|
رد: التريللا
اقتباس:
|
رد: التريللا
:286: الف شكر ليك بجد موضوع تحفة وفى انتظار المزيد وربنا يستر على الكل الملاكى والنقل على الطريق MADDRIVE |
رد: التريللا
متابع الموضوع مهم جدا و الله و ياريت الاخ تامر يجاوبلنا على الاسئله الى اتسالت
|
رد: التريللا
بسم الله الرحمن الرحيم:_:w6w2005041113562 663 :w6w2005041113562663
صحصح يا عوباد_ ديزل بيقولك الأستبن ضرب_ وده مش ممكن لأنه مش ماشي علي الأرض أصلا" وعموما" واضح جدا" إنك بتسوق دايما" وإنت سرحان:fun_36_1_50[1]:هههه_وده شيء أخطر من الأستبن لو ضرب وإنت سايق سيارتك الملاكي ولازق ورااا أخوك ديزل بدون ترك ما يسمي >المسافة الآمنة< وهي تعد أهم عنصر لما يسمي بالقيادة الدفاعية والتي إن إالتزم بها كل قائد مركبة فستنخفض الحوادث بمصر بنسبة90%_ ومتابع يا ديزل بكل إهتمام_ولي سؤال. وهو إذا كان من الممكن جلب رأس تريلا مستعملة من الإمارات فما هي الموديلات المسوح بها بالنسبة لسنة الصنع؟ أم أن المسألة متاحة مهما كانت سنة الصنع؟ ولو تتكرم بإعطائي فكرة تقريبية عن مبلغ الجمارك بالنسبة لبعض الموديلات التي ترشحها_وأرجو منك الإهتمام نظرا"لأهمية الموضوع بالنسبة لي وجزاك الله خير الجزاءعلي مجهودك الرائع:THUMBS~220: جميعا"تقبلوا تحياتي:fun_36_3_12[1]::fun_36_3_11[1]: |
رد: التريللا
اقتباس:
طبعا طلباتكم اوامر واسئلتكم كلها ها جاوب عليها ان شاء الله اول حاجه ايه افضل التريللات اللي ف مصر ؟ قبل ما جاوب احب نتفق على حاجه مهمه انا مبحبش الفتي والعجن وطخ الكلام ولكن هقول عن العربيات اللي جربتها واشتغلت فيها وهارتبها لكن مش معنى كده ان السوق ما فيش فيه احسن احسن عربيه اشتغلت معاها (صيانه طبعا ) هيا المرسيدس اكتروس 3340 6x4 عربيه هايله ليه ؟ .... عربيه قويه جدا ممكن تحمل عليها لحد 60 طن حموله صافيه مرتاح من غير ماتحس ان العربيه متقله من الحمل وده بفضل الموتور ال400 حصان اللي التحكم فيه بالكنترولات والكهربا والفتيس المتطور واللي برضه ليه كنترول للتحكم فيه وطبعا دفرنسات قويه مشاكلها نادره جدا مقارنه بدفرنسات عربيات تانيه كتير انما الحاجه اللي شدتني للعربيه دي اول ما شفتها من ست سنين هيا الكابينه .... الكابينه ؟ ايوه ... واحد هيقولي العربيه عباره عن مكنه والات جر الكابينه مالهاش لازمه او مش هيا اللي بتحدد كفاءة العربيه على فكره الصور في المشاركه بتاعت العدادات دي من عربيه اكتروس وغير كده الكابينه مكيفه وقزاز كهربا وكاسيت سي دي وسرير والكابينه نفسها عاليه وفيها براح كبير وفيها كنترول شغلته تمام زي الصندوق الاسود في الطياره بس كل ده كوم والمساعدين بتاعت العربيه كوم تاني لدرجةانك هتحس وانت سايق انك سايق عربيه ملاكي اسيبكم مع الصوره لحد ما اكمل الاجابه [IMG]http://www3.0zz0.com/2011/10/12/16/415205924.jpg[/IMG] يتبع |
رد: التريللا
:THE_PR~18::THE_PR~18:متا اابع
|
رد: التريللا
العربيه رقم اتنين حسب تصنيفي المتواضع هيا العربيه المرسيدس 3331 SK 6X4
وهيا مرسيدس برضه بس عاده .... يعني مفيش تحكم كهربا خالص عاده ف كل شيئ موتور 6 سلندر عادي بيدي 380 حصان بطلمبة جاز عاديه ورشاشات تقليديه والفتيس 9 غيار عادي والدبرياج اسطوانه واحده بس برضه دفرنسات تمام التمام مافيهاش مشاكل كتير طيب والكابينه؟ طبعا فرق كبييير جدا بين المرسيدس الاكتروس 3340 والمرسيدس اس كي 3331 نفس الفرق بين اللانسر وال128 والقعده فيها مش مريحه زي الاكتروس امال ليه اخترتها يا عم الحاج ؟ اقولك الصيانه سهله جدا اي ميكانيكي ممكن يشتغل فيها ودي ميزه رهيبه تخليك تجيبها وانت مطمن خصوصا اذا عرفت ان العربيه النقل اعطالها عموما اكتر بمراحل من الملاكي وده بسبب طبيعة عملها ف التحميل والاماكن والطرق اللي بتدخلها النقل وانت ما بتدخلهاش بعربيتك الملاكي غيرالصيانه السهله ...توفر قطع الغيار وسهولة القياده وسهولة تشخيص الاعطال للسائق الغير متخصص وده بيفرق كتير وهوا بيبلغ عن عطل عربيته على الطريق بخلاف الاكتروس اللي كلها كهربا فلازم تلحقها بكمبيوتر تكشف الاول عليها وبعدين تروح بقطع الغيار العربيه دي مافيش منها جديد ف السوق المصري دلوقتي على حد علمي ولكن المستعمل منها يعمل من 300 الف الى 400 الف جنيه ولو عاوز تقارنها بالاكتروس الجديد ف الاكتروس من التوكيل تعمل من 650 الف الى 700 الف والمستعمل اللي اصله توكيل برضه هيعمل من 400 الى 500 الف حسب حالته لان فيه عربيات استيراد ودي هنتكلم عنها في مشاركات جايه الصورة اللي جايه دي من النت علشان العربيات دي الشركه باعتها من زمان علشان تجددالاسطول والصوره لعربيه قلاب صغير انما الكابينه بتاعتها واحد هياوالتريللا http://egy-ger.com/Images/Me87gdk5szt-1.jpg |
| الساعة الآن 09:08 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017