفاضل محمد مجدي كل عام وانتم بخير بقالي حوالي سنتين او مايقاربها لم ادخل الموقع ودخلت من باب الصدفة فعذرا للتاخير بعد حوالي سنتين من استعمال لوجان ودخلت في التالتة اهو من اربع شهور والعداد عامل حوالي 49الف كيلو مبهور باللي حضراتكم بتقولوه في حق العربية دي واليك بعض الحقائق الفعلية غيرت تيل فرامل حوالي اربع مرات!!!!!!!!!!مش عارف اساسا اللي بيمشي بالتيل تلاتين الف ده بيمشي عليه ازاي؟؟؟؟؟؟تزييق عجيب في دواسة البنزين وايضا في الدبرياج ولما سالتهم في التوكيل قالولي ان طقم الدبرياج كله عايز يتغير وانه مضمون لمدة تلاتين الف بس او سنة ايهما اقرب ..........الحقيقية بستغرب اوي اوي من الشكر المبالغ فيه اللي بتشكروا فيه في العربية هنا ع العموم ربنا يكرم الجميع ونلتقي علي خير باذن الله

رد: كل اللي نفسه في حاجة عن اللوجان يدخل هنا

اقتباس:

المشاركة الأصلية كتبت بواسطة akerima (المشاركة 375864)

اولا متزعلش مني لو سالتك هوا انت بتسوق بقالك كتير (يعني كام سنة) وكان معاك ايه قبل اللوجان؟؟ والعربية لما ظهر فيها العيوب دي كلها كانت عملة معاك كام كيلو؟؟
لكن مع احترامي لكلام حضرتك العربية معايا من شهر 6 2010 يعني من سنة الا 3 شهور وعامل بيها 16000 كيلو واقسم بالله انا مرحت التوكيل الا في الصيانة الدورية ومره صباع سنتر علق يعني 4 مرات وانا بتكلم عن توكيلات اسكندرية والناس هناك في منتهي الزوق والادب ومتقولهمش حاجة الا لما بيعملوها وملاحظاتي علي العربية اللي جايز تبقي عكس الكلام اللي حضرتك قولتة 1-الفرامل فوق الممتازه بعد ال 2000 كيلو الاولانيين 2- تكييف تلاجة لدرجة اني مش بقدر اعلية للاخر وده في عز ايام الصيف 3-محصلتش معايا موضوع ال RPM صوت الماتور جرش شوية انا معاك بس دي شيمة كل الاوربي يعني متقدرش تقول ان ال BMW صوت ماتورو ناعم ولا الاوكتافيا مثلا وانا قبلها طول عمري راكب جولفات وصوت الماتور بالنسبة للجولف ناعم جدا فده موضوع نسبي وعشان كده سالتك في الاول انت كنت راكب ايه؟ ومن ناحية ان قطع غيارها مش معمرة او ان العافشة بتبوظ بسرعة اوكد لك ان بلدنا لو مشيت فيها بعفشة دبابة حتبوظ بسرعة ومع ذلك اؤكدلك برضة انها اكيد حتبقي احسن من الصيني والكوري علي الاقل بالنسبة لانها بنفس السعر - عموما انا مكنتش عايز ارد علي الموضوع لان كل واحد من حقة يشتكي من اي حاجة لكن اللي استفزني بصراحة ان الشكواك كلها حسيت انها عدم رضا عن العربية نفسها مش شكوي حقيقية (يعني حتة السير اللي مش مرتاح - مش فاهم يعني ايه؟؟؟) مع احترامي وتقديري

الاخ الفاضل الكريم كل عام وانتم بخير بقالي مدة طويلة جدا مدخلتش الموقع ودخلت النهاردة بالصدفة وبصراحة هالني وروعني هجومك عليا وعلي انتقادي للوجان رغم انك لو نزلت عند اي ميكانيكي رينو حقيقي حتعرف راي الناس وراي الميكانيكة فيها .......ع العموم بعد سنتين ونص من اقتناءها وحوالي 49الف كيلو اقدر اقولك بمنتهي الصراحة ان احلي حاجة في العربية دي بساطتها وعدم تعقيدها ......وعلي الوجه الاخر غيرت لحد دلوقتي حوالي 4 مرات التيل الامامي بعد الاصلي اللي خلص علي 15الف !!!!!!!!وغيرت الكاوتش علي اربعين الف وبدأت كدة اصوات لطيفة(( تزييق رهيب))تطلع من دواسة البنزين وبرضه دواسة الدبرياج ولما سالتهم في التوكيل قالولي ان طقم الدبرياج عايز يتغير وان الضمان عليه سنة واحدة بس او تلاتين الف ....مزيكا يا هندسة !!!!!وبالنسبة لعدد سنوات السواقة حوالي 15 سنة وكان معايا قبلها ستروين اكسارا واي سؤال يااخي العزيز وكل سنة وانتم بخير

رد: كل اللي نفسه في حاجة عن اللوجان يدخل هنا

طيب واللى بيغير التيل على 40 الف كيلو دة ايه ؟؟؟

رد: كل اللي نفسه في حاجة عن اللوجان يدخل هنا

استفسار صغير
انا استلمت 3 كتيبات مع العربيه واحد كتالوج العربيه وواحد صيانات العربيه وواحد للكاست مكتوب عليه Radio Classic
هل فيه كتيبات تاني ولا كده كلو تمام ويعتبر معايا ضمان العربيه والكاسيت؟