مصر موتورز مجتمع السيارات - عضو جديد محتاج نصيحة

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - عضو جديد محتاج نصيحة (https://www.masrmotors.com/vb/showthread.php?t=37236)

رد: عضو جديد محتاج نصيحة

شكرا لاعضاء مصر موتورز المتحرمين لاثراء الموضوع بالافكار والردود وان شاء الله يكون موضوع مفيد لكثير من الناس اللي مقبله علي شراء سيارة وميزانيتها نفس ميزانيتي وتبئا ردودكم ونصيحتكم تفيد ناس كتيير وطبعا لكم ثواب لانكم عملتم ده لوجه الله واخلصتم النيه في النصيحة

شكرا للاخ محمد فيصل وسيف الدين سعيد ومحمد كامل ومهند سالم علي الرجوع للموضوع وابداء الرأي والنصيحة واتمني

رد: عضو جديد محتاج نصيحة

اقتباس:

المشاركة الأصلية كتبت بواسطة سيف الدين سعيد (المشاركة 264309)

أخى العزيز : مع كل احترامى واطيب تمنياتى ليك بالتوفيق انشاء الله .
حاقوللك عن تجربه خاصه مع A113 كانت عندى وكنت جايبها زيرو من أبو الفتوح . وحاقوللك مميزاتها وعيوبها بمنتها الصراحه .
العربيه حلوه جدا . موتورها قوى ماشاءالله وانا كنت باجيب على الصحراوى 140 مرتاحه . وكمان العربيه قعدتها مرتاحه وصالونها معقول جدا . اتزانها وثباتها على الطريق رائع حتى مع السرعات العاليه . وبتشيل وقت الحاجه اليها . وتعتبر فى رأيى الخاص انها احسن من باقى الماركات فى فئتها .
أما عيوب السياره فهى كالآتى : عفشتها جامده شويه فى الطبات . يعنى مش ناعمه ..
وكمان عيب تانى ودا انا عالجته مع التوكيل فى الصيانات . وهو ان فراملها الخلفيه دائما بتكون اضعف من الأماميه . وكان الحل انى طلبت منهم انهم يزودوا رجلاش المصاطر الخلفيه سنه . وفعلا من ساعتها اصبحت الأربع عجلات بيمسكوا جامد على الطريق .
وعلى فكره زى مانت بتقول : الوحش الصينى قادم قادم لا محاله . وحايكتسح كل الماركات الأخرى من طريقه .
خلاصة كلامى وآسف للإطاله ان الإسبيرانزا عربيه حلوه وتستحمل كويس . ورخيصه وعلى أد ايدك . وربنا يوفقك ويستر طريقك انشاء الله .

كلام جميل ومخالف لراي اغلب اعضاء مصر موتورز اللي ردوا علي موضوعي ولا تقريبا كلهم نصحوني بالابتعاد عن الصيني ولهم وجهة نظر مقنعة
وانا زي ما قلت ان لن استبعد ابدا العربيات الصيني عند الاختيار لكن اخد برده نصائح الاخوة الاعضاء ورائهم عن العربيات الصيني في الحسبان ويمكن يكون في اخيارات افضل تظهر من خلال الردود
ان شاء الله هاشتري العربية في بداية شهر 12 يعني امامي حوالي شهر ونصف حتي اتخذ القرار النهائي عن العربية اللي هاشتريها وطبعا قراري هايأخذ بالحسبان كل الردود والآراء المختلفة وزي ما قلت انا عاوز عربية تستترني خمس او ست سنين بمبلغ لا يتعدي خمسين الف جنية بعد الخمس او ست سنين اما هابيعها اما هاسيبها لاخويا الصغير وهو بئا يتعامل معاها
اهم شئ خلال خمس سنين تسترني يعني تكون اعطالها قليلة ومش كل شوية اروح اصلحها وتقرفني وتعملي صداع وتتحمل السفر 100 كلم يوميا

رد: عضو جديد محتاج نصيحة

اقولكم بصراحة دلوئتي بفكر في اسبرنزا 113 و جريب وول بيري و لادا سمارا 2115

عربيات 1300 سي سي ولادا 1600 عربيات في حدود الميزانية اللي المتوفرة معايا 50 الف جنية وعربيات بتاعت سفر ومع الاهتمام بيها مش هاتقرفني ان شاء الله

ارجو النصيحة وهل يوجد عربية اخري ترشحوها لي مع مراعاة امكانياتي ومتطلباتي
يعني لادا ديت مكنتش غي اختياراتي لكن من رد احد الاعضاء بدات ابحث في لادا علي موقع كونتكت كار عجبتني لادا 2115 واضفتها كاحد الاختيارات المتاحة والمقبوله لو ان انتم قلتم ان قطع غيارها مش متوفرة او غالية عشان مش منتشرة

رد: عضو جديد محتاج نصيحة

اقتباس:

المشاركة الأصلية كتبت بواسطة مهند سالم (المشاركة 264408)

مفيش خلاف بين وكلامي وكلامك:
أنا عارف طبعا إن إلا بينزل السوق الأوربي وغيره من الأسواق المتقدمة من أي عربية حتى ولو مرسيدس بيختلف عن إلا بينزل للأسواق التعبانة، طبعا لأن المواصفات بتختلف وعوامل السلامة والأمان والإمكانيات، يعني عندك السوق الأوربي له مقاييس للجودة والسلامة لو الشركة لم تراعها فلن تدخل سيارة واحدة.
لكن أنا أقصد إن برده هذه الشركات ، حتى الكوري والماليزي منها له خط أحمر لا يتعداه حتى ولو كان بيعمل منتج للأسواق التعبانة بتاعتنا إلا ما بيفرقش معاها عوامل السلامة والجودة، أما الصيني فعنده استعداد يعملك عربية من أردأ أنواع الخامات طالما حضرتك ما عندكش مشكلة تشتري. فالعيب على المستورد إلا خلا الدول الصناعية تعامله على قد عقله، طالما الجشع وعدم احترام المستهلك هو السائد. وشكرا ليك

بالظبط يا أستاذ مهند . بس مانقدرش نقول ان كل الصينى وحش . انا بعت الإسبيرانزا وكانت صينى طبعا وبرضو حاشترى عربيه تانيه صينى برضو . اسمها جاك B15 لو كنت تسمع عنها . وما أقوللكش عليها بأه حكاااايه من حيث الجوده والشكل والتقفيل والأوبشن والسعر كمان .. مالهاش حل ..
وانا شايف ان الصين حاليا هزت الأرض وزلزلتها تحت أقدام عمالقة الصناعه العتاوله زى أمريكا والإتحاد الأوروبى .

رد: عضو جديد محتاج نصيحة

اقتباس:

المشاركة الأصلية كتبت بواسطة allam87 (المشاركة 264656)

حانرجع نأكد عليك ( خليك فى الشائع ) عشان توافر قطع غياره . وخدمته ....

رد: عضو جديد محتاج نصيحة

بس انا عندى نصيحة للأستاذ الى هيشترى عربيه وهو كما قال حديث العهد بلسيارات -- وبما انه كذلك --- فيجب عليه اذا اختار السياره اللادا ان يأخذ فرقه فى سواقة الدبابات --- وطبعا الساقوها عرفين ليه -- لادا !!!!!!!!!!!!!! حرام عليكو

رد: عضو جديد محتاج نصيحة

أخى الفاضل، حضرتك بتطلب سيارة للسير بها يوميا حوالى 100 كم وترغب أن تكون السيارة فى حالة جيدة بدون اصلاحات جوهرية لمدة 6 سنوات، تعال نحسب بعد 6 سنوات، ستكون قطعت حوالى 220 الف كم ده فى حالة القيادة نفس المسافة يوميا، ولكن لنفترض أنك ستستريح 20% من تلك الأيام يعنى ستقود السيارة أكثر من 175 ألف كم فى خلال 6 سنوات.
هل السيارة اللادا قادرة على ذلك بدون صيانة جوهرية للمحرك؟ أعنى عمل عمرة أو طقم شنبر؟
لقد شاهدت سيارات لادا كثيرة لم تتعد حاجز الـ 100 ألف الا وطلبت طقم شنبر.
وهناك نقطة آخرى، ليس سعة المحرك هى الدليل على قدرة السيارة على السير بدون أى صيانات جوهرية أو الدخول فى عمرة محرك، فمثال لذلك السيارة دايهاتسو شاريد، يمكن للمحرك أن يصمد حتى 400 ألف كم قبل الدخول فى أول عمرة، والمرسيدس موديلات الثمانينات كانت تصمد لأكثر من 450 ألف كم قبل أول عمرة.
لذلك يجب أن تضع تلك النقطة فى الحسبان، أنا لاأطلب منك شراء سيارة يابانية أو ألمانية ولكن معرفة هل السيارة التى ترشحها بالسعر ده يمكنها الصمود لمدة 6 سنوات؟ وللعلم أن مسافة 200 ألف كم فى السيارات الحديثة تعتبر لاشئ ولكن للأسف هناك سيارات ليس لها تلك المعاير.
فرجاء من الأخوة الأفاضل عند ترشيح سيارة لك يكون لديهم العلم بذلك من خلال تجربة سابقة أو من خلال معلومات أكيدة، من صديق مثلا ولدية سيارة ماروتى على سبيل المثال وقطع بها مسافة أكثر من 170 ألف كم بدون اصلاحات جوهرية للمحرك.