رد: دليل الاعطال و الاصلاحات للفيرنا
 

معلش يا جماعة انا اسف للتاخير عليكم اصلي كنت مسافر ولسة راجع من يومين المهم انا روحت ابو رواش زي مكنت ايليكم وقولتلهم علي العيب اللي فيها و المهندس كتب انها يوجد بها عضة في الفتيس و كتب الكشف علي عصلية الفتيس بس المهم اعدت بتاع ا5 ساعات من الساعى 10.30 الي 3.30 وبعدين ندهولي وقوللي خلاص اتفضل استلم العربية والحمد الله من ساعتها وهية ماشية تمام انا خايف بس لحسن الموضوع ده يرجع تاني ويكون عيب صناعة او حاجة وشكرا ليكم لانكم ساعدتوني كتير

رد: دليل الاعطال و الاصلاحات للفيرنا
 

طب الحمد لله إنها خلصت على خير
هو حضرتك ما سألتهومش العيب كان فى إيه

رد: دليل الاعطال و الاصلاحات للفيرنا
 

لا سالتهم وقوللي اللي المهندس كتبه احنا عملناه وخلاص!!!!!!غبور بقي

رد: دليل الاعطال و الاصلاحات للفيرنا
 

عموما الف مبروك
وإن شاء الله تكون المشكلة إتحلت نهائيا

رد: دليل الاعطال و الاصلاحات للفيرنا
 

السلام عليكم ،

أنا كنت عملت حادثة بالعربيه وكانن الصدمة في العجلة القدامانيه يمين وكانت الخساير اني غيرت المساعدين الأماميين عشان فيه واحد منهم كان اتعوج ، وغيرت الشمعدان والبلية القدمانية يمين .. وزبطت زوايا ورصصت والعربية مشيت تمام ..

بس المشكلة دلوقتي انه ظهر صوت كده عامل زي صوت الغسالة الأوتوماتيك وهي بتعصر الصوت ده بيزيد مع السرعه لحد ما يبقي لا يطاق عند 120 بيجيب صداع ومش بسمع اي حاجه تانيه غيره والصوت ده مش جاي من الموتور عشان انا لما باجي اكبس بنزين والعربية واقفة الصوت مش بيبقي موجود .. هو صوت حاجة بتدور جامد وبتزن .. مع العلم ان بتاع الزوايا قالي مفيش اي حاجه في العفشة ورحت لواحد تاني قالي برده مفيش حاجه في العفشة .

يريت حد يدلني أعمل ايه ... مشكورين يا شباب .