|
|
يعنى ايه تامين
السلام عليكم ياجماعة انا كنت عاوز اعرف يعنى ايه تامين على السيارة وايه الفرق بين التامين الاجبارى والانواع التانية وهل لازم اامن على عربيتى طيب ولةو استريت عربية مستعلة هل لازم اامن عليها وهيكون ايه نظامه وايه هةو التامين على الحياة ياريت حد يفيدنا عشان الناس اللى ملهاش خبرة فى العربيات وتامينها تستفاد وتبقى عارفة الدنيا ماشية ازاى؟؟؟ والرجاء ذكر انواع اتامين الحلال وايه هى اللى فيها شبهة حرام؟؟؟ |
رد: يعنى ايه تامين
برجاء الرد لانى عاوز اعرف الاجابة برده لو تكرمتم
|
رد: يعنى ايه تامين
السلام عليكم اخى العزيز كل عام و انت بخير و فى اتم صحة
ناخد الموضوع نقاط على شان يبقى فى وضوح 1- بالنسبة للتامين على السيارة ::::: حضرتك لما بتشترى سيارة بحظر بنك اى بقرض سيارة من اى بنك او شركة بتمنح قرض سيارة بتشرط انك تامن على السيارة و الفكرة من الموضوع ان حضرتك جايب السيارة قسط يعنى ما فيش سيولة عند حضرتك يعنى لو السيارة عملت حادث او كانت هلاك كلى البنك او الشركة المقرضة بتبقى ضامنة ان حضرتك هاتدفع لان الوثيقة بتبقى لصالح البنك او الشركة الى عملت قرض السيارة 2- التامين الاجبارى و التامين الاختيارى ::::: الاجبارى : دة بيبقى فىالمرور و بتدفع قسط بسيط و دة بيبقى لحد مبلغ 40000 جنية فى حالة لو السائق موت او اصاب احد اصابة بالغة بس بحد اقصى تعويض 40000 الاختيارى : الى بيطلبة البنك او الشركة المقرضة و هوة بيقولك امن فى اى شركة مثلا و لكن البعض يشترط ان الوثيقة تكون بدون تحمل بعض البنوك و البعض يقبل بتحمل 4فىالالف من مبلغ التامين 3- الفائدة لو انت اشتريت سيارة مستعملة تامن لية ::::::: لان هذا مالك و بجزء بيسط من المال اى بنسبة بسيطة من ثمن السيارة بتحافظ على مالك مثال لو شخص اشترى سيارة مستعملة و ما عملش تامين ولا قدر الله عمل حادثة و لو نقول انها هلاك كلى بل حادث يتكلف 20000 جنية و انت مثلا اشتريت السيارة ب 50000 يبقى حضرتك ثمن العربية هيقف عليك ب 70000 دة لو متوفر معاك 20000 لاصلاح السيارة لكن لو حضرتك دفعت فى التامين مثلا 3000 جنية و صلحت ب 20000 السيارة يبقى انت حافظت على مالك لان كل ما يشترية الانسان عربية شقة ارض الشىء يساوى ثمنة بالعملة يعنى فلوس يعنى لو سيارة باظت خالص ب 50000 يبقى اكن ضاع منك 50000 4- التامين على الحياة :::::: هى وثيقة تامين حضرتك بتدفع اقساط لفترة تبداء من 5 سنوات 10 سنوات 15 سنوات 20 سنوات 25 سنوات و خلال هذة الفترة اذا لاقدر الله توفى الشخص المؤمن علية يصرف ملبغ التامين + الارباح عن الفترة المنقضية اما اذا اتم الفترة و عاصر تاريخ الاستحقاق يصرف مبلغ التامين + ارباح الفترة مميزات هذا التامين """ تامين الدخل للاسرة فى حالة فقدان عائل الاسرة و تفادى الاهتزاز المادى لاسرة المؤمن علية ///// فى حالة الحياة استثمار جيد لفلوسك تجوز الاولاد تحج اى متطلبات لهذة الفترة 5- الحلال و الحرام ::::::::: الموضوع شرحة يطول جداا لانة لا يوجد اجماع على انة حلال ام حرام و لكن فى راى و العلم عند الله انة حلال لان فكرة الحرام فى الربا ان الوثائق فى قناة السويس مثلا مع الاشتراك فى الارباح و بعض الفقهاء قالو انة حرام لانة عقد غر ( اى عقد مغلب فيها مصلحة طرف على طرف مع الاجبار ) و هنا اولا حضرتك انت بتختار الشركة و العقد الى يناسبك ولا احد يجبرك على الاشتراك لاكن انت بتشترك بارادتك المنفردة يعنى انتفى موضوع عقد غر و ان شاء الله عن قريب ابقى اعرض اراء الفقهاء من الفريقين |
ضرورى الله يكرمكم
السلام عليكم
أنا عربيتى هيونداى ألنترا 2010 الأكصدام الأمامى أتخبط تحت الفانوس اليمين وأتكسر فعايز أغير الأكصدام وأنا جايبها قسط من المصرية للسيارات ومتأمن عليها من شركة التكافلية كنت عايز أعرف الخطواط اللى هعملها ايه هروح المعرض لأنه هو اللى أدانى الوثيقة وإلا أروح شركة التأمين وهل أنا بصلحها على حسابى وبعد كدة بيحولوا لى المبلغ وفى التوكيل هيبقى غالى ولارأيكم أبعد عن ده كله وأجيب أكصدام استيراد من بورسعيد وأنا سألت قلولى عامل حوالى 250 ج والله أعلم أفيدونى |
رد: ضرورى الله يكرمكم
اقتباس:
قدر الله وما شاء فعل وربنا يسترها عليك ومتزعلش لان ممكن تكون الخبطه ديه فدات حاجه اكبر وربنا يكفيك شر الطريق بالنسبة طبعا للخبطة المعرض اللي انتا اشتريت منه ملهوش دعوه خالص وابعد عنه علشان ميعملش عليك شغل من وراك مع التامين اولا شوف الوثيقة بتاعتك والشركة اللي انتا مامن فيها لان في شركات بتقولك ابعت العربية لقسم الهياكل وفي مندوب بيجي من التامين معاك بيعاين العربية وبيعرف هتتكلف كام وهما بيبعتوا شيك بالمبلغ لمركز الصيانه وفي شركة تامين تقولك حاسب انتا وتجيبلنا فاتورة واحنا نسددهالك وده تقريبا بياخد وقت من 15 يوم لعشرين يوم بص علي الوثيقة اللي انتا خدتها من التامين وشوف هيحملوك نسبة اهلاك قد ايه وشوف بردك هل انتا مامن في الشركة بدون نسبة تحمل ولا بتحمل لو لقيت التكلفة هتاعدي ال 500 جنيه يبقي تريح دماغك وتجيبه استيراد وانتا اولي باللي هتوفره لو اقل يبقي الافضل ليك انك تعمله عن طريق التوكيل علي الاقل هيرجع زي الاول واحسن |
| الساعة الآن 04:37 PM. |
|
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017