مصر موتورز مجتمع السيارات - لسه خابط خبطه النهارده بالعربيه ، قولولى مين الغلطان ؟ وتكلف الخبطه كام ؟ يوجد صوره

مصر موتورز مجتمع السيارات (https://www.masrmotors.com/vb/index.php)

- حوادث السيارات (https://www.masrmotors.com/vb/forumdisplay.php?f=201)

رد: لسه خابط خبطه النهارده بالعربيه ، قولولى مين الغلطان ؟ وتكلف الخبطه كام ؟ يوجد صوره

بسيطه و ممكن تعملها بره لتوكيل ارخص

رد: لسه خابط خبطه النهارده بالعربيه ، قولولى مين الغلطان ؟ وتكلف الخبطه كام ؟ يوجد صوره

اقتباس:

المشاركة الأصلية كتبت بواسطة hazem_khidr (المشاركة 541099)

سائق النقل مخطئ بدرجه 35 %
سائق الملاكي مخطئ بدرجه 60%
سائق النقل لا يمكن دخوله الملف الا بهذه الطريقه و لكن يجب ان يأخذ حذره
سائق الملاكي لا يجوز له المشي في حاره اليوتيرن
و يجب ان يتحاشي هذا

إحم ... أ/ حازم باقى 5% ... يا ترى عند مين؟!..:w6w20050411224734 61

رد: لسه خابط خبطه النهارده بالعربيه ، قولولى مين الغلطان ؟ وتكلف الخبطه كام ؟ يوجد صوره

يابشا فين الخبطه الى حضرتك مصورها دى حاجه من وسط حاجات كتييييير فى عربياتنا كلنا الموضوع بسيط و متزعلش نفسك بكرة هتتعود

رد: لسه خابط خبطه النهارده بالعربيه ، قولولى مين الغلطان ؟ وتكلف الخبطه كام ؟ يوجد صوره

اقتباس:

المشاركة الأصلية كتبت بواسطة Mohamed Elhasafy (المشاركة 541877)

إحم ... أ/ حازم باقى 5% ... يا ترى عند مين؟!..:w6w20050411224734 61

ال 5% عندي انا يا باشا هههههههههه
تصدق فعلا انت اخدت بالك من حاجه غير ملفته بالمره
تحياتي اليك و لقدراتك
هو ممكن نحمل ال 5% علي النقل مش مشكله اهو يقدر يشيل :)

رد: لسه خابط خبطه النهارده بالعربيه ، قولولى مين الغلطان ؟ وتكلف الخبطه كام ؟ يوجد صوره

اقتباس:

المشاركة الأصلية كتبت بواسطة queen (المشاركة 539418)

السلام عليكم يا جماعه
انا كمان لسه مستلمه عربيتى جديده اسبيرانزا 113 ولسه باتعلم سواقه عليها وللأسف الشديد حصل معايا نفس قصة الخبطة دى وخبطتها مرتين الأولى خبطه جاااااااامدة حزينه عليها اوى ولسه لم اصلحها والله المهم انا هاعرض عليكم اللى حصل فى المرتين وياريت تفيدونى هل انا الخطأ عندى ام الخطأ مشترك علشان اتعلم واتفادى اللى جاى ان شاء الله

المره الاولى :

كنت ماشيه على التانى وواخده اقصى اليمين وبعدين لقيت عربية نص نقل واقفه فهديت واديته كلاكس وبعدين بدأت اخد شمال سنه عشان اطلع منه وفجأه لقيته بيطلع من غير ما يدينى اى اشارى لا يدوى ولا اضاءة ولا حتى كان عامل اشارات انتظار وهو واقف فطبعا خبط جانب عربيتى جامد واتكسر فانوسه الخلفى فقط اما انا الرفرف الامامى اتفعص خالص ومكان المرايه اليمين اتشرخ وهيقع من مكانه + تجريح بطول البابين اليمين لدرجه ان الباب الامامى مبيفتحش غير نص فتحه ومش قادره استخدمه خالص. وبعدين نزل وقالى تيجى ازاى دى وحرك لى العربية سنه عشان ما اتحكش فيه تانى ومشى.
المره الثانيه :
كنت ماشيه على التانى بردو وواخده يمين وكان فى ملف وانا مش هالف كنت هاكمل طوالى وبالتالى ما اديتش اى اشاره والطريق كان فاضى جدا فلقيت العربيه اللى ورايا فا المرايه مش عاجبها تقريبا سرعتى فحبت تتخطانى وبدون كلاكس ولا اشاره ولا اى مقدمات طلعت من شمالى زى الصاروخ ولفت الملف وانا اتفاجئت وفرملت لكن كنت اتخبطت فيها وانا مقدمة عربيتى اتجرحت بسيط وهى اتفعص الرفرف الخلفى بتاعها خفيف ونزلت تقولى انى غلطانه وكنت المفروض امشى فى النص لان اللى هيلف الملف بس هو اللى ياخد يمين فقلتلها انا مديتش اشارة انى هالف يعنى انا مكمله وانتى بتتخطينى وكان المفروض تنبهينى انك هتلفى باشارة لانى معرفش هتلفى ولا هتسبقينى وتكملى دوغرى فسابتنى ومشيت...:08da300846c84943 ae1

اسفه للإطاله لكن ياريت تعرفونى الغلط من مين ودعواتكم ليا فى التصليح لانى مش عارفه هيتكلف كام وهى لسه جديده

اهلا وسهلا بيكي يا كوين في مصر موتورز
الحاله الاول سائق النقل غلطان ..و لكن احذر خطأ الغير
يعني بمجرد انك تعديه يبقي لازم تاخدي بالك انه ممكن يتحرك في اي وقت و الموضوع دا هتتعلميه بالممارسه مش هيجي مره واحده
بالنسبه للحاله التانيه ..الخطأ يقع عليكم انتوا الاتنين
اولا انت مخطئه انك لم تنتبهي اليه حتي لو دخل من غير اشاره
لازم يبقي بينك و بين اللي قدامك مسافه امان تسمح ليكي بالوقوف الآمن قبل حدوت اي تصادم
و هذا لم يحدث
اما خطأ السياره الاخري هو عدم اتباع الاشارات و الدخول امامك قبل الملف مباشره

عموما خدي بالك و انت ماشيه و دائما احذر خطأ الغير

رد: لسه خابط خبطه النهارده بالعربيه ، قولولى مين الغلطان ؟ وتكلف الخبطه كام ؟ يوجد صوره

اقتباس:

المشاركة الأصلية كتبت بواسطة hazem_khidr (المشاركة 542156)

شكرا جدا على افادتك وجزال الله خير وان شاء الله اقدر هاخد بالى بعد كده من اخطاء الاخرين الفجائيه دى وربنا يستر

رد: لسه خابط خبطه النهارده بالعربيه ، قولولى مين الغلطان ؟ وتكلف الخبطه كام ؟ يوجد صوره

اولا احب اشكر كل الاعضاء اللى ردو عليا فى الموضوع ده بصراحه فادونى جدا جدا

ثانيا الاخت Queen ، كنت عايز اضيف اضافه ليكى بالنسبه لموقف الخبطه اللى يشبه الموقف بتاعى ، والاضافه دى قالوهالى اعضاء ردو عليا فى الموضوع ده وهيا لما اكون انا مثلا ماشى على الشمال وفيه U Turn وانا بغصب عنى كنت على الشمال ومش ناوى اللف وناوى اكمل طوالى المفروض هنا اعمل اشاره يمين علشان اعرف اللى ورايا واللى حوليا انى هكمل طوالى ومش داخل شمال بصراحه الحركه دى من يوم ما عرفتها وبقيت بعملها علطول وفادتنى جدا جدا طبعا مع الواحد يمشى براحه ويبص فى المرايات وكلاكسات كده لو ضرورى ، بس هى دى الاضافه اللى كنت عايز اضيفها لحضرتك علشان بصراحه هتفيدك جدا فى المرات الجايه و بالتوفيق ان شاء الله