رد: انا عاوز افهم وجهت نظر الشعب المصرى
 

يا استاذ فادى حضرتك مشرف وانا من ضمن الناس اللى بتاخد بآرائك فى حاجات كتير من خلال مشاركاتك المفيده
لكن لاحظت من خلال مشاركاتك فى الموضوع ده ان فى تقليل من شأن الالمانى والفرنسى مقابل الايطالى عامة
وانا عارف العربيات اللى حضرتك بتتكلم عنها واللى الناس عايشه الوهم وفكراها المانى أو من رحته زى الأوبل و الاسكودا

وبعدين يا عم انا لا صاحب توكيل والا معرض ولا حتى شغال فحاجه منهم عشان تهمنى المبيعات ههههههههههههههه
انا مجرد راجل شغال فى غير ملكى ههههههههههههههه

ومتزعلش اذا كان كلامى ضايقك

رد: انا عاوز افهم وجهت نظر الشعب المصرى
 

انا عمرى ما قللت من الفرنساوى خالص, بالعكس البيجو و السيتروين احدى الماركات التى أحبها, و السيارات الفرنسية و الايطالية عندى هى المفضلة عموما خاصة فيات و بيجو.
و متزعلش صدقنى الموضوع فى الأخر شوية صفيح و مفيش حاجة تزعل بالعكس النقاش الساخن هو الذى يثرى المنتدى و ينفع الأعضاء و يمتعهم, مينفعش الأراء كلها تبقى زى بعض و الا فما فائدة المنتديات؟!
و شكرا لذوقك و تفهمك و صدقنى انا مبزعلش من النقاش بالعكس النقاش معك و مع استاذ واو ممتع بالنسبة الى.

رد: انا عاوز افهم وجهت نظر الشعب المصرى
 

وانا أسعد يا استاذ فادى ويشرفنى النقاش معاك ptmnlo123per122

رد: انا عاوز افهم وجهت نظر الشعب المصرى
 

ptmnlo123per1147يا واوا فعلا المينى اصبحت ملك الام بى دبلوا ومن زمان كمان بس الاول كانت بتصنع فى مصانع البى ام دبلوا لصالح انجلترا ويعدين امتلكتها بى ام دبلوا نهائينا خلاص وبعديين الاوبل اساسا مش جينرال موتورز دى الاصل المانى وبعد الحرب العالميه التانيه اشتريتها امريكا وضمتها الى جينرال موتورزptmnlo123per1147

رد: انا عاوز افهم وجهت نظر الشعب المصرى
 

طيب يا استاذ مودي بما انك كنت عايش في الكويت و شفت ان الناس هنا شايفين ان السكودا عربية حقيرة قولنا بقي شفت كام عربية فيات او الفا روميو و اية راي الناس فيها. و مين قال ان الالفا اغلي من البي ام في اي بلد الكلام ده؟؟ معروف ان الياباني في الخليج هو رقم 1 بدون منازع و اكبر سبب لده هو التكيييييف لا الفخامة و لا الاعتمادية و لا التاريخ ولا متعة القيادة. و انا شايف انك متحامل شوية علي السكودا و يمكن كلام الناس هو الي وصلك لكده زيك زي اعداء اللانسر البومة و ما اكترهم.

خلاصة الكلام انا متفق ان في عربيات و اخدة سمعة اكتر من اللي تستحقها و عربيات حقها مخسوف و ده راجع الي معتقدات و افكار انقرضت لكن لازم نعرف ان زي ما لكل زمان دولة لكل زمان عربية و ده زمن الالماني خصوصا و الاوروبي عموما و ده راي الشخصي و في الاخر كله شوية حديد و ما يستاهلش كل التعصب من الناس ده

رد: انا عاوز افهم وجهت نظر الشعب المصرى
 

يا استاذ حورس بالعكس بتوع الكويت بيفهمو جدا فى العربيات لان العربيات موجوده بجميع الانواع هناك وانضفها ومتعه القياده دى رقم واحد عندهم سيبك من السعوديه اقولك اه يموتو فى اليابانى بس الكويت بيفهمو اكتر عشان بحبو العربيات بجميع الانوع واحنا كلنا عرفين انها اكتر بلد هى ودبى انهم عندهم سيارات مش موجوده فى اى دوله تانيه فا ده يدل على انهم بيفكرو فى العربيات مش عشان التكيفptmnlo123per1109انا شوفت هناك عربيات مكنتش احلم انى اشوفها بصراحه والالفا روميو مش موجوده عشان درجات الحراره عاليه وهى منزلتش موصفات الخليج دى معروفه على مستوى العالم ان الفاروميو اغلى من البى ام وبعدين عادى اهو كلام يا جميل انا بشبه العربيات زى البلطى والبورى واحد يحب ده وواحد يحب التانى بس فى الاخر كله سمك هو على حسب اللى بيرتحله وفى النهايه عربيه بتمشى انت فى مصر يوم لما تجيب ال100 جوه البلد تحس انك طاير وكله بيقضى الغرض واخر كله اقولها لو اتفقت الازواق لبارت السلع


تحياتى للجميعptmnlo123per122

رد: انا عاوز افهم وجهت نظر الشعب المصرى
 

يا مودي باشا انا مولود و عشت و لسه موجود في الكويت و عارف دماغ الكويتة كويس بس انا كنت بكلم عن الناس العادية اللي بيجيبوا العربيات العادية هتلاقي الكامري و الاكودر و الكابريس هما ملوك السيدان و اللاندكروزر و البرادو و الباجيرو و الباترول هما ملوك الجيب و اهم ميزة في كل اللي فات ده قوة التكيف. اما بقي الشباب الصغير او الطبقة العليا فحدث و لا حرج زي ما انت بتقول كدة. علي فكرة الالفا موجودة في الكويت و مواصفات خليجي كمان بس معروف عنها انها رغم كدة مبتستحملش الحر و تكيفها ضاييييع و انا شخصيا كنت هجيب ال 156 بس بعد التجربة و السؤال عنها صرفت نظر نهائيا. و علي فكرة الالماني و خصوصا المرسيدس و البي ام كان معروف عنهم نفس الكلام ده خصوصا في التمانينات لكنهم طلعوا اذكياء و حسنوا من المواد اللي بيستخدموها و قصروا و جابوا التكيفات من اليابان و انا شفت ده في البي ام بتاعت ابويا كومبرسر التكيف Made in Japan و ده اثر بالايجاب علي مبيعاتهم طبعا من اوائل التسعينات و الي الان و ده مش عيب و نفس الكلام ينطبق علي السكودا انا ركبت الاوكتافيا و السوبيرب و الاتنين عربيات محترمة جدا و مش حقيرة زي ما انت وصفتهم.

و للاسف معظم الناس بتجيب العربيات عشان ماركتها او سمعتها او لمجرد انها منتشرة و اخر حاجة بيفكروا فيها اذا كانت العربيات دي بتلبي مطالبهم و لا لا