|
رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع
يبق اسمه تخلف من المواطنين مش من التجار ولا من الوكلاء اسمه تخلف من الناس اللي عايزة تمشي جنب الحيط يبق اسمه تخلف من الناس اللي مابتقولش لأ لأ لأ
|
رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع
يبقى اسمه غبورررررررررررررررررررررر رررررررررررر
|
رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع
طب ايه رايك فى الاسعار الى بتدوها لمشروع التاكسى الابيض, اتنين سواقين تاكسى من دول اكدولى ان سعره كاش من غير قسط 45000 جنيه بالنسبة للفيرنا و الانوس, عاوز تفهمنا مثلا ان غبور بيبيع لدول بخسارة,,,,,,,,:thinkW19:: 01FDAB~189: |
رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع
اعتذر لتأخري في الرد
وذلك لاني ادخل النت مرتين في الاسبوع أو تلاته بالكتير بعد قراءه المشاركات اللي بدأ معظمها يرتقي لاسلوب محترم خلينا اوضح بس حاجات صغيره بسرعه المثال اللي انا ذكرته في الاول خالص لم يكن المقصود به وصف سياسه للشركات الكبيره ولو وصف معامل حدي ربحي لازم يحافظ عليه التاجر الصغير انا كنت عاوز أوضح بيه حاجات تانيه كتير من الواضح ان محدش فكر فيه كتير واكتفيته بقشره الموضوع دون الاستطراق الي لب الموضوع انا من الاخر عاوز اقول ان ممكن تغيرات بسيطه في السوق ممكن تجبر منتج أو مستورد أو الاتنين مع بعض انهم يرفعوا السعر مش عشان يزودوا المكسب لا عشان يقدروا يكملوا المشروع و المركب تسير وليس الهدف شرح نظريه اقتصاديه ولا كلامي كان ليه علاقه بالمحاسبه اطلاقا دا بس عشان الكورس المحاسبي اللي بصراحه المفروض ان صاحبه راجل فاهم والمفروض انه يكون معايا مش ضدي ويحاول يفهمكوا ليه السلع عامه في حاله غلاء ثانيا : - انا قولت قبل كده ان السيارات الهيونداي كسيارات ليست افضل سيارات العالم واي حد جوه هيونداي لو قولتلوا العربيه الهيونداي احسن ولا النيسان أو حتي سوزوكي مش هيرد غير ردطبيعي كلنا عارفينه ( متقارنش ياباني بكوري يا باشا ) وقولت ان اللي خلي الهيونداي ناجح في مصر وكيل قوي + راس مال محترم + نظام فوق الطبيعي بشويه ولا احد ينكر ان غبور صرح مصري يحترم علي مستوي الشرق الاوسط ثالثا :- لو انتوا بمشاركاتكوا عايزين تقولولي ان غبور نصاب وحرامي عشان بيغلي اسعار السيارات بتاعته يبقي انتوا كده عايزين تقولوا ان الشعب المصري كله نصاب وحرامي لان يا جماعه كل حاجه غلت بشكل مش طبيعي السلع بتزيد 100 % و200 % و 300 % لكن الوحيد اللي نصاب وحرامي غبور ليه عشان مش عاوز يخسر عاوز يكسب ويكسب كتير يا جماعه هو انتوا معندكوش ولا احتمال 10% انكوا غلطانين .. وتحالوا تفهموا ليه السلع كلها بتغلي مش العربيات بس .. ايه كلكوا خبراء اقتصاد أخيرا علي فكره مفيش مشاركه علي الاطلاق انا مقدرش ارد عليها لان معنديش حاجه اخبيها ولا بعمل حاجه عيب ولا مفروض عليا اني اصلا اعمل الموضوع ده بس بجد لو فيه حاجه منظمه محترمه ليها اهداف انا هكون أول المشاركين معاكوا بوقتي ومالي ومجهودي وفكري كمان ومش هستخسر في بلدي حتي وظيفتي ولا حتي روحي بص علي فكره انتوا اللي مردتوش علي سؤالي المدخنين اللي اتكلموا كتير جدا سؤال لو رئيس الجمهوريه الجديد وافق ودعا الناس انها تقاطع المحتكرين ممكن تجاوبوني ازاي هتقاطعو العربيات اللي بتزيد 1و 2 و 3 % وانتوا مش قادرين تقاطعو السجاير اللي غلت 100 و 200 و 300 % جاوبوني علي سؤالي عشان ارد علي مشاركاتكم علي فكره فيه مشاركات كتير محترمه قوي في الموضوع هرد عليها واحده واحده لان الموضوع ما انتهاش بس برده انا مصمم تجاوبوا علي سؤالي عايز اعرف انا بكلم ناس بتتكلم بس ولا بجد نفسها تعمل حاجه للبلد :loveu: |
رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع
اقتباس:
احنا نستاهل اللي بيجرالنا لاننا مش بنعرف نتحكم في غرائزنا و رغباتنا لاننا مش بنعرف نقاطع |
رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع
السجاير مهما زادت مينفعش تنسبها للعربية
يعنى الزيادة الـ 10% مثلاً هتعمل الاتي: 1- علبة السجاير اللى بـ10 جنيه هتبى بـ 11 جنيه 2- العربية اللى ب100,000 حنيه هتبقى 110,000 جنيه اللى عاوز اقوله ان مش معنى ان فيه حاجة فى السوق زادت 10% (اللى تمنها حتى لو بعد الزيادة هيبقى 20 أو حتى 30 جنيه حتى) يبقى انا كمان ازود السلعة بتاعتى باستثناء لو السلعتين مرتبطين (يعنى زيادة سعر البنزين هيغلى اجرة العربيات مثلاً) لو مشينا بنفس المبدأ يبقى الاسعار هتزيد كل يوم انت عمال تسألنا تسألنا .... ممكن اسألك سؤال صغير ومش عاوزك تكتب الاجابة بس جاوب قدام نفسك وبس.. انت لو معاك الـ 160,000 تمن الالنترا (اللى لسه هتغلى كمان ) ممكن تعدد الاختيارات وتشوف الالنترا هتبقى ترتيبها الكام مع العلم انك ممكن تدخل معاهم مستعمل (زي BMW 318i موديل الفينات مثلاً) ومع الاعتذار لكل الاعضاء المشاركين فى الموضوع انا بنسحب من الموضوع لانه تحول لجدال مش مناقشة (شخص واحد هو اللى صح ورب عمله هو اللى صح واحنا الكام مليون مصري اللي غلط) |
رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع
اقتباس:
مش هو الى داخل عشان يرد علينا معلش مع احترامى لما الكل يجمع على ان الاسعار مبالغ فيها يبقى أكيد مش الكل غلطان ولا رأى حضرتك ايه؟؟؟؟؟ |
| الساعة الآن 08:53 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017