|
رد: تعرف حاجة عن السيارات فى ليبيا؟؟؟؟
الصقر سوف يحلق عاليا رغم أنف قانون المرور الجديد.
كنت عاوز اعرف معناها اية او تقصد اية |
رد: تعرف حاجة عن السيارات فى ليبيا؟؟؟؟
معرفش هما اللبيين يسموا العربيات المشهوره بغير اسماءها
هامبورجا...فكرونه وغيره |
رد: تعرف حاجة عن السيارات فى ليبيا؟؟؟؟
شن حالك يا بيستو باشا
فعلا المازدا كانت رقم واحد فى ليبيا لوقت طويل اوى بس دلوقت الحال اتغير شوية الهيونداى والاوبترا والميتسوبيشى وطبعا التيويوتا وخصوصا الكامرى ماليين الدنيا هنا انا بس فى حاجة معرفتهاش فى كلامك وهى منطقة كشلاف ؟ ممكن تقولى هى جنب منطقة اية ؟ لانى بصراحة مسمعتش عنها خالص مع انى فى طرابلس من 8 سنوات دلوقت انا عارف ان الليبين بيحبو يسمو كل حاجة اسامى غريبة وممكن يكون دة السبب وابقى فكر تيجى تزور ليبيا تانى وهاكون مستنيك |
رد: تعرف حاجة عن السيارات فى ليبيا؟؟؟؟
والله حالى باهى يا استاذ بيرو
منطقة كشلاف دى يا معلم عند قرب الرياضيه كده اللى فيها الاستاد جنبها على طول وقريبه بردو من قدح يعنى تروح قدح عن مدرسة النور الابتدائى وتاخد الشارع اللى فى وش الملعب اللى جنبها معرفش لو لسه موجود ولا طوالى لغاية ما توصل لتقطع حتلاقى قدامك شارع بتاع 50 متر تراب عند مدرسة بدر وحسان تاخده للاخر وكده تكون وصلت كشلاف منطقه جميله جدا وانشاء الله ححاول اجى قريب ونتقابل باذن الله لو ربنا اراد |
رد: تعرف حاجة عن السيارات فى ليبيا؟؟؟؟
اخبار الشيروكى عندكم اية اسعرها اية؟
|
رد: تعرف حاجة عن السيارات فى ليبيا؟؟؟؟
تنور ليبيا ياباشا
ايوة عرفت كشلاف اصلى انا منطقتى سوق الجمعة وزاوية الدهمانى وبنى عاشور لما تنوى تيجى ادينى خبر ونتقابل بس انا راجع مصر الشهر اللى جاى لمدة شهر (اجازتى السنوية ) وبعديها قاعد فى ليبيا للسنة اللى جاية بالنسبة للشيروكى هنا يا احمد باشا نادرا ما تشوفها انت عارف ان كان فى حصار على ليبيا من امريكا لمدة طويلة ودة ادى الى ان السيارات الامريكية تكون نادرة هنا ودلوقت رغم رجوع العلاقات تانى الا ان المستهلك الليبي مازال خايف من الامريكي لانة قليل جدا ومالوش قطع غيار الفورد بدأت تظهر فى الشوارع بسبب استيراد السيارات المستعملة من اوروبا اى خدمة يا جماعة من ليبيا |
رد: تعرف حاجة عن السيارات فى ليبيا؟؟؟؟
سلام عليكم استاذ بيرو
احسن حاجه لاقيتها هنا هو حضرتك كشخص والله استعداد لخدمة الاخرين، بيان ورد على الاسئله كلها ، الكلام الواقعى سلبا أو إيجابا شكرا جزيلا لحضرتك على بساطتك الجميله ووضوحك. سلام عليكم |
| الساعة الآن 04:28 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017