|
|
رد: أعرف كل شئ عن السباكة
اقتباس:
المفروض يدهن قبل الصرف طبقتين الطبقه الاولى مخففه وذلك لقفل مسام الخرسانه والطبقه الثانيه ثقله وذلك لضمان قفل جميع مسام الارضيه وبعد الصرف الطبقه الاخيره متوسطة وذلك لتأكد من عدم تجريح الارضيه من أعمال الصرف تقبل تحياتى أخوك أيمن أبو شروق 01005314147 01287710555 |
رد: أعرف كل شئ عن السباكة
السلام عليكم ورحمة الله وبركاتة
احب اشكرك علي سرعة الرد والمعلومات الوافية اللي بتفهمنا كل حاجة عن السباكة هو طبعا السباك عندي عمل العزل خلاص بالسروتكت البارد من كيماويات البناء الحديث بالطريقة اللي قلتللك عليها بس انا قلتلة يزود طبقة كمان بعد الصرف وربنا يستر |
رد: أعرف كل شئ عن السباكة
اقتباس:
مش مشكله وربنا يتمها بخير عايز أوضحلك معلومه أهم حاجه أن شغل الصرف والمياه يكون مضبوط لأن مهما كان نوع العزل لا يستطيع أن يمنع تسريب لا قدر الله تمنياتى لك بالتوفيق أيمن أبو شروق 01005314147 01287710555 |
رد: أعرف كل شئ عن السباكة
السلام عليكم
ازى حضرتك ابو شروق اتمنى تكون بخير .. روحت اجيب خلاط جولد من شركة الفتح للاسف لاقيته خلصان وبقاله اسبوعين كل يوم يقولى بكره بعده ولسه منزلش لغاية دلوقتى يا ريت لو حضرتك تعرف مكان ثانى تقولى عليه لانى سالت فى الفجالة والسبتية وبرده مش موجود وقالولى انه نادر فى السوق ... معلش هتعبك معايا كمان عاوز اجيب مسطرة دوش 2x1 بس نوع يكون رخيص وعملى تقترح عليه اجيب ايه وكمان ماكينه للسافون لان اللى عندى بايظة ... واسف لازعاج حضرتك مرة اخرى ... |
رد: أعرف كل شئ عن السباكة
اقتباس:
مفيش أزعاج ولا حاجه أستاذ معتز أنا تحت أمرك أن شاء الله هشوفلك طقم الخلاطات وأتصل بيك ياريت تبعتلى تليفونك على الخاص بخصوص المسطره للاسف كل الموجود 2*1 صينى وانت وحظك أما التركى والايطالى والالمانى فأسعاره غاليه تبدأ من 450 جنيه أما مكنة السفون فأسمها أسبيك أيطالى مكنه محترمه ومعمرة وسعرها 65 جنيه مصرى تقبل تحياتى أيمن أبوشروق 01005314147 01287710555 |
رد: أعرف كل شئ عن السباكة
السلام عليكم و رحمة الله
اولا متاسف على الاطالة فى السؤال بس انا بحثت فى الموضوع ده كتير ع النت و حسيت ان حضرتك اكتر و احد فاهم و ممكن تفيدنى انا اولا مليش فى حاجات المواتير و الكلام ده و عايز حل يخلصنى من الهم ده كله انا ساكن فى الرابع و عندى موتور كالبيدا غالبا حصان الاوتوماتيك بتاعه غلبنى لحد ما شيلته و شغال بزرار ده ارحم عشان الاتوماتيك كان بيحوجنى للسباكين اللى اصلا مش شاطرين و حافظين مش فاهمين خالص فكنت انزل كل شوية فى المنور عشان اخبط عليه ( و ما ادراك ما المنور بفيرانه بقه مش حاحكيلك) بس دلوقت طبعا الموتور عاملى هسهس لان فى البيت ممكن ينسوا و مش مقدرين انه ممكن يتحرق ساعتها اخوك هو اللى حيلطم و لا ساعة الغسالة الاوتوماتيك اقعد كل شوية افتح و اقفل كل شوية ففكرت اجيب وصلة من الخزان بتاع العمارة ( العمارة 15 دور) و ابقى مع الناس و اخلص نفسى واخلى الموتور تحت برضه و السؤال • هل الحل ده صح و هل ينفع اخلى الموتور تحت للضرورة و ابدل بين الخزان اللى فوق و الموتور اللى فى المنور بمحبس ؟ و المحبس ده حيتحط فين و ممكن يكون فى تكسير فى الحيطة و لا لأ و ساعتها ممكن اخلى الموتور من غير اوتوماتيك لانى حاستعمله ف اضيق الحدود و عند الضرورة فقط • انا خفت اجيب فلوماك عشان المياه عندنا بيكون فيها فيها رواسب صدا فخفت يبوظ ؟؟ و قالوا فى فلتر فانا خفت الفلتر ده كل شوية يتسد و ارجع للهم تانى • لو عايز اجيب و صلة من الخزان هل حيكون ضغط المياه كويس عشان السخان لغاز و لا لا و التكلفة حتكون كام و ايه احسن الموسير عشان خايف السباكين يشتغلونى و هل حتحتاج تكسير و حيكون قطرها كام و نوع اللحام • هو المفروض كل ما تنزل لتحت الضغط يزيد يعنى ضغط المياه فى الرابع حيكون اكتر من العاشر صح؟ • ارجوا اذا كان فى اى نصيحة لا تبخلوا عليا و اذا كان فى سباك مواتير شاطر ف اسكندرية يا ريت تقولنا و هل فى اى فنيات فى تنزيل المواسير من فوق عشان محدش يضحك علينا يعنى مثلا قطر الماسورة اللى نازلة من الخزان عشان اهم حاجة يكون ضغط المياه كويس دمتم بعافية و جزاكم الله خيرا مقدما |
رد: أعرف كل شئ عن السباكة
اقتباس:
|
| الساعة الآن 05:30 AM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017