رد: مخطط تصفيه الثوره ,,
الاعلامي فؤاد ابو هيميلة
هستعير التعبير البليغ لصديقي وأخي العميد Khaled Okasha أننا الأن " نطلق النار على قدمينا " وبرغم إني دائما متفائل وادعو الجميع للتفاؤل إلا أنني وللمرة الأولى أشعر بالإحباط وعدم التفاؤل ، تنفجر المشكلات واحدة تلو الأخرى وتنتهي المشكلة لتبدأ أختها وتحركنا يكون بعد " خراب مالطة " ، مش شايف أي مسئول عنده فكر أو حتى بيفهم ، شايف ناس عندها بلاهة وعايزة تنضرب بالجزم على دماغها من عموم المواطنين ، ميش حكومة ولا في رئيس حكومة ولا في وزراء والبلد في حالة فوضى في كل شيء ، مفيش تحرك لحل أي أزمة ،
السياحة منهارة طيب عملنا إيه علشان نرجعها ، المصانع مقفولة طيب عملنا إيه علشان نشغلها ، الأسعار كل يوم بتزيد والناس هتنفجر في وشنا طيب عملنا ايه علشان نظبط الدنيا ، التجار حرامية وبيسرقوا الناس ..طيب عملنا إيه علشان نحاسبهم ...الإجابة ولا حاجة ، وكل يوم الأمور بتزداد وهتزداد سوء طالما مفيش خطة ومفيش برنامج ماشيين عليه وسايبين الأمور عايمة وماشية بالبركة ...صوتنا اتنبح واحنا بنقول ياريس الحكومة دي ماتفعش وزي الزفت والمجموعة الاقتصادية ناس تافهة وغير مؤهلة ، والهيئة الهندسية والقوات المسلحة هما بس اللي شغالين و شايلين البلد ، والدنيا كدة بتتجه لمؤشر خطير لكن الريس فاجأنا وقالنا أنتوا هتعرفوا الحكومة أكثر مني ده أنا بقعد معاهم كل يوم ..طيب يافندم حضرتك كلمنا قولنا الحكومة بتعمل إيه وإيه اللي حضرتك شايفه إحنا مش شايفينه وليه الناس مش حاسة بتحسن ...أسئلة تحتاج إجابات قاطعة ...وللمرة التانية بقول اللي بيحصل ده خطر جدا جدا ولعب بالنار والبلد والناس مش هتتحمل ......
حفظ الله مصر وشعبها وجيشها
|
