رد: الجيش المصري: لم نجبر مبارك على التنحي
 

مش فاهم هوا فيه كام مبارك ؟؟؟

مبارك الشرير اللي أدي الأمر للشرطة بقتل المتظاهرين (( 600شهيد )) حصار غزة من اليهود موت 1400 شهيد ،، يعني ما شاء الله عندنا ثلثين حرب

و مبارك الطيب اللي ما داش أمر للجيش يضرب المتظاهرين ؟؟؟ ده كلام !!!!

نقلا عن نوارة نجم

(( ده المشير اللي لما كلموه من ميدان التحرير وقالوا له القائد الاعلى بيقول لنا نسوي الميدان بالأرض قالهم: طب انا نازل التحرير انسفوه وانا فيه.. واسألوا اي ظابط جيش كان حاضر الواقعة، وافراد الجيش اول ما شافوه قعدوا يعيطوا من التأثر ))

رد: الجيش المصري: لم نجبر مبارك على التنحي
 

بيتهيقلي الجيش ضغط عليه للتنحي...
محدش قعد 30 سنه هيسيبه بسهوله وخصوصا انه تاخر في التنحي ومش هو اللي تنحي بصوته ولو نفتكر لما عمر سليمان كان بيقول خطاب تنحيه كان واقف وراه احد افراد الجيش..؟

رد: الجيش المصري: لم نجبر مبارك على التنحي
 

طب ازاى حضرتك فى حوار مع فتحى سرور ذكر ان المشير طنطاوى رفض طلب من مبارك بسحق المتظاهرين,.وفيه حوار كان فى الmsn إن مبارك رفض التنحى وأن الجيش هو اللى أرغمه وعشان كده عمر سليمان هو اللى أذاع ابيان , أفتكر بس قبل تنحى مبارك البيان رقم 2 قال أى؟؟؟ان الجيش يقف مع مطالب الشعب العادلة يعنى أكتر من كده أى.؟
يا أخى أفهمنا أرجوك أرجوك أرجوك بص حوليك وانزل الشارع شوف الناس عايشة أزاى شوف الفقر والظلم والبطالة اللى وصلنا لها ,, 1400 شهيد ولسة بتقول إنه بطل ,.

رد: الجيش المصري: لم نجبر مبارك على التنحي
 

بكل اسف هو ده السبب الاول لتاخرنا

اننا بنقعد نعيد ونزيد ونعاتب ونهاجم بعض ونقطع فى بعض فى حاجة اصبحت من الماضى وانتهت وبنبقى متفرقين احزاب وجماعات وكل جماعة شايفه نفسها صح والجماعة العكس غلط ولازم تتهاجم

الى حصل حصل خلاص مش موضوعنا دلوقتى ايه الى فات وكان ازاى

مشكلتنا دلوقتى ايه الى جاى وازاى ؟

رد: الجيش المصري: لم نجبر مبارك على التنحي
 

+

ونجيب إللى أتنهب مننا إزاى ...........؟

وفى نفس الوقت

نخللى بالنا كويس أوى

من ضعاف النفوس

اللذين لن يفارقونا

المطلوب مننا فعلا

نحاول نعلمهم أنهم يبقوا زينا بالضبط

بنخاف على بلدنا ومواردها

وعاوزينها يبقى ليها شنه ورنه

_______________

فا

المكان الذى ولدت فيه وستموت فيه

ويوجد فيه أهلك ومعارفك وحضارتك

أولى بنا أن نفكر فى النهوض به بعد أن صار جريحا

وقطع يد كل من يحاول أن يمزقه

رد: الجيش المصري: لم نجبر مبارك على التنحي
 

انا كتبت رد طويل و مقنع على الكلام ده
لكن للاسف النت قطع لحظتها
عموما انا مش حكتب تاني
بس كلنا عرفنا ان فيه تعليمات جت بضرب المتظاهرين و القيادة الميدانية رفضت تنفيذ الاوامر
المجلس الاعلى اغلب اعضاءه حبايب و زملا للبعيد

رد: الجيش المصري: لم نجبر مبارك على التنحي
 

الصورة واضحة بالنسبة لى,
كل الشواهد التى ذكرتها, بالاضافة الى تأكيد المؤسسة العسكرية و التى تتمتع بمصداقية كبيرة, تشير الى ان مبارك لم يأمر الجيش بفض الاعتصام,
ناهيك عن النقطة التى ذكرها استاذ محمد, و هى نقطة مهمة جدا, لو كان مبارك يريد فض الاعتصام بالقوة كان يمكن استخدام الحرس الجمهورى المدرب جيدا, و الموالى له.
و هذا الموقف بالذات يذكرنا بثورة 52 حيث تنحى الملك طواعية و رفض استخدام الحرس الحديدى لحقن دماء المصريين, فهو ليس بالموقف المستحيل!
و ما اشبه الليلة بالبارحة, كان هناك ايضا فسادا ايام الملك و لم يكن هو مسئولا عنه, و كان فاروق ملكا صالحا رغم بعض اخطاءه السياسية, و فى النهاية تنحى بشرف لحقن دماء المصريين.