رد: حكايتي مع الأفيو "وسوء التصنيع"
 

معلش مش انتا الوحدك

اعرف ناس
اتبهدلو من الاوبترا والافيو

وخصوصا الدريكسيون والعفشة
شعر راسهم وقف منهمه

هي دي مصيبة التقفيل المصري

رد: حكايتي مع الأفيو "وسوء التصنيع"
 

أنا كمان ماننيوال كاملة بس نازل فيها لمبة بنزين وهرحلهم ٥ يوم العيد لإني مش فاضي قبل كده خالص

رد: حكايتي مع الأفيو "وسوء التصنيع"
 

راحت التوكيل النهارده لكن جهاز ضبط الزويا بره الخدمه لحد الإسبوع الجي وبيقولولي مفيش خبطة تحت المتور أنا نفسي إزاي بيحكموا على العربة من تجربه ١٥ دقيقة بالكتير وكمان مش في تراك مخصوص يبين العيوب الي في العربيه
وصباح المعاملة الزباله تقوله بس هيا خبطت معايا يقلك إحنا ملناش دعوه الي نشوفه بعينه نصلحوه لكن تقول حاجه وإحنا مشفنهاش مش هندور العيب فين!!!
وكمان حكاية إستهلاك البنزين تفضى يوم عشان تطلع مع المهندس تعملوا بيها ١٠٠كم ونشوف الإستهلاك نفسي أعرف أنا جايب العربية عشان أعدلهم كل إسبوع يوم كامل في التوكيل

رد: حكايتي مع الأفيو "وسوء التصنيع"
 

مش عارف اقولك ايه بصراحه .... بس رأيي لو عندك امتحانات اليومين دول ... مشي نفسك بالعربيه
واول ما تخلص امتحانات روح و معاك حد كبير .... والدك ... عمك .... خالك .... رجل كبير في السن .... بس يكون خبره في التعامل مع الناس
على فكره انا كنت بعمل كدا و مش عيب لأن والدي طبعا خبره عني و كنت متخرج من الجامعه .. بس كان هو بيعرف يروح لمين و يتكلم في الصميم و اتعلمت منه ....
كمان الشعر الابيض بيجبر الناس يتعاملو احسن .... خصوصا لو حسوا انه فاهم حقوقه كويس وبيعاملهم باللتي هي احسن .... و الا !!!!!
بصراحه عمر ما شفت والدي وصل للشد او الخناق لكن كان بيقرا الناس بسرعه و يعرف يتعامل معاهم و يعرف ياخد حقه ازاي .....
يا اما .... اصبر شويه .... و لما تفضى روحلهم قتيل ....وادخل شمال (بس بأدب) علشان محدش يقلب الموضوع حاجه تانيه.... و ممكن تاخد معاك واحد صاحبك او قريبك من سنك .....
وشوف الزملا في المنتدى رأيهم ايه
وربنا يصبرك ... بس ركز في امتحاناتك دلوقتي

رد: حكايتي مع الأفيو "وسوء التصنيع"
 

انت لازم تكمل مع التوكيل وماتلعبش في السياره بره التوكيل واقوللك على حاجه
انا ليا مهندس استقبال صاحبي في احدى فروع منصور شيفروليه
لو مش عارف تعمل حاجه كلمني
وانا اظبط يوم ياسيدي واسيب كل اللي ورايا واااااجي معاك
تمام يابرنس
خد الايميل ده وكلمني عليه
ahmad_tweety010@yahoo.com

رد: حكايتي مع الأفيو "وسوء التصنيع"
 

أنا خالي هوه الي ماسك الموضوع من الأولهما في التوكيل ميعرفوش إنها بتعتي أصلا ومكتوبه بإس أمي
وخالي دخل للمدير الإقليمي وهو ال طلب نديلهم العربيه كام يوم يشوفو فيها أيه وأنا وخالي رايحين للمدير الإقليمي نشوفهم عملوا في العربيه إيه والراجل بصراحه كان ذوق ومحترم جدا ووعدنا إنه هيخلص الموضوع ده طبعا بعد ما خالي هزأ مدير العملاء عشان قل أدبوا مع خالي وقل أدبه كمان معيا بس أنا سكت لإن الي حصل هيتبلغ للمدير الإقليمي

رد: حكايتي مع الأفيو "وسوء التصنيع"
 

فله شمعه منوره .... كده انت على التراك .... هي دي فرصتك علشان تاخد حقك تمام
قابلو الراجل و قولو كل اللي حصل و كل العيوب اللي في العربيه ( ولعلمك هو حيكون عارف العيوب اكتر منك )
بس برضو لازم تقولهم 1 - 2- 3 ... و انك عايز 1 -2 -3 ...والعربيه في الضمان مفيش حاجه اسمها اصل دا مش موجود او دا عطلان
يبقى يدولك عربيه بدالها و العربيه تفضل عندهم لحد ما يخلصو كل اللي فيها.... ( انا مش مروح العربيه من عندكم الا لما كل اللي فيها يتعمل حتى لو كان مسمار )

ولو الدنيا زنقت قول انك كنت حتعمل شكوى لجهاز حمايه المستهلك او كنت حتبعت لصحفي تعرفه في اي ملحق لاي جريده بس عرفت ان المشاكل دي متكرره في كذا عربيه و قلت تستنى تشوف هما حيعملو ايه الاول علشان تبقى اديتهم الفرصه كامله...