رد: ما هو رايك في خطاب الرئيس وخطاب نائبه ...؟؟
 

رد: ما هو رايك في خطاب الرئيس وخطاب نائبه ...؟؟
 

سؤال بسيط و لا علاقه له بأي شئ و لكن لمن يتكلم عن قانون الطوارئ
من منكم تم تطبيق قانون الطوارئ عليه او علي احد من اقاربه؟؟
سؤالي باعتبار اننا من فئات مختلفه و من اماكن مختلفه من مصر و مع اختلاف اعمارنا و ميولنا
و توجهاتنا جميعا

رد: ما هو رايك في خطاب الرئيس وخطاب نائبه ...؟؟
 

ولاحد ...سؤال في الجون

رد: ما هو رايك في خطاب الرئيس وخطاب نائبه ...؟؟
 

انا اتطبق عليا مرتين حصلت معايا بعض الساعة 12 بيبداو ينفذوا التحريات فى الشوارع وفى ظباط كانوا مستفزين بطريقتهم مع المعاملة فى التفتيشات وكانت بتحصل مشاكل بس الحمد لله موصلتش للقسم

رد: ما هو رايك في خطاب الرئيس وخطاب نائبه ...؟؟
 

يا جماعة الشارع بيغلى بدايه الخطاب الميدان كان يتسمع فيه دبه النملة وكل اتنين او تلاته بيسمعو مع بعض الراديو او الاذاعة لحد نص الخطاب كان الناس رفعت الجزمة وبداء ناس تهتف " بالجزمة ... بالجزمة "" وبعدين الناس تزعق استنو لما نسمع للاخر يقول كلام تانى على نفس الوتيره يطلع واحد يسب وينعل والناس تسكته لحد التلت الاخير من الخطاب اتفرق الناس مابين اللى جايين باسرهم بداو يمشو مطئطئى الرؤس ومابين شباب فى قمه الانفعال وهتاف وسب ومابين هرجله وناس بتجرى بكراسى ودكاترة بتجرى على العيادات عرفنا بعد كده ان فيه ناس كتير جالها اغماء
الخطورة ان الناس منقسمين فى الهتاف مابين ناس لسه بتقول مش هنمشى ومابين ناس بتقول ""رايحين القصر بعد العصر""
وانتهاء الى "" ع القصر رايحين شهداء بالملايين """
حاله الانهاك مع الاثارة ثم الاحباط ثم الغضب كل ده عامل كوكتيل مرعب مش ممكن تخيل ابعادة
الاخطر ان فيه مسيرات فى اتجاهات متعددة وصلت العباسيه من دقائق ويمكن قدامها دقائق وتبقى فى محيط القصر الرئاسى بس لو اليله فاتت على خير بكره معتقدش هيبقى سهل ابداً

لاسف خطاب || خازوقى || جديد فى وقت غلط كالعادة
ربنا يستر

رد: ما هو رايك في خطاب الرئيس وخطاب نائبه ...؟؟
 

يارب يستر ..يعني الناس اللي خرجت ديه دلوقتي رايحه القصر

ربنا يستر وما تبقاش مدبحه هناك ...وحضرتك ناوي تعمل او تروح

فين الان

رد: ما هو رايك في خطاب الرئيس وخطاب نائبه ...؟؟
 

ابقى فكرنى يا حازم طيب لما يبقى فيه وقت افهمك يعنى ايه قانون الطوارى علشان تعرف ان كلنا بنتعرض ليه ومتأثرين بيه
ياريت بلاش جدال ملوش قيمة ولا وقت الشارع بيغلى والخطاب الزفت ده هيعمل انقسام اكبر وهيولد تعصب اشد يعنى اللى بيتكلم فى امان مصر وبر السلامة فجر براكين الغضب جوه الشباب والشباب مش هياكل معاها كلام القهاوى ده بقولكو دقائق وهيبقى فى مصر الجديدة وفيه انباء متواتره على القنوات انه دخل مصر الجديدة فعلاً يعنى بالكتير بالكتير بكره الضهر هنسمع ضرب نار حوالين القصر
هو ده تصرف العقلاء والحكماء ؟
وبيقولك عودو الى دياركم ...؟ معندهومش كاميرا ولا اى بنى ادم جوا التحرير وفى الشوارع تنقله وقع الخطاب على الناس قد ايه كارثى
الناس كانت خلاص بتحتفل وبتحلم ببكره
مهما وصفت مش هقدر اوصفلكم حجم الغضاب ومقدار الغليان اللى الناس فيه دولقتى وبالاخص ميدان التحرير والمناطق المحيطة بيه
حد فاهم بقول ايه؟؟