رد: انا احذركم جميعا من التعامل مع غبور هيونداى
 

- انا مش قادر اعدى الكلمة دى بصراحة
- انا راجعت لمشاركات الاعضاء وفعلا ً قد يكون فية بعض التجاوز
- ولكن لكون حضرتك مسؤل و تتحدث بإسم الشركة فيجب ان تحتوى المشاكل
- اخى الكريم
- انا تعاملت مع شركة هيونداى ما يذيد عن 10 سنوات واكثر من 30 زيارة للمركز الرئيسى بأبوا رواش
- بالرغم من انى ابعد - بحكم عملى - عن المركز حوالى 800 كم
- ولو حضرتك راجعت مشاركاتى هتؤكد كلامى
- بدية من اكسنت 2001 حتى منتصف 2010
- وفيرنا من منتصف 2007 وحتى الآن
- وعندما فكرت فى شراء سيارة فى بداية 2010 كانت الالنترا من اقوى السيارات منافسة مع الانسر وذلك بسبب توافر مركز خدمة بهذا المستوى ( مع تحفظى عن الاسعار )
- وفى النهاية لم اكتب مشاركتى دفاع لا عنى لانى لم اسيىء ولا عن احد فكل واحد كفيل بالدفاع عن نفسة طالما يكتب بقناعة
- انما كتابتى للتوضيح معترضا ً عن ما جاء بمشاركة حضرتك

رد: انا احذركم جميعا من التعامل مع غبور هيونداى
 

نعم واشكر لك صبرك معاى
كيف اتحلت المشكلة المشكلة ما اتحلتش وانت عارف كام واحد كلمتة منكم واغلبكم لا تدرون عن السيارة شئ
دا انت اعترفتم بعيب البور من يوم واحد فقط

طيب ما انا اتفقت معاك ادونى ما يفيد انة فى حالة تكرار المشاكل بالسيارة يحق لى استبدالها فورا وانت ما رديتش على

عشان انا مش شارى عشان كل شوية اروح الضمان ماهو سارى يبقى انا خلينى عندكم على طول فى الورشة

الغرض الاساسى من الزيرو هو عدم الذهاب للصيانة مرارا وتكرارا
على فترات متقاربة وبعيوب كبيرة
وقد انتفى هذا الغرض من اول ما استلمت السيارة

ثم اية هى التعويضات اللى عرضوها دول ما حدش الى الان تكلف مكالمة تلفون ب 15 قرش منهم غيرك انت وفى الغالب بقفل عليك واكلمك انا من تلفونى

يا راجل سيبك بلا هيونداى بلا كلام فاضى

يا جماعة انا بايع العربية حد يشترى

رد: انا احذركم جميعا من التعامل مع غبور هيونداى
 

انا لسة مستلم فيرنا 2011 وفيه مشكلة في الكاسيت وعاملي قلق لأنه عمل مرة قافلة في كهرباء العربية فيه زملاء قالولي ماتستناش صيانة الألف وروح شوفها أحسن تكون مشكلة في الضفيرة بس أنا رامي حمولي على الله و إن شاء الله هاروح صيانة الألف واعملة ويارب صبرني ويخيب ظنوني انا معايا بيجو 505 تانية باطلع بيها الجبل وما تقولش لأ ما شاء الله لا قوة إلا بالله لكن الفيرنا ده بدادي فيها فربنا يسهل توكيل غبور في الغردقة يطلعوا ناس لطاف . ملحوظة الفرنا دلوقتي ما بقتشي عربية الشعب ربنا يخلي عمو غبور خلاها ب 72250 تخيلوا ؟؟؟؟؟؟؟؟؟؟؟؟؟؟؟؟؟

رد: انا احذركم جميعا من التعامل مع غبور هيونداى
 

اتصل بيهم يا دكتور
هم في انتظارك
وبالنسبه للتفاصيل الخاصه بالتعويضات حتكون بين حضرتك وبينهم
وصدقني كان في سوء تفاهم وانا وضحته ليهم
وفي حاله حدوث تكرار للمشكله
هتلاقي عندهم حل مرضي
وبرده خليك ماشي مع جهاز حمايه المستهلك
وعلي فكره حضرتك لما بتكنسل عليا وتكلمني دا لانك حد زوق جدا و غايه في الاحترام بس دا ميعبنيش في حاجه لاني مببعتلكش بليس كول مي يا دكتور
وع العموم مفيش مشكله
انا اللي هاممني ان مشكلتك تتحل لانها كبرت قوي بدون داعي لكل الكلام ده
صدقني الموضوع ابسط مما تتخيل بالنسبه للمشكله اللي في العربيه


يا دكتور العربيه مفيهاش مشكله دلوقتي
استلم عربيتك
ولو ما استلمتهاش عربيتك في الحفظ و الصون لحد محضرتك تشرنا ولو حبيت تجيلك بالونش زي ما راحت مفيش مشكله دون اي تكلفه عليك
وانا تحت امرك في اي شهاده تحتاجني فيها و ربنا يعينك و يعلم الله اني ما تعاطفت او انحازت لعميل مثلما افعل معك يا دكتور
والسلام عليكم ورحمه الله وبركاته

رد: انا احذركم جميعا من التعامل مع غبور هيونداى
 

اشكرك بشده
و انا مخصصتش كلامي لمشاركات حد
يعني انا شكرت ناس شاركت بفاعليه عاليه جدا
لكن معبتش في التاني
ثم اعتقد اني مستوعب المشكله كويس
انا مش فاهم قصد حضرتك ايه
او اعتراضك علي ايه
فعلا المشاركات محترمه تستاهل الشكر ممكن توضحلي وجه نظرك
لاني فعلا مش فاهم

رد: انا احذركم جميعا من التعامل مع غبور هيونداى
 

شكراً لاستاذ محمود على التواصل ومتابعة المشكلة

دكتور قناوى /
الناس فى هيونداى اتصلو بيا تانى عايزين يعرفو حضرتك حابب تعمل ايه
هتستلم العربيه منهم مباشره ولا بواسطة حماية المستهلك
مع العلم اننا هنتابع حضرتك ونقدم اى مساعدة او دعم تحبه فى الحالتين

رد: انا احذركم جميعا من التعامل مع غبور هيونداى
 

يا باشا الف مليون شكر لحضرتك
هو مين اللى انت كلمتة من هيونداى هل تقصد ا/محمود جمال
طيب انت بعد ما انت عارف تفاصيل الموضوع تشور على باية بما يرضى اللة
واية اللى انت ترضاة لى بعد العذاب دة كلة فى رايك برضو بما يرضى الله
وانت قلت لبتوع هيونداى اية وكان رايك معاهم اية
وهل العرض فقط الاستلام من هنا او هنا بدون اى شئ اخر ارجوا ان تكون فهمت قصدى
الرجاء منك الرد تفصيلا على كل نقطة