رد: نصائح من ضابط شرطه ............
 

مبالغة وتخوييييييييييييييييييييي ييييييييييف

رد: نصائح من ضابط شرطه ............
 

أولا
أشكر أخونا على النصايح الجميلة دى
ثانيا
من واقع رؤيتى للمسجلين وتحليلى لشخصيتهم فهو فى هذه اللحظات من تاريخ مصر
لن يرتاد أماكن مزدحمة كما ذكرت
ولن يهاجم اى شخص عادى او شخص يحس انه ثرى جدا لانه يعلم انه لن يمشى بمبالغ كبيرة وان معاه كارت فيزا وغالبا كبيره الموبايل
وللاسف هؤلاء السفهاء ممكن يـيجو على الغلبان سواء موظف او عامل او عجوز ذهب لقبض المعاش
لكنهم عارفين قيمتهم وحجمهم حتى ولو ظهر امامك انه هو شجيع السيما
لكنه لايدخل فى معركة خاسرة او معركة غير مضمونة

وتكملة لكلام اخونا الضابط
نصيحة لاخواننا اللى بيقبضوا مرتباتهم او معاشاتهم يوم القبض يكون معاه أحد الشباب وميتأخرش ويشترى ضروراته بالنهار وأى فلوس تتبقى يقدر يفتح بيها حساب ب 100 جنيه فى اى بنك مصرى ويستعملها حسب احتياجاته بعد كده بكارت الفيزا
انا عارف ان الموضوع ده ممكن ينال سخرية بعض اخواننا اللى بيقبضوا بالاسبوع زى الصنايعية وغيرهم
لكن اللى بيقبض بالاسبوع غالبا مبلغه مش كبير
والبلطجية حاليا بيمشوا جماعات وانا شفتهم امبارح الجمعة الساعة حوالى 9 بالليل فى ميدان الدقى بس كسروا عربية شرطة وضربوا الظباط ولما الناس اتلمت عليهم عملوا نفسهم بيتظاهروا وشوية هتافات وطنية وقالو اننا هنطلع نكسر أمن الدولة
وانا قلت لهم انتو حرامية ولصوص واللى عملتوه ده شغل عصابات وطبعا لولا الناس حواليا كان الموضوع تطور جدا
أشكر أخونا الضابط على هذه النصائح




وأما اخونا اللى نازل الصعيد فأسلم طريق لك حاليا هو القطار الا لو معاك عربية فانا لا اعلم حال الطرق الصحراوية الأن لانى عرفت انهم بيقابلو الناس وبياخدو من كل عربية 100 جنيه اتاوة فى كل مدخل بلد
مش عارف هل الكلام ده لسه موجود والا لا
لكن الزراعى مفتكرش
وممكن اعرف الاخبار الجديد ة خلال كام يوم و..أرد عليك

رد: نصائح من ضابط شرطه ............
 

أولا إحنا مش بنخاف و عموما طول عمر البلد دي محمية بأهلها و لا كنا بنشوف الشرطة بإستثناء المرور اللي كان هدفه تفتيش الناس في اي حتة و أغلب الناس عندها تجارب سلبية معاهم و حتى لما كان بيكون في خناقة و الناس تتصل بالنجدة كانوا بياخدوا سنة عشان ييجوا دة لو جم

حضرتك بتنصحنا إننا نموت يعني ؟ و منعيش و منتعلمش , أحب أقولك أسفين الشعب اللي دمر و نسف إمبراطورية الظلم بقيادة مبارك و أعوانه و دولته البوليسية قادر إنه يحمي نفسه, و حضرتك بتفترض إن هيحصل جرايم سرقة و قتل و إغتصاب اللي هي أصلا كانت بتحصل في وجود الشرطة و كمان بتفترض إنها هتحصل علني و بتفترض كمان إن محدش هيفتح بقه ...دة إيه الحلاوة دي ؟!


خلاصة القول : أنا معرفش حضرتك و معرفش إذا كنت شريف أو خلافه, اللي أنا أعرفه إن الشرطة هربت و خانت مصر و إن الشعب قام بالدور اللي عمر ما الشرطة قامت بيه, أه في جرايم و في سرقات بس مصر قبل الثورة كان فيها برضه نسبة كبيرة من إنعدام الأمن و كنا بنشتكي من دة و اللي متأكد منه إن ربنا بيحمي البلد دي و أهلها ممكن يموت عشانها و إذا كنت حضرتك بتعمل كدة عشان تخوف الناس في إطار تحسسهم بقيمة الشرطة كان غيرك أشطر!!

رد: نصائح من ضابط شرطه ............
 

البلد فى اماااااااااان تام مقارنة بالاحداث الجارية
مدينة الشروق - عين شمس - المطرية - عزبة النخل - المرج - الزيتون - الحدائق - وسط البلد
كل ديه مناطق اشهد بأنها امنة تماماً وبتجول فيها كل يوم لوحدى ومع عيالى ومفيش اى مشاكل او شواهد للغابه اللى حضرتك بتصورها لينا ديه

انا بس يهمنى اعرف تقصد ايه بالكلام ده

مش عارف انت ليه واثق ان ده هيحصل وليه بتقول محدش هيفتح بقه انتو ليه مش مصدقين اننا بقالنا اكتر من شهر بنحمى نفسنا من غيركم فعلاً ومستحيل يحصل اللى انت بتقول عليه ده قدام الناس ومتدخلش !!!

طيب بدام عارفين فين ومع مين مستنين ايه ؟؟ مش فاهم ازاى يتاخد منكم سلاحكم وتبقو عارفين مين اللى سارقة وفين ومتعملوش حاجة !!!!

رد: نصائح من ضابط شرطه ............
 

محاولات تخويف الناس وإرعابهم معروف وراها إيه:
1- عايزين الناس تبوس إيد الشرطة ورجليها وتقول ارجعوا ومش هنحاسبكم على أي شيء.
2- عايزين الرعب يدب في قلوب الناس عشان يحسوا إن الثورة جابت الخراب والفوضى.
3- عايزين الخراب يعم البلد عشان يقدروا يعتموا على ملفات الفساد إلا ما لهاش أول من آخر في هذا الجهاز.
وأنا هأقولها بكل وضوح، أنا متربي في مكان شعبي، وفي المكان الشعبي الناس بتحل مشاكلها بنفسها ، لو حصل حريق الناس هي إلا بتطفيه، ولو حصلت مشاجرة الناس هي إلا بتتدخل وتحل، وهي إلا بتقعد قعدة العرب عشان تفصل في الحق. طول عمرنا في الأماكن الشعبية مفيش وجود للشرطة في حياتنا، بل بالعكس دخول الشرطة كان بيبقى بس للابتزاز والرشوة، يعني بعد ما حضرتك تطفي الحريقة إلا كانت في بيتك بالتعاون مع الجيران، ييجي سعادة أمين الشرطة بكل برود وياخدك من بيتك ويعملولك محضر إهمال أو أي بلوة وتلاقي نفسك تاني يوم في النيابة، ويبقى موت وخراب ديار. إحنا دائما كنا بنزعل من أي إنسان يتصل بالشرطة في أي مشكلة ما دمنا نقدر نحلها بإيدينا، لأن الشرطة كانت بالنسبة لينا مش بتحل، دي بتبتز الناس، وأصلا حتى لو حضرتك اتصلت بيهم ما بيجوش غير في الحاجات الكبيرة بس زي القتل ، لكن لو اتصلت بيهم في مشاجرة حتى لو كان فيها دماء، هتلاقي الرد بكل برود: لما حد يموت هنبقى نيجي.

رد: نصائح من ضابط شرطه ............
 

ايه رايك في الورقه ده
[IMG]file:///C:/DOCUME%7E1/koky/LOCALS%7E1/Temp/moz-screenshot.png[/IMG]http://a5.sphotos.ak.fbcdn.net/hphot...1_795952_n.jpg

رد: نصائح من ضابط شرطه ............