رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

تم تثبيت الموضوع لتعميم الاستفادة
ونرجو من السادة الاعضاء نقل تجاربهم بموضوعية وحيادية تامة

رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

ايه نظام الايكو ده؟

رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

اولا السلام عليكم
من واقع تجربتى مع الالنترا 2012 انا اشتريت اول فئة بسقف و بعد تجربة لمدة شهرين و بعد 4000 كيلو مع الاسف لم تعجبنى السيارة فة السفر و المطبات و مع الاسف العربية بتعوم جامد جدا و ممكن يكون العيب دة فى الفنة الاولى خاصة ان الجنط 15 ممكن يكون بيعومها بس مع الاسف اكمنى بسافر كتير اطريت اتخلص منها و على فكرة ممكن يكون العيب منى انى مقدرتش اتقلم مع السيارة و هذا راى شخصى

رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

تسلم ايديكم جميعاً

رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

دا انا كنت بافكر اشتريها

رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

بس انا شاكك دلوقتي اني هاشتريها

رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

احب اشكر المنتدى و كل اعضائه على المساعده الكبيره فى اختيارى الى انا باعتبره موفق للهيونداى. ده اول مشاركه ليا فاعزرونى لو افكارى مش مرتبه.

انا اشتريت العربيه شهر 3 الى فات من اوتو سمير ريان "خليجى" ب 133 الف الكماليات الأساسيه (اوتوماتيك 6 نقلات + ستيبترونيك + 4 زجاج كهرباء + 1 زجاج اوتوماتيك للسائق - كاست (CD MP3+ AUX+ USB) الكماليات الأضافيه (كاست بلو توث - جنوط 16 - فتحه سقف - طاره و مقبض فتيس جلد + اضافات نيكل فى الشبكه الأماميه و مقبض الفتيس + غطاء للحت الى تحت التكييف ده ملقتهاش فى الوكيل)

دفعت 1100 جنيه تأمين 3 سنين ضد عيوب الصناعه من عند شركه AAA

سافرت بالعربيه اول مجبتها شرم الشيخ و رجعت من ساعتها باسوقها فى القاهره

و كانت ديه ملاحظاتى الايجابيه الأول

* العربيه واسعه جدا و عريضه انا 180 سم و 110 كج و من النوع الى بحب ارجع الكرسى, الى كان قاعد فى الكنبه الخلفه واحد صحبى و كان مستريح و هو حوالى 170 سم .
* الشنطه الخلفيه واسعه و مسطحه و ديه ميزه لما تحب تحط امتر من شنطه.
* بالنسبه للعربيات الموجود فى السوق اعتقد (الموضوع ده اذواق) ان تصميم العربيه الخارجى جديد جدا و متقدم و هيفضل شويه لحد ميقدم.
* بالنسبه للتابلوه شكله جديد و جميل و بصراحه انا شايف ان شضافه الكاست ال DVD الى موجود فى شارع دمشق ب 3000 جنيه بيخلى التابلوه اكنه فى عربيه اعلى و اغلى كتير
* الجنط ال 16 بيجمع بين الشكل و العمليه العفشه كويسه انشف من الانترا القديمه بس اثبت منها على الطريق. الجنط ال 15 اعتقد انه هينعم العربيه فى المطبات و ال 17 هيخلى شكل العربيه احلى.
* الباور انعم من كل العربيات الى سقتها (انا سقت عدد مش بطال) بس ده فى عيب هقوله تحت.
*العربيه كويسه فى استهلاكها للبنزين انا بعمل حوالى 9 لتر فى ال 100 كم لما اكون ماشى بأدب.
*العربيه جبت بيها 200 بس مكنتش مستريح و على السرعه ديه العربيه خفيفه جدا السرعه الى حسيت انها مناسبه للعربيه 150-160 لازم مننساش ان ديه عربيه كورى.
*فى صيانه الألف رحت الأقصى مركز نضيف و الناس محترمه.

السلبيات
* الجير بوكس ال 6 نقلات موفر للبنزين بس بصراحه ميت جدا التسارع مش كويس و الكيك دون بيعلى صوت الموتور جدا لو عايز تجرى لازم تقلب ستيبترونيك.
* الباور الكهربائى خفيف جدا لدرجه اوفر و مش بيتقل مع السرعه العاليه و مش بيخليك متفاعل مع الطريق و الغرز بتبقى مقلقه عشان الباور حساس جدا.
* العربيه الى معايا مش ABS و الفرامل الى ورا تيل مش دسك مش مبسوط من ثبات العربيه مه الفرامل الجامده.


عموما
* انا مبسوط من العربيه و قادر اتعايش مع عيوبها مريحه و هاديه تاخدك من نقطه لنقطه بشياكه و راحه.
* ديه مش عربيه المانى متتوقعش منها اداء عالى بعد ال 140 من ناحيه الثبات العربيه مخففين وزنها عشان توفر فى البنزين و خلو الباور كهربا مش طرمبه زيت عشان طرمبه الزيت برده بنحمل على الموتور فبتستهلك بنزين.
العربيه ديه اخدت جوايز بالهبل لدرجه ان مسئولين من فولكس انبهروا من روعه و جوده تصميم خامات الصالون و طلبه من مصممين الجولف يتعلموا منها.

عربيات سابقه و حاليه
1995 هيونداى اكسل 1500 GLS
1999 سيات ابيزا 1000 CC تعديل موتور و عفشه 1600 CC
2000 دايو ليجنزا 2000 CC
1998 BMW 1600 CC كوبيه تعديل موتور و عفشه 2800 CC
2004 كيا سيكترا 1600
2010 كيا كارنز 1600 وكيل
2012 هيونداى الانترا 1600 خليجى

اى سؤال او استفسار انا تحت امر اعضاء المنتدى