مصر موتورز مجتمع السيارات - مخطط تصفيه الثوره ,,

يا جماعة ريحوا نفسكو، قطر تخوض مؤامرة وجود
الحكاية كلها إنها عايزة منفذ أرضي للغاز يصل للبحر المتوسط
وعشان كده، مبدئياً لازم تمر بالسعودية، وقطر في الحقيقة إمارة سعودية
وبعدين عشان تنفذ للبحر من السعودية ما قدامهاش غير العراق والأردن
وبعدين بعد ما تمر من العراق تدخل على سوريا، أو لما تمر من الأردن تدخل على سوريا أو إسرائيل
عشان كده سوريا مهمة جداً لقطر وللسعودية
وعشان كده غزلهم مع إسرائيل كمنفذ احتياطي عبر الأردن
وعشان كده أول حاجة استهدفتها مؤامرة يناير هي ضرب خطوط الغاز المصرية اللي كانت بتروح لإسرائيل والأردن
كشوفات الغاز المصري في البحر المتوسط وسهولة تصديره إلى أوروبا عامل هلع لقطر
وقوة الجيش المصري برياً وبحرياً وجوياً وتطويره عامل لهم هلع
العراق مش تحت إيديهم، إيران هناك لها جذور
سوريا مش تحت إيديهم، إيران وروسيا لهم هناك جذور
الأردن تعرف تماماً أن مصالحها مع مصر، والأردن ممكن تكون بديل هاشمي لخريطة جديدة
الموضوع كبير قوي، خريطة جيوسياسية وخريطة جيواقتصادية هي أساس الصراع، وأساس مؤامرات الربيع العربي، وسوريا هي مفتاح الصراع ومصر هي العقبة الكؤود في الصراع
الحكاية حكاية كبيرة، والمؤامرة أحقر وأعقد مما تتصوروا، والكفة دلوقتي مايلة ناحية مصر وتحالفاتها ووعيها الجيوستراتيجي الناضج
قطر بتفطس، عشان كده جتتجنن، والسعودية إن لم تحسم أمرها وتحالفاتها وقربها التاريخي من مصر، واقعة لا محالة
حسام نصار