رد: صيانة اكسيل مانيوال 1500 cc
 

رد: صيانة اكسيل مانيوال 1500 cc
 

وائل باشا حبيب قلبى .. اخبارك ايه ...

بص يا كبير ..

موضوع النص عمرة ده زى ما قلتلك مينفعشى يبان غير ما وش السلندر و البساتم يتحل علشان يبان هل الوش مقفع ومحتاج وش خراطة ولا لأ ووكمان الشمايز و البساتن ..

وانا رأيى لو الوش او الشمايز او البساتم (وبالذات الشمايز والبساتم) محتاجة تروح مخرطة يبقى (من وجهة نظرى مع احترامى الشديد للكل) تستعوض ربنا فى الموتور ده وتشوف موتور استيراد نضيف وتاخده مع تجربة شهر ..

لانك لو خرطت الشمايز يبقى لازم الموتور هيخف معاك يعنى انسى انه يرجع فبريكة لان هيكون فى فراغ بين البساتم والشمايز هيضعف ضغط الحرق ...


اما لو الموتور محتاج شنابر بس بدون خراطة اى جزء يبقى اتوكل على الله وغيرها (وهات الاصلى طبعا بدون نقاش) والموتور هيرجع بحالة الزيرو باذن الله ..

الدخان الازرق الفاتح ده دليل على ان الزيت بيدخل على الحرق وبيتحرق معاه علشان كده بيطلع دخان وبينقص وده دليل على ان الشنابر محتاجة تتغير (وخصوصا شنابر الزيت اللى تحت)

تغيير الشنابر نظريا سهل جدا وبياخد حوالى 5 دقايق :fun_36_3_3[1]: ولكن عمليا صعب لانك بتفور الموتور كله علشان توصلها وغالبا هتاخد يومين و نص يوم تليين ....


ده خلاصة الحوار كله واعتقد اغلبية الاعضاء هيوافقونى علي الكلام ده ...


بالنسبة للمساعدين الاسعار الاكسيلاوية هيفيدوك اكتر منى فيها .. وتعرف انها بايظة لما تدوس على العربية فوق كل عجلة ولو قعدت تتمرجح كتير (مش ماسكة نفسها) يبقى المساعد محتاج تغيير فعلا (بس لو هى زايدة عن الحد يعنى) علشان متجهدش الياى ويضعف ...

وطمننا بالجديد يا نجم ...

رد: صيانة اكسيل مانيوال 1500 cc
 

ربنا يخليك يا حسام باشا
بما انك من بورسعيد ياترى عندك خلفيه الماتور بكام عندك بالفتيس ومن غيره يعمل كام وهل ممكن اجيبه انجيكشن ولا هيكون كربراتير افضل ؟
وفى عندى خشونه فى الفتيس (( زيته مليان والعفشجى حطله زيت من فوق وربط المسامير بتاعته وقالى هخفلك نقلاته شوية وعلالى نقطة فصل الدبرياج ولكنه قالى خلى الميكانيكي وهو بيعمر يغيرلك بلى الفتيس ومصمم ان تغييره افضل ))
متابعك يغالى

رد: صيانة اكسيل مانيوال 1500 cc
 

سعر الموتور هيكون فى حدود 2000 جنية تقريبا بدون فتيس وليك عليا لو هتسقط هنزل اسالك فى الشونة عن سعره بالظبط ...

بالنسبة للفتيس اعتقد ان الميكانيكى هو الى المفروض يشتغل فيه مش العفشجى ..

استشير ميكانيكى كويس هو موضوع الخشونة ده لان اسبابه كتير ...

هو انت غيرت زيت الفتيس ولا زودته بس ؟؟؟؟

رد: صيانة اكسيل مانيوال 1500 cc
 

كشفت عليه لقيته مليان
مزودتوش والعفشجي بيقولى كويس وخفته طبيعيه
انزله كله واحط زيت 140 ماركة فافينا ولا فى ماركه تانيه
وهل يوجد زيت خاص لتنعيم التروس
(( هو الفتيس بينقل لكن بحس بتكة الترس والعصايه ماشيه بين الحارات ))
بقولك لو لا قدر الله لقيت الشمايز والبساتم هتتخرط
ينفع اقول للميكانيكي رجع كل حاجه زى ما كانت لحد ما اسقط ماتور على بعضه ولا مش منطقيه و فى الحاله دى بياخد فلوس اد ايه ))
وحكاية اثبات ماتور جديد على الرخصه صعبه ومعقده ولا ايه ظروفها حيث انى ماشي بتوكيل ؟
متابعك باهتمام شديد
ربنا يباركلك يا حسام

رد: صيانة اكسيل مانيوال 1500 cc
 

أستاذ : وائل

فى حقيقة الأمر

أنا شايف فعلا

أنك محتاج ميكانيكى ( إبن حلال )

يعاين معاك السياره ويشوف آداء المحرك والفتيس

وممكن تقولنا قالك أيه ( بعد مايوريك ملاحظاته )

وتبقى أنت تنقل الصوره بناء عن ملاحظاته ومشاهدتك لصدق ملاحظاته

رد: صيانة اكسيل مانيوال 1500 cc
 

السلام عليكم
المقص ينفع طبعا تشترى واحد يمين او شمال كل على حدة ولو هتشترى اذا ملقيتش الأصلى يبقى الاستيراد افضل من واحد تقليد جديد لأنه التقليد هيكون اخف من الأصلى
المساعد المفروض لما تضغط على الرفرف مرة واتنين وتلاته وبعدين تسيب مرة واحدة يرجع تانى والعربية تتهز هزة واحد وتثبت او تثبت على طول

تغيير المساعد انا لا أفضل الإستيراد منه خصوصا ان الأصلى ( ماركة ماندو كورى ) موجود والأتنين الأمامين انا مغيرهم من شهر ونص من عند عادل وديع ب 300 جنيه يعنى الواحد ب 150 جنيه كمان عندك المونرو بحوالى 550 جنيه بس طبعا مش متوفرين فى المنصورة
المساعدين اللى ورا تقريبا ب 160 جنيه الاثنين معا
تغيير المساعدين انا افضل لما تغير تغير الأثنين معا لإن لا يصلح ان يكون فيه واحد اضعف من الآخر