مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - فلول الثوار (https://www.masrmotors.com/vb/showthread.php?t=79100)

رد: فلول الثوار

ومين سمعك يادكتور كمال

ااااااانا بغلي من جوايا

امتهان واهانه حرق وتدمير

وااااخرتها ايه

مش عارف

ربنا يعديها علي خير

الحل فعلا "عودة الجيش الي ثكناته "

وترك السياسه واللي بيشتغلوا في السياسه

وبكره الايام هتثبت مين كان علي حق

رد: فلول الثوار

اقتباس:

المشاركة الأصلية كتبت بواسطة walidelwahsh (المشاركة 610416)

والد شهيد باحداث بورسعيد : قناة "أون تي في" عرضت علي 15 ألف جنيه مقابل اتهام المجلس العسكري

كشف والد أحد ضحايا أحداث بورسعيد، أن قناة "أون تى فى"، المملوكة لرجل الأعمال نجيب ساويرس عرضت عليه الظهور في أحد برامجها للإدلاء بتصريحات تتهم المجلس العسكرى بالتورط فى الأحداث التي أسفرت عن سقوط أكثر من 70 قتيلاً وإدانته باعتباره "الطرف الثالث" حسبما ترى القناة.

وقال السيد أحمد سرى، والد الشهيد محمد السيد أحمد سرى لـ"المصريون"، إن العرض كان يقضي بظهوره عبر برنامج "آخر كلام" الذى يقدمه الإعلامي يسرى فودة، ليتحدث عن ملابسات استشهاد ابنه على أن يقوم إدانة المجلس العسكرى بشكل مباشر فى الأحداث، وذلك مقابل الحصول على 15 ألف جنيه.

وتابع: تلقيت مكالمة هاتفية من القناة للاتفاق على الأسئلة التى سأقوم بالرد عليها خلال البرنامج، وكانت الإجابات معدة سلفًا، وتدور فى مجملها حول محاولة لتوريط المجلس العسكرل فى الأحداث الدامية وإدانته باعتباره هو "الطرف الثالث".

وكشف سرى أنه تلقى عرضًا مماثلاً من قبل قناة "سى بى سى"، التى يمتلكها رجل الأعمال محمد الأمين، وإن كان دون مقابل مالي، وذلك من خلال إملاء التصريحات التي سيتعين عليّ الإدلاء بها من جانب قسم الإعداد بالقناة، وهو ما رفضه للمرة الثانية.

وشدد على أنه لن يقول سوى الحقيقية مهما أبى أن ينصت لها إعلام الفلول، وأنه لن يتاجر بدماء الأبرياء ومن بينهم ابنه.

وليست هذه المرة الأولى التي يتم فيها ممارسة هذا النوع من الضغوط على أسر الشهداء من جانب الفضائيات الخاصة، فقد نشرت "المصريون" في عدد الجمعة حوارًا مع المهندس مدحت يوسف والد الشهيد ماجد، الذي قتل بالقرب من ميدان الممر خلال الأحداث الدامية التي وقعت قبل أكثر من شهرين بالإسماعيلية كشف فيه عن أن بعض مندوبي الفضائيات ضغطوا عليه لاتهام الجيش بالمسئولية عن مقتل ابنه في محضر التحقيق، "قالوا لى: قول إن الجيش قتل ابنك وهانجيب لك الشهود"

منقول

يا ريت المصدر من فضلك لكي تعم الافادة!!

و ثم سي بي سي للعلم فقط قناة ضد الثورة و مؤيدة للمجلس حتى النخاع!!!و اللا هما قلبوا على بعض

نصيحة اخيرة : اعمل unlike لصفحة انا اسف يا ريس

رد: فلول الثوار

اقتباس:

المشاركة الأصلية كتبت بواسطة walidelwahsh (المشاركة 610427)

محاكمة وزير الداخلية غدا الأحد أمام مجلس الشعب

غداً الأحد يمثل اللواء محمد إبراهيم يوسف وزير الداخلية أمام اللجنة العامة بمجلس الشعب فى أولى سابقة برلمانية فى تاريخ مجلس الشعب،

وطبقًا للائحة الداخلية للمجلس يتم استدعاء الوزير لسماع أقواله فى الاتهامات الموجهة إليه بالتقصير والاهمال والاخلال بواجبات الوظيفة وتعد اللجنة تقريرها المبدئى للعرض على المجلس فى أولى جلسة تالية وهى غدًا الاثنين وفى حالة موافقة المجلس علي توجيه الاتهام للوزير يتم عرض الأمر علي رئيس الجمهورية وهو المشير حسين طنطاوى رئيس المجلس العسكرى مصحوبًا بالأسباب والأسانيد.

وكان الدكتور عصام العريان رئيس لجنة العلاقات الخارجية والقيادى البارز فى جماعة الإخوان المسلمين وحزبها السياسى «الحرية والعدالة» قد تقدم بطلب موقع من 143 نائبًا تم التأكد من وجود 120 منهم فى قاعة المجلس أثناء انعقاد الجلسة وتضمن الطلب توجيه تهمة التقصير للوزير على خلفية مجزرة بورسعيد التى راح ضحيتها 74 مواطنًا وأكثر من 300 مصاب وطبقًا للائحة فإن طلب العريان استوفى الشكل حيث وقع عليه أكثر من خمس أعضاء المجلس وتم عرضه للتصويت وأخذ الموافقة عليه بالأغلبية وأحيل للجنة العامة برئاسة الدكتور سعد الكتاتنى رئيس المجلس وعضوية محمد عبدالعليم داوود وأشرف ثابت وكيلى المجلس ورؤساء اللجان النوعية وعددها 19 لجنة بالإضافة إلي ممثلى الهيئات البرلمانية للأحزاب بالمجلس و5 أعضاء آخرين هم: مارجريت عازر ووحيد عبدالمجيد ومحمد البلتاجى ومصطفى بكرى ويونس زكى، وهم الأعضاء الذين اختارهم مكتب المجلس لتشكيل اللجنة العامة.

وفى نفس السياق تعقد اللجنة التشريعية اجتماعًا اليوم الأحد وتعد تقريرًا عاجلاً حول إمكانية تطبيق قانون محاكمة الوزراء الصادر عام 1956 على وزير الداخلية وما إذا كان القانون الصادر عام 1958 بمحاكمة الوزراء أثناء الوحدة مع سوريا وما يتضمنه من ضرورة تشكيل محكمة مختلطة من 6 قضاة من مصر ومثلهم من سوريا معمولاً به وهو الأمر المستحيل الآن.

وقالت مصادر برلمانية إن القانون الصادر عام 1959 قد ألغى القانون الصادر عام 1956 وبالتالى لايمكن محاكمة وزير الداخلية وعلي برلمان الثورة أن يعد قانونًا جديدًا لمحاكمة الوزراء يلغى قانون عام 1958 الذى مازال ساريًا حتى الآن.

طالبت حركة «صوت الأغلبية الصامتة» أعضاء مجلس الشعب بتحمل مسئوليتهم فى هذا التوقيت الحرج الذى تمر به البلاد بشأن الأحداث الأخيرة، وبخاصة كارثة ستاد بورسعيد.

وقالت الحركة فى بيان لها إن على المجلس سحب الثقة من وزير الداخلية اللواء محمد إبراهيم فى حالة ثبوت تقصيره مع ترشيح اسم بمعرفته ليخلفه فى منصب وزير الداخلية ويكون مسئولا عن تطهيرها بشكل كامل من فلول النظام السابق ويكون مجلس الشعب مسئولا عن هذا الترشيح وعن تبعاته بالكامل.

ودعت الحركة فى بيانها مجلس الشعب إلي الاسراع فى تشكيل اللجنة التأسيسية لوضع الدستور حتى تقوم بوضع الدستور فى أقرب وقت ممكن لتنقل إلى المرحلة النهائية فى فترة التحول الديمقراطى وإجراء الانتخابات الرئاسية ليتسنى للمجلس الأعلى للقوات المسلحة تسليم السلطة إلي رئيس وبرلمان منتخبين من الشعب ودستور يعكس الإرادة الشعبية.

منقول

(مجرد تعليق بعد تفكير:من اول يوم تولى اللواء محمد ابراهيم الوزارة نزلت كل اجهزة الداخلية وبدأ يحصل انضباط وضبط وربط والقبض على اكتر من مسجل خطر...تبقى مجزرة بورسعيد كان مقصود بيها الاجهاز على بقية الداخلية دا بالتعاون مع بقايا العادلي نكاية في اللواء المحترم محمد ابراهيم ولا مجرد الانتقام من التراس الاهلى اللي كان ممكن يتعمل في ماتش المحلة دون الانتظار لمجزرة بورسعيد...مشكلتي دائما اني باحاول افهم الاحداث مش باخد الظاهر منها واروح اردح للجيش والمجلس العسكرى وخلاص...زي ازمة البنزين...المجلس العسكرى...ازمة انابيب البوتجاز على طول يقولك المجلس العسكرى وبيصدر الغاز لاسرائيل مع ان اللي بيفهم ويحاول يتعب نفسة هايلاقي ان الغاز المصدر لاسرائيل مش هو اللي بنستورده احنا من الجزائر عشان انابيب البوتاجاز يعني دا حاجة والتاني حاجة تانية خالص < طبعا انا ضد تصدير اي حاجة لاسرائيل لحسن اتهم بالتعاطف معاها ولا حاجة..كفاية تهمة الفلول دي مقدور عليها > ومع ان السنة اللي فاتت قبل الثورة كانت ازمة انابيب البوتجاز اشد عنفا...لكي الله يا مصر)

جميل جميل جدا و مقتنع بيه و انا مقتنع 90% ان الوزير الجديد للداخلية ملهوش يد في اللي حصل و لكن قيادات في الداخلية و غالبا امن الدولة هي اللي مدبرة الموضوع من اوله لاخره بالتعاون مع بعض صغار الضباط الفاسدين
و الضحية في الاخر هم شباب مصر

بس مش عارف انت محطتش الغلط على الثورة و الثوار كالعادة ليه؟؟؟و الا اخيرا اقتنعت ان اللي بيخرب البلد موجودين في طرة و الداخلية مش في التحرير؟

رد: فلول الثوار

اقتباس:

المشاركة الأصلية كتبت بواسطة hazem_khidr (المشاركة 610435)

كلام عقلاني و منطقي و حيادي(كلام الاستاذ وليد فقط)
اشكرك استاذ وليد علي موضوعك الممتاز
فعلا انت واحد مصري و خايف علي مصر
ربنا يكرمك يا رب

الكلام العقلاني و الحيادي و المنطقي انك تجيب فيديو يحتوي على كلام محترم جدا لشخص محترم و تقوم باترجمته بترجمه من امهات افكار شخصية مريضه معتمدا على جهل السواد الاعظم من الشعب المصري؟؟؟

حتى الان ملقيتش من الاستاذ وليد اعتذار عن الفيديو اللي بيحتوي ترجمة متخلفة عقليا اللي هو نقله!!! الحق احق ان يتبع يا اخي - اتقي الله لان ده اسمه بهتان!!!

و اللا الخبر اللي تناقلته كل الصحف و المواقع ان واشنطن تطالب بالغاء منع سفر مواطنيين (2 ) امريكيين على خلفية الجمعيات الخيرية و بقدرة قادر اصبح ان امريكا تعتذر رسميا على الجواسيس و تناشد مجلس الشعب لاطلاق سراحهم

دا اسمه تخلف عقلي لان مجلس الشعب مش جهة تنفيذية و لكنه جهة تشريعية و رقابية!!!! و ليس له سلطات او صلاحيات على احكام القضاء و لكنه يسن تشريعات و يراقب عمل الحكومة!!!

دا اسمه جهل و تخلف و كذب

اتقي الله - اتقي الله

انا مش ضد المجلس بس لو الخبر ده شافه عضو في المجلس سوف يضحك حتى الموت

اخيرا لو الردود بالمنظر ده : و نظام ارمح يا عنتر و كلنا ورائك من غير وزن الكلام و التفكير به فده قرار يرجع لكل ذي عقل رشيد

"صم بكم عمي فهم لا يعقلون "

انا مؤيد لمجلس الشعب للعلم و حاسس ان الاخوان حاليا ماشيين ميري و واحدة واحدة لانهم عرفوا يقرؤوا المجلس العسكري بعقليته العجوزة

بيمشوا في كل حاجة بالقانون و رسمي علشان المجلس ميقدرش يفلفص و يتم كشفه و فضح التفافه
بينما الصوت العالي و التهليل و الحماسة اثبتت فشلها خلال العام

و اتمنى ان الكل يروح بيته و يسكت و نشوف مجلس الشعب حيحل الموضوع ازاي

انا واثق بدرجة كبيرة فيمن اختارهم الشعب سواءا اخوان مسلمين او حزب نور او حتى حزب ساويرس

رد: فلول الثوار

اقتباس:

المشاركة الأصلية كتبت بواسطة mf86 (المشاركة 610531)

مواطن:يا عم البلد بتضببع
مجلس الشعب:حق الشههههههداء
مواطن:المواد التموينيه بتغلى
مجلس الشعب:حق الشههههههداء
مواطن:البلد بتتحرق
... مجلس الشعب:حق الشههههههداء
مواطن:الداخليه بتنهار و الناس بتموت
مجلس الشعب:حق الشهههههداء
مواطن:الاقتصاد بينهار و مافيش فلوس
مجلس الشعب:هاندى لكل شهيد 700 الف و حق الشههههداء
مواطن:اغلاق 864 مصنع و الناس بتتسرح
مجلس الشعب:حق الشههههداء
مواطن:اعتصامات و اغلاق الطرق و قطع السكك الحديديه
مجلس الشعب:حق الشهههههههداء
========================= ===================

يا أخي المصري لا يتم العدل بدون قصاص .. ولكن المتاجرة بدم الشهداء الابرياء من الشهداء الحقيقيين وليس البلطجية الماجورين ... لا خلاف عليه

ولكن هل تختصر كل مشكلات الوطن في دم الشهداء فقط والقصاص لهم .. ونترك جميع مشاكل الوطن والهدف في اسقاطه وترويع الشعب و انهزام الجيش المصري امام العالم كله في معركة ليس طرف فيها ؟؟؟
بالله عليكم ... ألا تعقلون ؟؟؟؟؟؟؟؟؟؟

اذا لم نصن وطننا ... فيصبح الشعب كله شهدااااااااااااااااء :)

الله!!! دا انتوا قلبتوا على الشرعية بدري قوي!!!

خلاص حتعتقلوا اعضاء المجلس و تعدموهم و تعلنوا الثورة على الشرعية بدري قوي كده؟؟؟ بس نصيحة - الحجة ضعيفة قوي و مش حتلاقي قبول في الشارع - شوفوا حجة احسن شوية علشان متموتوش ناس كتيرة - يعني كفية علشان تفضلوا في الحكم تموتوا بتاع 50 او 100 الف بني ادم علشان تحافضوا على ثروات اسيادكم في طرة و المجلس السمكري!!

لكن بالحجة الهبلة دي حتضطروا تموتوا بتاع نص مليون او اكتر

رد: فلول الثوار

اقتباس:

المشاركة الأصلية كتبت بواسطة mf86 (المشاركة 610550)

مرة تانية: البقاء لله في المغفور له ابن خالتك باذن الله - اسأل الله ان يتغمده برحمته هو و جميع موتى المسلمين في كل زمان و مكان - امين يا رب العالمين

رد: فلول الثوار

اقتباس:

المشاركة الأصلية كتبت بواسطة د.كمال (المشاركة 610540)

محمد باشا ....مع احترامى الشديد للجيش
ماهذا الخضوع والخنوع والرخوه من المجلس العسكرى فى إداره شؤن البلاد ؟
طرق تقطع وبلد تحرق وشعب يسرق ومؤامرات تنفذ وسلاح يدخل وفلوس تخرج ووزارات سياديه تحرق والمجلس بيتفرج على إللى بيحصل .....
اول مره أقولها بكل أسف ....المجلس لازم يرحل ....

اللهم ارنا الحق حقا و ارزقنا اتباعه - و ارنا الباطل باطلا و ارزقنا اجتنابه

اللهم قنا شر الفتن ما ظهر منها و ما بطن

يا ريت كلنا ندعي الدعاء ده بقلب مخلص لله و ربنا يعدي الايام على خير و مصر ترجع اقوى و احسن

يا دكتور انا قاكر بعد يوم 11 فبراير بكام يوم - الناس كانت لسه متفائله و فرحانة و كلمة ارفع راسك فوق انت مصري لسة بترن في اذاننا و تركيا اعلن عن عدم حصول المصريين على فيزا للذهاب الى تركيا و العالم كله باقى يحترم المصري و يرفع له القبعة من شرقه لغربه!! و بدأنا نشوف مشاريع لتعمير الصحراء الغربية و مشروع السيارة المصرية و مشاريع كثيرة اخرى عملاقة و صغيرة و شبابية
الناس كان عندها استعداد انها تتفرغ لبناء و تعمير مصر و الرقي بها و نهضتها و كنا موافقين على ان المجلس يفضل حتى تسليم السلطة في اخر 2011 كما وعد في بياناته!!!

راح شاغلنا بالاستفتاء بتاع الاعلان الدستوري و قسم الناس بين نعم و لا و ساعتها فقط انا عرفت انه شغل لوع و مطوحة و استهبال في استعباط

و الاهبل منه ان الاعلان الدستوري كان ملوش دعوة بالبطيخ بالاستفتاء!!!!

و بعدين بتاع 5 شهور من غير ولا محاكمة واحده لاي مفسد في الارض لحد ما نزلت بتاع 3 مليونيات تطالب بالمحاكمة!!!

و مبارك فضل قاعد في شرم الشيخ بتاع 7 اشهر زي الباشا !!!! ايه الهبل ده

انا مش عارف اسميها ايه!!!

و كل شوية ازمات و تسخين و ضحايا و هرج و مرج و اي حاجة ممكن تحصل لاحباط الناس و دفعها لليأس في التغيير!!!

وزاره الداخلية متغيرش فيها اي حاجة غير اسم امن الدولة!!! و بتوصية منهم هما نفسهم!!! و نقل ضابط امن الدولة من السويس للقاهرة و من القاهرة للاسكندرية!!! نظام شطرنج

مين السبب في وقف كل المشاريع التنموية

مين السبب في تدمير البورصة

مين السبب في تدمير السياحة!!! شرم الشيخ بيحصل فيها سطو مسلح!!!! دي مفيهاش اللا اجانب و مخبرين امن دولة!!! يا اما الاجانب بيسرقوا نفسهم يا اما ...

يا رب الطف بالبلد و خذ كل مخرب فيها اخذ عزيز مقتدر

و مرة تانية يا ريت كلنا ندعي الدعاء ده