|
رد: لو سمحت ؟؟؟؟ إركن فى مكان تانى
احنا البيت فيه 6 عربيات المكان اللى تحت البيت بياخد 4 عربيات فقط وجنبنا قهوه كل شوية واحد جى يجلس على الكافيتريا ويركن واحنا اصحاب البيت ندور على اى مكان تانى هههههههههه
المهم فى اوقات كتيرة بنكبر دماغنا ونركن فى اى مكان خطر على العرية او بنقفل على العربية اللى راكنه مكان عربيتنا او بندخل نجيب صاحبها لو كان على الكافتريا ونخليه يغير المكان المشكلة ان اماكن الركن الامنة قلليلة لكن لو على الركن ممكن اى مكان بس ممكن العرية تتخبط لو موش فى مكان كويس اما بالنسبة للمحلات فبردوا ركنه العربية امام المحل فى بعض الاوقات بتكون مقرفة لصاحب المحل لو مفيش مكان الناس تطلع على الرصيف ده لو الرصيف فيه مكان اصلا للناس فبردوا الموضوع بتاع الركنة اولا واخيرا بيكون حسب وجه نظر اللى بيركن هل المكان ينفع ام لا وهل فى حد هيتئذى من ركنة العربية ام لا وبردوا لو صاحب محل غتت عليك اوى وانت شايف ان العربية بعيده عنه ابق قول لة 10 دقئق وراجع او هرجع بسرعة موش هتأخر واضحك فى وشة وكده |
رد: لو سمحت ؟؟؟؟ إركن فى مكان تانى
اقتباس:
تمام يابشمهندس كلام مضبوط تماماً جزاك الله خيراً على المشاركة |
رد: لو سمحت ؟؟؟؟ إركن فى مكان تانى
انا عصبى وبكره اوى لما حد يقولى اركن فى حتة تانية بس نعمل ايه هيا دى مصر |
رد: لو سمحت ؟؟؟؟ إركن فى مكان تانى
اقتباس:
أنا زيك كدة لما بسمع كلمة إركن فى حتة تانية أو بشوف حد مسيطر على منطقة او شارع بحس بالإحتقان والظلم وببقى مضايق قوى ياريت الناس تحسن من أخلاقها اللهم امين |
رد: لو سمحت ؟؟؟؟ إركن فى مكان تانى
متفكرنيش ده انا زهقت من موضوع الركنة ده وكرهت حاجة اسمها الركنة بسبب اللى بشوفه من الناس حاجة تزهق بصراحة انا ساعات بحس انى هرتكب جريمة بسبب حكاية الركنة دى |
رد: لو سمحت ؟؟؟؟ إركن فى مكان تانى
الواحد بجد مش عارف يعمل إية فى القهاوى دة والبلطجة اللى سايدة فى البلد
كنت راجع يوم فى أواخر رمضان على الساعة 3 يعنى قبل المغرب ب 4ساعات تقريبا وركنت فى صنية قريبة من البيت الناحية التانية خالص فية قهوة بتفرش فى المكان اللى انا ركنت فية بعد ما ركنت لقيت واحد جاى بيقولى ما ينفعش يا بية علشان بنفرش دة مكان أكل عيش قولت لية طب لسا على المغرب 4 ساعات على ما الناس تبتدئ تجيلك أكيد يعنى مش هيقعدو على القهوة قبل المغرب بأربع ساعات قال لى انا خلاص كنت هفرش قولت لية وانا هشيلها بعد الفطار وسيبتة يهرتل بالكلام وطلعت علشان بصراحة كنت مخنوق من البلطجة دة جدا يعنى سبحان الله بيفرشو على رصيف كامل أمام القهوة وكمان بيفرشو فى الصنية حسبى الله ونعم الوكيل |
رد: لو سمحت ؟؟؟؟ إركن فى مكان تانى
فعلا بقت حاجة تعصب والواحد مبقاش عارف ليه كل واحد فاتح محل واخد 14 متر من الطريق قدامه وكله كوم والباعة الجائلين كوم تاني واحد يقف في الشارع ويمنعك تقف في اي حتة حواليه ليه اصله اكل عيش .. نفسي اعرف العربية هتعمل ايه هتمنع عنه رزق جايله والعياذ بالله وله هتخفيه عن عين الناس ؟
|
| الساعة الآن 09:54 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017