مصر موتورز مجتمع السيارات - ABS خبر أبيض و زي الفل لو صحيح

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - ABS خبر أبيض و زي الفل لو صحيح (https://www.masrmotors.com/vb/showthread.php?t=93077)

رد: ABS خبر أبيض و زي الفل لو صحيح

السلام عليكم ورحمة الله وبركاته...
رداً على قصة الاي بي اس...
هل اللمبة في التابلوه بتنور معاكي مع الستارت بتاع العربية... لو آه يبقى فيها لو لأ يبقى مفيهاش...
وهم عموماً التصنيع بتاع العدادات واحد فهم بيحطوا كل حاجة حتى هتلاقي اللمبة بتاعة الاير باج والحزام وهم مش بينوروا هم كمان...

وللايضاح عند التجربة... الاي بي اس بيساعد على المناورة أثناء الفرملة.. يعني بدونه اذا كسرتي وانتي رجلك على الفرامل العربية هتتزحلق انما بوجوده العربية بتاخد الملف عادي

وفعلاً ليه جهاز خاص بيه بيبقى موجود قريب من السيرفو ومش بيفرق في طول الفرملة بالشكل الكبير انما أساس استخدامه في المناورة عند الفرامل
وطبعاً الفرامل العادية بتعلم على الأرضية بالكاوتش في حين الاي بي اس بتبقى علامتها أخف عشان العجل بيتفرمل و يشتغل...
وممكن حد يبص عليكي وانتي بتفرملي فرملة مفاجئة لو شاف العجل بيلف يبقى في اي بي اس لو لقاه ثابت يبقى مافيش اي بي اس...
عشان هوة أساس اسمه أنتيلوكينج بريكينج سيستم.. يعني مانع انغلاق المكابح يعني بيمنع ان الكاوتش يقفش وانما بيفرمله بدون ما يكلبشه...
وأرجو أن أكون قد قمت بالتوضيح..

حابب بقى أقول على معلومة بسيطة عن الستيب واي...
في رأيي الشخصي السيارة ديه ماتستاهلش ثمنها أصلاً... عشان أسباب كتير...
أولاً: الارتفاع عن الأرض واحد بين كل عربيات الرينو المغربي سانديرو ولوجان وستيب واي
ثانياً: العفشة واحدة بدون أي فارق
ثالثاً: عشان شفت واحد فاكر ان الستيب واي 16 صباب في حين انها نفس الموتور ال8 صباب
رابعاً: كمالياتها هي نفس كماليات الفئة النصف كماليات

فياريت بعد كده لو هتقارنوا بينها و بين السانديرو... تقارنوا بينها و بين النصف كاملة... مش البلاك لاين...

أنا في رأيي انهم كان عندهم حبة انتاج زيادة من النصف كاملة فحبوا يضحكوا على الناس فركبولها اي بي اس و سبورت كيت حواليها داير ما يدور ومعاها كشافات شبورة وزودوا ثمنها عن الكاملة المانيوال ( مع انها برقبتها أصلاً في الكماليات ) ونزلوها مصر و عملوا بروباجاندا اعلانية عنها و هي ماتستاهلش نصها... وان كانت ينفع تتباع فالمفروض ثمنها ينزل 8 آلاف جنيه على أقل تقدير...
ويبقى الي بيشتريها عارف انه بيشتري هاف أوبشن + شبورة + بدي خارجي بلاستيك سبور...

وكان الأحسن من كده انهم يخيروا المشتري انه يركب السبورت كيت ديه في التوكيل بثمن عادل بدل ما يعملوا حركة النصب ديه...

والسلام عليكم ورحمة الله وبركاته...

رد: ABS خبر أبيض و زي الفل لو صحيح

اقتباس:

المشاركة الأصلية كتبت بواسطة amak313 (المشاركة 725930)

جزاكم الله خيراً يا فندم
دام عزكم

رد: ABS خبر أبيض و زي الفل لو صحيح

اقتباس:

المشاركة الأصلية كتبت بواسطة amak313 (المشاركة 725930)

باشا ... إعمل بحث وهتلاقي الستيب واي نازله عندنا وبره كمان مش عندنا بس، بغض النظر عن الكماليات.

رد: ABS خبر أبيض و زي الفل لو صحيح

اقتباس:

المشاركة الأصلية كتبت بواسطة Tota El Masry (المشاركة 725396)

ربنا يعزك والله أكرم
أنا بقول فعلاً لازم يوضح إن ABS مش بتنزل مصر و يا ريت يخيرك زي نيسان بين النسخة إللي فيها ABS و فرقها 3000ج

و أنا إللي آسفة ليك لو كنت أسألت فهم كلامك
عموماً أنت خدت حسنة مني يا سيدي على سوء ظني للحظة أبسط بقى مبروك عليك الحسنة
لأ والله فعلاً فيه ناس تفضل تولول على مسمار مفكوك من مكانه حتى لو العربية كلها زي الفل و ناس ربنا يهديهم شكاءة بكاءة لدفع العين فقط باعتبار إنهم في أملة ربنا يكفينا شر دماغهم

بالرغم من كده شوف تقيمي للوجي على الرابط ده

http://www.masrmotors.com/vb/showthread.php?t=93205

و التوكيل في غاية الاحترام

مجموعة محمد نصير رحمة الله عليه حتى لو أختلفت معاهم بيكون بأدب و رد دبلوماسي و ماحدش بيبجح فيك هو صحيح مهندس الصيانة كان مخنوق علشان قايم يغير فيوز بس لكن ده عمله و بالرغم من إنه كان بيزق في الكلام و عاملني على إني جاهلة إلا إنه كان بيرد باحترام و كلمة حضرتك ما فرقتش لسانه الله أعلم بظروف اليوم ده يمكن كان عليه ضغط شغل و يمكن تكون ده طريقته في الكلام علشان ماحدش يتصاحب عليه و يبقى التعامل بحيادية

بس التوكيل 9/10 لأن الكمال لله وحده و لو لا كده كنت قلت 11/10

مرورك يشرفني أخي الكريم أ/ أحمد أشرف
و أعتبرني أخت ليك في الله زي ما أنا بتشرف بكوني أختك في أحلى منتدى
مصر موتورز
:CONGRA~238:

الشرف ليا والله، وعلى فكرة بالنسبة لموضوع إن موقع رينو بيقول فيها ABS دي مشكلة منتشره في مصر، الشركات تعمل مواقع ومتتحراش الدقة في المعلومات عليها ومتحدثهاش، أراهنك لو إن الموقع إتحدث من أقل من سنه ونصف مثلا هههههه وكمان عليه معلومات مش صح!!!!

رد: ABS خبر أبيض و زي الفل لو صحيح

اقتباس:

المشاركة الأصلية كتبت بواسطة ahmedashraf (المشاركة 726850)

من غير ما تقول مش كفاية إنه بالعنزليجي مش بالعربيكي
يعني إحنا ولاد بنرطن مثلاً ما موقع الإمارات بالعربي و فلة شمعة منورة
يا أخي أعملي الموقع عربي و أوجع دماغك في تعريبه إلا إذا كان إللي عمل الموقع نقل الداتا و كبر دماغه و غير بيانان إنجلترا مثلاً ببيانات مصر

و الرهان عليا من غير ما نقع في شبهة

أأمر حضرتك و العدسات اللاصقة ليك
كان بودي أقول عيوني
بس
علشان بس ألاقي حاجة ألبس النظارة و تمشي معاها

رد: ABS خبر أبيض و زي الفل لو صحيح

اقتباس:

المشاركة الأصلية كتبت بواسطة amak313 (المشاركة 725930)

حابب بقى أقول على معلومة بسيطة عن الستيب واي...
في رأيي الشخصي السيارة ديه ماتستاهلش ثمنها أصلاً... عشان أسباب كتير...
أولاً: الارتفاع عن الأرض واحد بين كل عربيات الرينو المغربي سانديرو ولوجان وستيب واي

هم مش نفس الارتفاع اوى خاصتا الستيب وواى اعلى منهم ب 2 سم

اقتباس:

رابعاً: كمالياتها هي نفس كماليات الفئة النصف كماليات

مش للدرجة دى الستب واى فيها abs و اير باج ومالتى فانكشن وفوج لايت وجنوط اسبور وحامل سقف كروم
دة غير شكلها جميل الحقيقة دة غير طريقة تقفيلها احسن من اللوجان
عربية حلوة بردو ومالهاش علاقة باللوجان الهاف
وتقبل مرورى

رد: ABS خبر أبيض و زي الفل لو صحيح

اقتباس:

المشاركة الأصلية كتبت بواسطة ringoo (المشاركة 727907)

هم مش نفس الارتفاع اوى خاصتا الستيب وواى اعلى منهم ب 2 سم

مش للدرجة دى الستب واى فيها abs و اير باج ومالتى فانكشن وفوج لايت وجنوط اسبور وحامل سقف كروم
دة غير شكلها جميل الحقيقة دة غير طريقة تقفيلها احسن من اللوجان
عربية حلوة بردو ومالهاش علاقة باللوجان الهاف
وتقبل مرورى

أنا حلفتلكة لولا إني محتاجة أوتوماتيك كنت جبت ستيب واي
ربنا يبارك لملاكها فيها يا رب