المشاركة الأصلية كتبت بواسطة BASSEM BESO (المشاركة 357434)

المشاركة الأصلية كتبت بواسطة mmffor (المشاركة 357436)

عموما انا أؤيد الاعتصام الايجابي الذي لا يوقف عجلة الحياه
الذي يظهر للسلطة ايا كانت انه يوجد من هو مراقب لها و منتظر للنتائج
زي ما بنقول واقف على دماغهم
بس في نفس الوقت لا يقطع الطريق
لا يتعامل بعنف
يتبع التعليمات و النظام و الامن
يحافظ على حضارة و تحضر و منظر ميدان التحرير
غير كده يتقطع لساني لو قلت كلمه لمعتصمي الميدان
لانهم لهم اجنداتهم الخاصة التي اجبرتهم على الاعتصام لثلاثة اسابيع
دون الرجوع لبيوتهم حتى الان
و اغلبهم شهد موقعة الجمل
و قاتل بينما كنا نبكي في بيوتنا
و اقسم بالله لو كان البلطجية و القناصة نجحوا في فض المعتصمين في موقعة الجمل
لما رأينا تنحي مبارك
و لما رأينا اي من المتظاهرين الان لانهم جميعا سيكونوا في هياغب اقبية امن الدولة
او في المقابر المجهزة في اقبية امن الدولة
كما اكتشف الناس بوجود مقبرة تحتوي على 3 هياكل عظمية لمعتقلي ماتوا و دفنوا في قبو امن الدولة!
يجب ان نحترم اجندات المعتصمين لانهم من رفعوا راس مصر عاليا

المشاركة الأصلية كتبت بواسطة BASSEM BESO (المشاركة 357439)

اسمحولى ياجماعه بقى اقول اللى جوايا انا لسه داخل حالا البيت من 10 دقايق وراجع من دمياط وبورسعيد لمهمه فى الشغل وكنت راجع من الطريق الزراعى الى بنها الى ماسبيرو والكورنيش والله والله والله الطريق كله حتى ماسبيرو 1:20 ساعه وتلت بس ومن ماسبيرو وبسبب التحويلات والمظاهرات 4:45 اربع ساعات وخمسه واربعين دقيقه وكنت لازم ادخل جاردن سيتى عشان امضى على التسليم للمهندس هناك وطبعا اتأخرت والمكتب قفل .

طبعا انا عارف ان محدش ليه دعوه بالقصه دى كلها بس انا قصدى اقول حلال ولا حرام اللى بيحصل ده الأخوه الأفاضل اللى موافقين على استمرار الأعتصام لو جربوا الذل والوقفه والجرى وراء لقمه العيش ساعتها هيقدروا فعلا ان بتكلم ليه وبقول والكلام دلوقتى ولا ليا ولا للموافقين على الأعتصام الكلام هيكون للقوات المسلحه اللى لو ادخلت ساعتها وبالفظ العامى كده داست عليهم ساعتها محدش هيزعل لأن اساسا مفيش مبرر للكلام ده كله بعد تنفيذ المطالب ومش كل حاجه هتتحقق فى نفس الوقت يبقى احنا كده ممكن نهد الدنيا ونبنيها فى نفس اليوم ولا انا بتكلم غلط

المشاركة الأصلية كتبت بواسطة Explorer (المشاركة 357442)

أول مرة نتفق :)
المفروض الاعتصامات تتفض
الجيش مش هيقدر يحل كل المشاكل في ٤٨ ساعة

المشاركة الأصلية كتبت بواسطة BASSEM BESO (المشاركة 357447)

يا Explorer احنا عمرنا مااختلافنا لكن وجهات النظر هى اللى بتتعارض ليس اكتر لكن فى الأول وفى الأخر احنا اخوات واحباء ويجمعنا حب تحت سقف المنتدى الرائع مصرموتورز
وفعلا انت لو شفت السكه عامله ازاى مش هتعرف حتى تتنفس وانا كان ربنا رزقنى بعربيه اكسنت 2009 اسف فى اللفظ زباله بتاعه صديقى عشان الأسبرانزا بتاعتى فى مهمه فكانت مزوده كمان عليا

والجيش هيقدر على كل حاجه بس الصبر الصبر الصبر يا مصريين احنا ماكناش بنحلم بلى وصلنا ليه لازم يكون فى صبر ياجماعه مش كده
ومتزعلش منى ياExplorer لو صدرت منى اى شىء فى مواضيع سابقه سواء انت او mmffor لأننا كنا مختلفين فى الرأى والأختلاف فى الرأى لا يفسد فى الود قضيه صح ولاايه

المشاركة الأصلية كتبت بواسطة lol64 (المشاركة 357460)

استودعكم الله هاروح اتابع التليفزيون شويه يارب تفرج

المشاركة الأصلية كتبت بواسطة lol64 (المشاركة 357456)

الله ينور عليك ويزيدك نور :playing_music:

سيبك بقى من الكلام ده
يعنى الاسبيرانزا بتاعتك فعلا احسن من النيو اكسنت ؟
بصراحه انا شايفها عمليه جدا وحماله اسيه
ربنا يباركلك فيها