|
رد: انا من الاغلبية الصامته وعايز اتكلم
بص
هو فيه تعليق صغير علشان أنا مبقوق م حافرقع معروف من زمان إن الصوفية هو مدخل الشيعة في مصر و ذلك لاشتراكهم في التخاريف و الخزعبلات و الموالد و القبور بزعم حب ال البيت و أنا أعتقد ( و قد يكون اعتقادي خاطئا ) أن النظام السابق منع التحام الصوفية بالشيعة و ذلك لمصالح سياسية بحتة المهم المشكلة في الصوفية مش حاتعرف تصنفهم لأن 99% منهم جهلة و الباقي بيسوقوهم بطريقة العصاية والجزرة ضلال مبين هاهم الله بس يسكتوا شوية و يحلوا عنا مش كل شوية حد يطلع علينا و يقولنا خلي بالكم من الوهابية و السعودية بتدفع فلوس لتوهيب مصرو الكلام الفارغ دة المشكلة الكبرى عندهم و بالذات الطريقة العزمية انهم بيكفروا السلفية بدعوى انها حركة تكفيرية!!!! لا تعليق .. بس ممكن نسمع رأي الجمهور فليحذر هؤلاء من حديث رسول الله صلى الله عليه و سلم : ( من قال لأخيه يا كافر فقد باء بها أحدهما ) ربنا ينجيهم من الجهل و ينجينا من خزعبلاتهم |
رد: انا من الاغلبية الصامته وعايز اتكلم
السلام عليكم
عن الليبرالية سألوني ف زنقوني قلتلهم ماعرفش غير الي قولته ف الاول دول ناس متحررين عايزين ياخدوا بالمبادئ الغربية للنهضة ويطبقوها ويطلعونا لقدام ف سالوني تاني واما هما كده ؟ ليه مافيش وفاق بينهم وبين اليمينيين ؟ وليه مش قريبين من الشعب ؟ قلتلهم هاسأل واقولكم مافيش واحد ليبرالي يقولنا ايه هيا الليبرالية المصرية وايه منهجهم وايه مشروعهم ؟ واهوا نبقى كملنا الموضوع |
رد: انا من الاغلبية الصامته وعايز اتكلم
منقول
طرح وائل غنيم، مدير تسويق جوجل بالشرق الأوسط، 12 نصيحة إعلامية إلى شباب الثورة المصرية، حتى لا يستمروا فى خسارة الشارع. وقال غنيم، الذى ظهر فى واجهة التظاهرات التى طالبت بتنحى الرئيس المخلوع حسنى مبارك، لاحظت منذ فترة أن ثورتنا التى كان من أهم مميزاتها أنها ثورة بلا قائد، أصبحت فى الوقت الحالى تواجه العديد من الصعوبات بسبب أن بعضا من المحسوبين عليها يتسببون بشكل أو بآخر أحيانا فى إنقاص رصيدها، بسبب تصريحاتهم وآرائهم فى وسائل الإعلام أو عبر الإنترنت، بغض النظر عن حسن نواياهم. النصيحة العاشرة كانت: "انتشرت فى الفترة الأخيرة نبرات الاستهانة بالشارع أو من يسمّون بحزب الكنبة أو الأغلبية الصامتة، وعلينا أن ندرك جيدا أن سبب سقوط النظام السابق كان استهانة هذا النظام بالأغلبية الصامتة التى خرجت فى مليونيات طوال الثورة بسبب قناعتها فى أهمية أن تطالب بحقوقها، فالثورة بدون الأغلبية الصامتة لم تكن لتتعدى مظاهرة يحضرها على الأكثر 2000 ناشط كما كان يحدث قبل الثورة، هذه الأغلبية لن تتحرك على هوى النشطاء ولا بإشاراتهم بل ستتحرك إذا شعرت أن هناك ما يلزم التحرك، واستعداء هذه الفئة والتقليل من تأثيرها من أكبر مخاطر تصرفات بعض الثوار حاليا لأن خسارة الشارع تجعل من المستحيل أن تنجح فى أى مطلب حتى لو كان منطقيا. النصيحة الثانية عشرة والأخيرة التى طرحها وائل غنيم هى: "لنتوقف جميعا عن التخوين والمزايدة على بعضنا البعض بحجة حماية الثورة، فجميعنا يبحث عن غدٍ أفضل لمصر، وكلنا نبحث عن دولة حديثة ديمقراطية تحترم حقوق الإنسان، وتعتز بهويتها وتاريخها ولها دور ريادى إقليمى وعالمى". النصيحة 12 يجب انها تكون نقطه فاصلة في حواراتنا لاداعي للتخوين او المزايدة مناقشاتبناءةفيها اختلاف في الاراء بدون التطاول او الاتهام ايه المانع نكون مختلفين ده الطبيعي الغير طبيعي اننا نكون كلنا متفقين قالب واحد لازم يكون فيه اختلاف علشان يبقى فيه تمايز وابداع وتطوير ولا ايه ؟ سلامو عليكوا |
رد: انا من الاغلبية الصامته وعايز اتكلم
اقتباس:
السؤال ما زال يطرح نفسه معقولة الموقع كله سلفيـين ولا ايه !! :36_1_1[1]: |
رد: انا من الاغلبية الصامته وعايز اتكلم
طالما مافيش ليبراليين بيعدوا من الشارع ده
نقلت لكم من موضوع احد الزملاء في المنتدى فقرة صغيرة ترد على بعض الليبرالييين الشعب المصري هو من قام بالثوره وليست الحركات المموله أمريكيا كما يحاولون اقناعنا الثوره المصريه قامت بسبب حاله التذمر ونفوذ صبر الشعب المصري وخروج ملايين العمال والموظفين والشباب والطلاب والعاطلين عن العمل والفقراء وليس بسبب الحركات والاحزاب التي أخترقتها الاجهزه الامنيه وليس بسبب البرامج التي يريدون أقناعنا بأنها من قامت بالثوره مثل فيس بوك وجوجل فالملايين التي خرجت كثير منها لايعرف ماهو الفيس بوك بل لايمتلك حتي كمبيوتر وكثير منهم حرم حتي من التعليم فالثوره كانت شعبيه تماما منقول |
رد: انا من الاغلبية الصامته وعايز اتكلم
اقتباس:
|
رد: انا من الاغلبية الصامته وعايز اتكلم
اقتباس:
سلامو عليكم معلهش اتاخرت في الرد عليك لاني كنت بابحث في الحياة عن فكرة في دماغي امن الدولة اداة من ادوات جميع الانظمة الحاكمه في العالم ايه الكلام المجعلص التعميمي ده؟ شوف يا سيدي نبدأ من عندنا الحكام مش خارجين من عموم الشعب فبيكونوا عايزين يعرفوا الشعب بيقول ايه وبيفكر في ايه ف راشقين مخبرين في كل مكان وفوق المخبرين ضباط ومديرين امن وكانو مدينهم صلاحيات انهم يهذبوا هذه الافكار عن طريق التدخل المدروس بما لا يفسد الامور ولكن طبعا المصري اذا مسك سلطه لازم يتجاوز ويطيح ويعمل كوارث كان ليا تشبيه من زمان اما كان حد بيسالني انت بتقول على حسني معيشنا في دكتاتورية امال ايه الصحف المعارضة اللي بتهاجم الحكومه والاحزاب المعارضة تفسرها ازاي دي كنت بقوله حسني حاطط الشعب جوا براد شاي ولو البراد ده مالوش منفس ( بزبوز) البراد هاينفجر يقوم حسني يعمل لنا منفس عبارة عن الجرايد والاحزاب اياها يطلع منها البخار ويفضل الشعب جوا البراد طيب ليه البراد انفجر اقولك لان التسخين زاد اوي عن طريق التجاوزات اللي قلناها وبقى فوق طاقة البزوز انه يخرج البخار فراح البخار طالع من الغطا ووقع حسني مع الغطا المهم انا بقول الجهاز ده موجود عالميا ؟ اكيد انتوا فاكرين موضوع فضيحةالتنصت على تليفونات المواطنين في بريطانيا ؟ واحد يقولي ياعم دي مؤسسة صحفية كانت بتتنصت اقولك انا مقولتش انه جهاز امن الدولة لازم يكون ضباط ومخبرين كل مجتمع وله جهازه واحد يقولي هيا بريطانيا ولا امريكا الحاكم مش طالع من عموم الشعب اقوله اه ايوه الراجل الي بيطلعه الحزب ويرشحه في الانتخابات مبيكونش راجل مواطن عادي ده واحد بيربوه وبيجهزوه من سنين في معزل عن الحياة العادية لانه في الاخر هيحقق مصالح الكبار اوي رؤوس الاموال الضخمه بمعنى اخر وبيستخدم امن الدوله عنده علشان يتحكم في الشارع لحد ما مصالح الكبار اوي تتنفذ كلام غريب شويه بس فكروا فيه كده فيه جمله امريكية شهيرة بتقول money talk يعني الفلوس هيا اللي بتتكلم وانا بقول الفلوس هيا اللي بتحكم وتتحكم في العالم ايه اللي جاب الفلوس لامن الدولة لامريكا لبريطانيا للمخبرين هقولك من تاني مصالح ناس كبيرة بتمص دم الناس الصغيرة على مستوى العالم حكومات بتعمل على تحقيقها الحكومات بتستخدم ادواتها امن الدولة احد هذه الادوات هدفه معرفة الراي العام وتوجيهة او الهاؤه في ازمات او مواضيع اخري بعيد عن مصالح الناس الكبيرة لا يمكن الاستغناء عن امن الدولة الا اذا بطلت الحكومات تحافظ على مصالح الناس الكبيرة |
| الساعة الآن 07:10 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017