رد: ** مليونية عودة مبارك - 25 ابريل - مطالب تيتتتتتتتتتتتت **
 

أعتقد وليس الكلام موجها لأحد ( علشان محدش يزعل )

إللى يطالب بعد كل إللى عايناه على الساحه

من ظلم وقتل للنفس وسرقه وخلافه

مما يندى له الجبين

_____________

وبعد كده يطالب برجوع الرئيس المخلوع

حاجه من أثنين

ياعبيط .....يا بيستعبط

سورى طبعا

الكلام ده لأى واحد من الشعب المصرى

ممكن يفكر فى حاجه زى كده

وليس موجها لأى زميل فى مصر موتورز

رد: ** مليونية عودة مبارك - 25 ابريل - مطالب تيتتتتتتتتتتتت **
 

والله حاجة توجع القلب يا باشمهندس، للأسف في ناس كثير ما بتبصش غير في مصلحتها الشخصية، كل واحد حصله أي ضرر في أكل العيش ما قادر يصبر لحد لما الحال ينصلح والعملية تهدأ، وهو عارف من جواه بإذن الله إن إلا جي أحسن، لكن للأسف مفيش صبر.
وهو ده للأسف كارثة فساد التعليم؛ لأن الإنسان المثقف المتعلم سقف مطالبه أعلى بكثير من لقمة العيش والفلوس، سقف مطالبه بيوصل للعدالة والرحمة والحرية والكرامة.
أنا دلوقت فهمت ليه كل الظالمين بيهملوا التعليم وبيعملوا على خرابه، عشان يبقى معظم الشعب مش همه إلا لقمة العيش، عشان تقدر تخوف الناس برغيف العيش وكيلو الرز، ووقية الطماطم.
حسبنا الله ونعم الوكيل، اللهم ارفع مقتك وغضبك عنا، ولا تؤاخذنا بما فعل السفهاء منا، ومكن للحق وأهله يا رب العالمين، وأمنا في أوطانا واكتب لنا أمر رشد، وولي علينا من يصلح، آمين، آمين آمين

رد: ** مليونية عودة مبارك - 25 ابريل - مطالب تيتتتتتتتتتتتت **
 

يا شاطرة قبل ما تتكلمى أنتى تعرفى نصيبك من الأموال المنهوبة دى كام 187 ألف جنية جنية ينطح جنية ,أى تغيير ديمقراطى يحتاج وقت وأكيد هاتحصل عراقيل ثالثا ده ماسك بقاله 30 سنة ,عايزة تعرفى اى اللى أتغير,اللى أتغير أنى عارف أن مسلسل نزيف ثروة مصر وقف كل سنة بيضيع 5 مليار دولار يعنى حوالى 30 مليار جنية فى الفساد , مبارك الله حضرتك بتتكلمى عنه معاه جنسية عربية تانيية!!!
اللى أتغير أنى أخيرا لقيت حد اتحرك فى مصيبة دول النيل لأن خلاص يا شاطرة بسبب مبارك ممكن تصحى قبل ما تقعدى على الكمبيوتر ماتلاقيش بق ميه تشربيه بسبب واحد كل ما نكلمه يقولنا مفيش مشكلة أهو بقى فى مشكلة,
بجد أنت مش شايفة ولا بتدعى البراءه , إن المفروض أننا نكون فى أقوى عشر إقتصاديات لكن فى المقابل 40% تحت خاط الفقر و20% على خط الفقر يعنى أكتر من نص الشعب مش لاقى ياكل وبياكلو من الزبالة ,اللى حصل إنه باع أرضنا لليهود فى شرم الشيخ وخلى ملناش وجود فى سيناء وحييد قدرات الجيش المصرى وأسئلى فى عهده لما طيار إسرائيلى دخل بطيارته لغاية المنصورة ورجع تانى ,بجد حسب الله ونعم الوكيل,.أنتى بقى ياشاطرة أتقى الله لأنى متأكد إنك يا مضحوك عليكى أو منهم

رد: ** مليونية عودة مبارك - 25 ابريل - مطالب تيتتتتتتتتتتتت **
 

اولا : انا عايز واحد بس يقول ان وظيفه الجيش تنظيم المرور والقبض علي الخارجين عن القانون

صحيح انا ماليش لازمه وزميلي اللي استشهد وهو بيدافع عنك وعن غيرك برضو ماليش لازمه

وظيفه الجيش يااستاذي الفاضل حمايه حدود مصر من الاخطار الخارجيه هي دي وظيفتنا ....

وانا موافق علي طلبك اننا نرجع وحداتنا واللجان الشعبيه ترجع تاني وياريت تقدم طلب لوزارة الدفاع ..... واللي تمسكه يبقي اقتله " بقت فوضي "

الشرطه لا غني عنها ولازم ترجع وهترجع باذن الله في خدمة الشعب ....

رد: ** مليونية عودة مبارك - 25 ابريل - مطالب تيتتتتتتتتتتتت **
 

كلنا بنحترم الجيش وأكيد حضرتك عارف كدة كويس، والجيش هو حامي الثورة بلا شك، لكن إلا بتعملوا كثير من ظباط الشرطة دلوقت من التباطؤ في النزول وإعادة الأمن المقصود منه تأديب الناس والانتقام منهم، عشان خرجوا على السيد المبجل رئيس الجمهورية، وإلا أنا أعرفه إن الجيش والشرطة لازم يكونوا مع الشعب مش ضده، ولازم يستمدوا شرعيتهم من الشعب مش من فرد، ولازم تكون حمايتهم للشعب مش لفرد، ده إلا اختاره الجيش المحترم لما اتحط في المحك، لكن للأسف الشرطة اختارت العكس، وما زالت مش متقبلة (مش كلهم طبعا) فكرة إنهم دلوقت في خدمة الشعب.
عموما الدعوة برجوع اللجان الشعبية مش الهدف منها التقليل من دور الجيش، بالعكس الهدف منها التعاون معاه، وأنا قبل كدة دعيت لعودة اللجان الشعبية في المنتدى هنا، بس حطيت شرط إن كل لجنة يكون عليها فرد من الجيش ينظم المسألة.
وربنا سبحانه يأمنا في أوطانا ويساعدنا في تطهير بلدنا بإذن الله، بإذن الله ما قادم أفضل، لكن للأسف الناس صبرت 30 سنة على الظلم والفساد، ومش قادرة تصبر بس سنتين على الإصلاح، اللهم ارحمنا برحمتك.

رد: ** مليونية عودة مبارك - 25 ابريل - مطالب تيتتتتتتتتتتتت **
 

استاذ مهند

انا من الشعب واخويا ضابط الشرطه برضو من الشعب احنا ليه بنفرق في المسميات

وتباطؤ نزول الشرطه للشارع مش خيانه من الشرطه بقدر ماهو عدم رغبه لدي طوائف معينه من الناس ان الشرطه مترجعش خااالص

انا اقول لحضرتك علي موقف حصل معايا

لجنة من الشرطه بتوقف السيارات وبتفتشها وتشوف الرخص والهويه وكنت انا معاهم بس واقفين بعيد عنهم شويه

جت عربيه فيها 5 شباب الضابط وبرتبه عقيد بيقولوا الرخص البطايق لو سمحت ...

تخيل ايه اللي حصل

كل مااتتخيله من انواع السباب والشتائم ومحاولة التعدي علي رجال الكمين وطبعا تدخلنا احنا ورميناهم قدام الدبابه عبرة لمن يعتبر .....

واللي عصبني عليهم اكتر انهم بيقولوا احنا من شباب الثورة

رد: ** مليونية عودة مبارك - 25 ابريل - مطالب تيتتتتتتتتتتتت **
 

[QUOTE=إنسانة;388741]
حد يقولى لما الرئيس مبارك ترك الحكم اية الجديد اللى حصل؟ انا هقولكوو الجديد مفيش امن ولا امان والبلد بتخرب حد فيكووو حاسس بالامان على بيته ولا اختة ولا مراته ؟
اتقوا الله في بلادكم
اكرموا رئيسكم مهما كان عادلا كان او غير ذلك
واعيدوا حاكما لكم حتى تستقر مصر وتهدأ
[/QUOTE




وحياة ابوك اقعدينا علي جنب مش مكسوفة من الكلام ده هوا انت كنت عايشة فين مش معانا ولا اية كفاية ان حرمية البلد - مش كلهم - لقو حد يحاسبهم وبتحاكموا دلوقت وبالنسبة لسؤالك اه حسين بالامان عارفة لية عشان حنقدر نامن مستقبل ولادنا بس لما نقضي باذن الله علي امثالك