Re: رد: Re: رد: اللى عنده مشكله فى كنترول عربيته يقولى ؟؟؟
 

أشكرك لأهتمامك المشكله للأسف اني مليش أوي في الاليكترونيات لكن لاني بحب اشوف وادور

انا كنت روحت لواحد بتاع كنترولات لكن انت عارف الناس ده مش بتحب تشتغل غير في التكويد طلبت منه يصلحه او يشوف فيه من غير ميشوف ولا حتي لمسه قالي مبيتصلحش

رقم شاسي العربيه
TMBDC16Y354273249

المشكله عندي انه كان مطلع كهرباء غلط للعربيه و المشكله كانت في الارضي بعد كده الكهربائي منه لله (حسبي الله ونعم الوكيل ) فتح المنترول ولعب فيه بالكويه خاله يقطع كهرباء عن الرشاشات

واسف علي زعاجك
وجزاك الله خير

رد: اللى عنده مشكله فى كنترول عربيته يقولى ؟؟؟
 

شوف حضرتك
الكنترول الـ (HS) هو هو الكنترول (HH) بالنسبة للموتور لكن بيختلف في الفتيس اللي في عربيتك (Automatic (6Y) والاخر (Automatic (9N) لكن الاتنين لنفس الموتور BKY ونفس القدرة ولذلك اقول ان المشكلة لم تكن في البداية في الكنترول ولكن في احد الحساسات او في الضفيرة ولذلك اصح حضرتك ابص الاول علي الكنترول قبل ما نشتري أي حاجة والفني لم ينقل أي شئ من كنترولك للكنترول الاخر هو قام بفتحة عشان يشتغل علي عربيتك (شال الكود من الكنترول) ولذاك انصح حضرتك انك تروح لحد يكشف علي خرج ودخل الكنترول ويعرف بالضبط ايه المشكلة ومبدئيا اصح بانك تحط العربية علي جهاز الفحص وتعرف المشكلة فين

رد: اللى عنده مشكله فى كنترول عربيته يقولى ؟؟؟
 

أشكر حضرتك علي اهتمامك
انا روحت للكهربائي النهارده لقيته فعلا جايب كنترول HS وكوده (نقل من البورده القديمه للجديده )ودور العربيه ولقي ان العربيه عاليه علي طول قالي المشكله في البوابا وان الوابا مش بتشيك معه (مفهمتش ) بس قالي نجيب بوابا ولان الساعه دخلت علي 12 كان كله قفل فقالي يوم الاتنين

سؤال ومعلش هوشك دلوقتي الفرق في الفتيس ده مشكله ولا عادي يعني انا اخد بالي لما روحت انه دوره واتحرك بالعربيه من مكان لمكان وكان عادي بس ده يعمل مشكله ولا لا ....

رد: اللى عنده مشكله فى كنترول عربيته يقولى ؟؟؟
 

ان شاء الله مفيش مشكلة - وطبعا لازم تجرب العربية وتشوف النقلات علي الطريق
ملحوظة بس يا سيدي بلاش يقول لك تكويد وغيرة عشان هو معملش حاجة هو فتح الايموبليزر بس عشان العربية تدور - وكمان اتكلم معاه وفاصلة لحسن كده هياخد فلوس كتير - فك وتركيب ونقل وتكويد واللذي منه ولسه سعر البوابة
كن حسن النية لكن اسال علي كل شئ وعمل ايه بالضبط
والله اعلي واعلم

رد: اللى عنده مشكله فى كنترول عربيته يقولى ؟؟؟
 

وخلي بالل بعد كده عشان مشكلتك مكنتش في الكنترول من الاول

رد: اللى عنده مشكله فى كنترول عربيته يقولى ؟؟؟
 

ان شاء الله بعد ما تاخد عربيتك هات الكنترول القديم وان شاء الله هصلحه ليك بالمناسبة من غير ولا مليم عشان مصر موتورز

رد: اللى عنده مشكله فى كنترول عربيته يقولى ؟؟؟
 

حضرتك ان وضحت فى مشاركتى المتواضعه ان نسخ اكواد البرمجة من ايبروم او ميكروبوسيور لميكروبوسيور تانى عملية فاشلة لأن في سطور فى البرنامج نفسه غير قابلة للنسخ فلازم تجيب سورس السوفت وير الاصلى بتاعها من على النت و تفلشه على القطعة

نقطة رقم 2 مهما كانت الكارت معقد ممكن نمسحه بأسكانر معين و نطلع منه كل المسارات الالكترونية المكسورة و نعيد اصلاحها و لو الكارت مكسور نصين فى طريقة برضو نطلع بيها نسخة طبق الاصل من مسارات الكارت وش و ضهر و نطبعه عند النخيلى او على شبلونه و نجمع على الكارت الجديد كل القطع اللى فى الكارت القديم

و لو فى قطعة بايظه سهل تتقاس و تتغير

انت كده بتتعامل مع كهربائى بيفتى فى العربية