رد: حكايه صديقى والسياره الملعونه-2 روايه رعب واثاره وتشويق
 

يا باشا كده انا خلاص لو حصلي حاجه

هيبقي السبب من العربيه دي

ربنا يستر و متابع بشغف

رد: حكايه صديقى والسياره الملعونه-2 روايه رعب واثاره وتشويق
 

و الله و انا بقرى الموضوع كانت الساعه2.30 بليل و كنت فى قمه الرعب لولا و جود ابن اختى بجوارى حسسنى انى لسه فى الدنيا بتاعتنا مش فى دنيا السياره الملعونه

رد: حكايه صديقى والسياره الملعونه-2 روايه رعب واثاره وتشويق
 

-20-
ذهبت لحسن وانا عازم على الا اتركه الا وقد حصلت على موافقته على استرداد السياره00 وما ان رآنى حتى حاول التهرب منى ولكنى حاصرته
قلت:
-انت اديت رشدى العربيه وانت عارف اللى فيها وهذا غش وحتى ننهى الموضوع ترجع فلوس الراجل وتاخد عربيتك
قال:
-دة كلام مجانين
قلت:
-لا تبدأ بالغلط
-الموضوع انتهى بالنسبه لى
-الموضوع لسه ح يبدأ
-انا معرفش ايه الرزاله دى؟!
قلت:
-انا عرفت سرك
قال مندهشا:
-سر ايه؟
-خليه محفوظ احسن
-سر ايه يا افندى انت؟
-انك قاتل
انزعج حسن وتغير وجهه قبل ان يقول:
-انت بتقول ايه؟
-الحقيقه
-ده كلام مجانين فعلا
-الجنون انك تعاند وما تسمعش الكلام
قلتها متحديا فى ثقة!
فقال ثائرا:
-مشفش وشك هنا تانى
قلت:
-انا معايا دليل
-اتحداك لو كان معاك دليل على كلامك
وابتسمت فكان يبدو من كلماته وقراءتى لتعبيرات وجهه ان ما قلته هو الحقيقه فقلت:
احنا نعقد صفقه وكل واحد يروح لحاله
قال متداركا:
-انت بتحاول توقعنى وتغلطنى ف الكلام وانا مسمحلكش
قلت بابتسامه:
-اعتبر انى معرفش حاجه ومقولتش حرف لكن خاف من الشوشره وحديث المدينه
-اعمل اللى انت عايزه انا راجل سليم
-انا ح اسيبك يومين تفكر وبعدين اتصل بيك
00سلام0

وفى المساء كالعاده تقابلنا بمقهانا00
فوجئت بان رشدى قد قام بعرض سيارته بمعرض جديد
قلت:
-حرام عليك مش ناقصه حريقه تانى
قال هشام:
-المرة دى مش حريقه 00المعرض ح ينفجر
وضحكنا
قال رشدى غاضبا:
-خلاص مفيش حاجه تضحكوا عليها الا انا وعربيتى!
قال هشام:
-هم يضحك يا رشدى نعمل ايه؟!
قلت:
-دلوقتى الراجل حسن موافقش على البيع وشكله كده مش ح يوافق00ايه العمل؟
قال هشام:
-انت تحاول تضغط عليه تانى وانا معاك
-لو فيه دليل انا كنت خلصت الموضوع بكلمه لكن انا ح ألعب معاه للنهايه
قال رشدى:
-انا عندى فكره
قلت:
-قول واتحفنا 00ساكت ليه من زمان
-انا ىخد عادل وحسن والعربيه واقوم مولع فيهم ونخلص
قال هشام:
-وفلوسك تضيع عليك!
قال:
-فى داهيه بس اشفى غليلى من ولاد ال000
وضحكنا ولم نكمل ضحكنا حتى شعرنا برجة شديدة فى المكان اثارت الفزع فى قلوبنا وانتفض الجميع والغبار الشديد يغطى المكان مع صوت الارتطام الهائل!
صوت مريع مفاجىء لفنا بالهلع وبعد ان أفقنا من الصدمه00
وجدنا سياره كبيره وقد اخترقت الباب الامامى للمقهى00واستقرت ساكنه محطمة تنفض غبارها!
حمدا الله على انه لم تحدث خسائر فى الرواد وعلى جلوسنا بعيدا عن مكان الحطام
كان شابا صغيرا متهورا فقد السيطره على سيارته فاقتحم المكان وحطم مقدمه المقهى!
وخرج الشاب من السياره فى حاله اعياء شديد ينزف من رأسه فحملوه للمستشفى
قال هشام:
-بركات عربيتك يا رشدى
قال رشدى منفعلا:
-ارحمنى بقى ياراجل
-طب ماتزعلش
تركنا رشدى وانطلق 00لهثنا خلفه
قال:
-محدش ليه دعوه بيا
صرخها فى وجهينا ومضى فى طريقه وهو ينهانا عن اللحاق به
نظرت لهشام معاتبا فوجدته مطرقا للارض يشعر بالندم0
تتبع

رد: حكايه صديقى والسياره الملعونه-2 روايه رعب واثاره وتشويق
 

دكتور تامر / سعادتك تخصص ايه ؟ اوعى تقول أمراض نفسية وبتعالج السيارة ! والله أنا برده طبيب وقديم شوية وشفت كتير وقليل ولكن مع قراة هذه الآحداث حسيت انى احوليت وجالى استبحث وخايف العربية دى تطلعلى بالليل !!

رد: حكايه صديقى والسياره الملعونه-2 روايه رعب واثاره وتشويق
 

يادكتور انت وعدنى ان الحلقه رقم 22 فيها مفاجئه و اديها قربت ومستنى مش هنام

رد: حكايه صديقى والسياره الملعونه-2 روايه رعب واثاره وتشويق
 

لخاطر عيونك يا أحمد
سوف أكتب المشهد 21و22 غدا بأذن الله

رد: حكايه صديقى والسياره الملعونه-2 روايه رعب واثاره وتشويق
 

-21-
ذهبت لرؤيه رشدى الذى انقطع عنا يومين كاملين رافضا الخروج او السهر معنا!
طرقت الباب ففتح لى شقيقه00سررت جدا برؤيته معافى وابتسامه مشرقه تغطى وجهه00
حمدت الله على سلامته وشفاؤه وعودته لمنزلهته عن رشدى فأخبرنى انه ماكث فى غرفته منذ الصباح لم يغادرها!
طرقت الباب فلم يجبنى 00
قتحت الباب ودخلت00
كان جالسا على سجاده الصلاه يتلو فى كتاب الله00شعر بوجودى00 نظر الىّ وانا أجلس على طرف الفراش00ثم اتم قراءته00
نظر الىّ مره أخرى وكأنه يقول لى ما الذى اتى بك
00قلت:
-أخبارك ايه يا رشدى؟
رد باقتضاب:
-الحمد لله
-مالك يابنى؟
ايه اللى جرى؟
-ولا حاجه00حبيت أختلى بنفسى شوية00
حسيت انى مقصر مع ربنا00قلت أرجعله يمكن تتعدل
-مش عوايدك!
-الواحد ساعات بيجيله أوقات بيبقى عايز يراجع نفسه ويشوف هوه ماشى ازاى ورايح فين
-ربنا يهديك00
مش ناوى تخرج معانا الليله
-مش عارف 00لكن يمكن
-مفيش يمكن00انت لازم تخرج معانا الليله
-ربنا يسهل
-انا الحمد لله اطمنت عليك لكن لازم نتجمع الليله
تركته وانا اتعجب من تغير حاله وطبيعته ولهجته!
عندما جاء فى المساء كان على نفس الحاله00ليس هو رشدى الذى نعرفه بمرحه والقاؤه الدنيا خلف ظهره حتى فى اوج ازمته00
كان متجهما جادا فى كل كلماته00لا يضحك بضحكنا ولا يعلق حتى على سخافات هشام!
استوقفتنى عبارته:
-انتو عارفين 00والدى الله يرحمه كان دايما يقولى يا رشدى عيش واضحك يمكن ييجى بكره ماتعرفش تضحك!
قلت:
-حكمه والله00الله يرحمه
قال رشدى:
-امبارح بالليل شفته فى الحلم وكان زعلان قوى
قال هشام:
-اكيد زعلان لزعلك
قال رشدى:
-كان نفسى يكلمنى00لكنه طبب على كتفى ومشى من غير ولا كلمه
قلت:
-هوه كده بيقولك أجمد يا بطل
-كان حزين يا أجمد وعينيه مدمعه
صمت رشدى وشرد00فاحترمنا صمته
قلت:
-انا ح أتصل بالدكتور أحاول أعرف منه تفاصيل عن حكايه حسن
قال رشدى:
-متشغلش بالك00الظاهر انها قفلت على كده
قال هشام:
-ايه يابنى اليأس ده؟
-أنا سلمت أمرى لله
هشام:
-ونعم بالله بس اللى اسمه حسن ده مش لازم نسيبه
قلت:
-هوه وعادل سبب كل اللى احنا فيه00قدام عينينا ومش عارفين نمسكهم00
بس أكيد فيه طريقه
قال رشدى:
-انا نازل السوق بكره يمكن أبيع العربيه
قال هشام:
-نروح معاك
-لا00 ح أروح لوحدى
-نروح معاك بكرة اجازه
-لا00الصراحه بتشائم منكم وحاسس انكم نحسنى

وضحكنا 00واخيرا عاد الينا رشدى الذى نعرفه
وافترقنا على موعد الغد فى المساء بعد عودة رشدى من سفره