مصر موتورز مجتمع السيارات - لأول مرة فى مصر : خليها تصدى وموديلها يعدى .. حملة تخفيض اسعار السيارات

مصر موتورز مجتمع السيارات (https://www.masrmotors.com/vb/index.php)

- موضوعات متميزة (https://www.masrmotors.com/vb/forumdisplay.php?f=122)

رد: لأول مرة فى مصر : خليها تصدى وموديلها يعدى .. حملة تخفيض اسعار السيارات

موضوع جميل
بس انا اشتريت خلاص بس اوعدكم انى احاول انشر الفكره معاكم ما هو حتى لو سعر عربيتى اللى اشتريتها نزل ما انا لما اغيرها بعد كده ها ادفع فرق اقل ممكن اجي واحده تانيه لمراتى مثلا تبقى ارخص لو نزل سعرها صيانتها وقطع غيرها ها تنزل بالتبعيه

خليها تصدى وموديلها يعدى

بالتوفيق ان شاء الله

رد: لأول مرة فى مصر : خليها تصدى وموديلها يعدى .. حملة تخفيض اسعار السيارات

أيا كان المسئول,
فان اسعار السيارات فى مصر مبالغ فيها,
من المهازل و المضحكات المبكيات أن السيارة عمرها الافتراضى (كما يقدره صناع السيارات انفسهم) هو 6 سنين او 100 الف كيلو!
بعد ذلك تتحول الى سيارة قديمة لا يمكن توقع اعطالها و لا تصبح أمنة.
و لكن رغم ذلك فهناك انظمة للتقسيط فى مصر تمتد الى 5 سنوات! سلعة عمرها 6 سنوات بنقسطها على 5 سنوات و ساعات بتوصل ل6 و 7 سنوات.
السيارة بطبيعتها سلعة غير معمرة, بل هى اقصر عمرا من الثلاجة و الغسالة و حتى التليفون المحمول و الحاسوب, لأنها تتعرض لعوامل البرى و التأكل و الصدمات بشكل كبير.
فكيف نشترى سلعة غير معمرة بثمن شقة 3 اوض فى منطقة متوسطة!

رد: لأول مرة فى مصر : خليها تصدى وموديلها يعدى .. حملة تخفيض اسعار السيارات

اقتباس:

المشاركة الأصلية كتبت بواسطة mahmfakl_2000 (المشاركة 225764)

ياريت
هذا موضوع جمبل جدا
وياربت تكون على كل شئ يرفعو سعره
كل شئ
مش السيارات بس

ولاكن دى ثقافه شعب الحاجه اللى تغلا يجرو عليها واحب ان افكركم بموضوع حديد التسليح
ولا نسيتم
والله انا اعرف ناس اشترت الحديد بسعر 8000جنيه ولسه مرمى فى الشارع لحد دلوقتى

على البركة كسبنا عضو جديد فى الحملة بتاعنا

اقتباس:

المشاركة الأصلية كتبت بواسطة wael_khaled (المشاركة 225778)

معاك حق هتنزل الاسعار ادى العربية دى لزوجة حضرتك او على الاقل هتجيب لها واحدة بسعر حلو اوى والاهم نشر الفكرة

اقتباس:

المشاركة الأصلية كتبت بواسطة فادى (المشاركة 225782)

الضمان يختلف عن العمر الافتراضى للسيارة

فى سيارات بقالها اقل من سنة وبتخرب من سوء الاستعمال

وفى سيارات موديلات التسعينات ماشاء الله عليها

رد: لأول مرة فى مصر : خليها تصدى وموديلها يعدى .. حملة تخفيض اسعار السيارات

السلام عليكم و رحمة الله و بركاته

و كل عام و أنتم بخير بمناسبة شهر رمضان الكريم , أعاده الله عليكم بالخير و اليمن و البركات

أنا شايف أن دى هتكون ضربة معلم بصحيح , أنها ممكن فعلا تخلى بتوع التوكيلات ينزلوا الأسعار و يعملوا عروض بيع أفضل بالتقسيط لمدد أطول و من غير فوايد بدل الاستعباط اللى هما بيعملوه ده .

بس المشكلة , أننا كشعب مصرى للأسف , كتير مننا بيحب الفشخرة , يعنى تلاقى الحملة دى لو اتعملت , تلاقيلك واحد قام منتهز الفرصة و رايح جايب عربية زيرو من التوكيل عشان يبقى مميز فى الشارع و يفضل مدة ماشى بيها بأكياس و لزق البودى بتاع المصنع و من غير نمر أو بنمر تجارية كمان , عشان كده يبقى الوحيد اللى متأكد و الناس متأكدة أنه هو راكب زيرو و أن العربية اللى معاه ماحدش حط رجله فيها قبله .

أنا شايف أن اللى عاوز يشترى زيرو , ماشى, بس يا اما يحرص أنه يجيب العربية بتاعته من بره مصر و فى الحالة دى أكيد هتيجى أحسن و مواصفاتها أحسن من اللى فى التوكيلات المصرية و كمان هيكون متأكد أنها ماتلعبش فيها قبل ماتتباع و لا اتخبطت و اترش منها رفرف ولا باب و هى لسه زيرو و يبيعوهاله على أنها فابريكة زى مابيحصل كتير هنا فى مصر و لا اتشال منها كماليات زى مابيحصل برضه فى مصر .

أو , أنه يشترى عربية كسر زيرو و على فكرة , اللى بيشترى عربية كسر زيرو ده مش زى اللى بيتجوز واحدة كانت متجوزة قبل كده و لا حاجة , ده عبارة عن شخص ناااااااااااااااصح جدا و فااااااااااااااهم جدا و بياخد عربية نفس موديل السنة و بيستفيد بكل حاجة فى العربية لأنها فعلا بتكون بحالة الزيرو و بيوفر فرق فلوس كبيييييير جدا و ده اللى بيحصل فى الدول المتقدمة زى مابيحصل هنا فى كندا , الناس هنا بتثق تماما فى حاجة اسمها Certified preowned cars , اللى هى بنقول عليها هنا كسر الزيرو و بتبقى لسه فى الضمان و بعدين الفيصل بين البايع و المشترى هو الفحص فى التوكيل, عشان نحرق دمهم زيادةwhat , يعنى نشترى من برة و نفحص عندهم و نمشى , يعنى يدوب يشتغلوا خدمات بس من غير مبيعات و اللى يلاقى العربية اللى هيشتريها سليمة يتوكل على الله و بشترى .

أنا بالنسبة لللى بيشترى أصلا مستعمل فده معندهوش مشكلة , هو كده كده بيشترى مستعمل .

شكرا و آسف للاطالة.

مرسيدس اس 550

رد: لأول مرة فى مصر : خليها تصدى وموديلها يعدى .. حملة تخفيض اسعار السيارات

أنا قررت أني أأجل قرارا الشراء لحد ماأنزل مصر أجازه شهر 2 اللي جاي إن شاء الله .....

رد: لأول مرة فى مصر : خليها تصدى وموديلها يعدى .. حملة تخفيض اسعار السيارات

يييييييييييييييييييييارب
انا معاكم يارجالة

رد: لأول مرة فى مصر : خليها تصدى وموديلها يعدى .. حملة تخفيض اسعار السيارات

انا بقى عايز اقول لحضرتك على حاجة انا طالب في سنة 3 كلية هندسة وبومشواري رايح 11 كيلو وجي 11 زيهم قول يعني في اليوم 25 كيلو عشان نكون وقيعين طبعا بصرف مصروف تاني على المواصلات ده اذا كانو موجودين من اساوا ده غير البهدلة فقررت اشترى نفسي واشترى دماغي واشترى عربية زيرو طبعا بحكم اني كنت عايش برة مصر :D مع العلم انا برة مصر كنت راحكب شيفروليه ابيكا 2007 زيرو بـ 38 الف ريال قولت ياض ابتدي شوف العربيات الزيرو ايه الكلام معيا 25 وقولت ها ابقى اقسط الباقي مبدئيا كده فتح كلام انتا متخيل انو ااقل عربية عشان تقدر تقول انك راكب عربية مش عجلة هيا الصيني A113 اللي بـ 50 والبيكنتوا لو قولت انو ها اركب اوتوماتيك ها اركب عربية مفيش فيها اييييييييييييييي حاجة خالص بـ 68 بعد القسط طبعا السعر ده ها يوصل لـ 70 بالمييييييييييت قوي كلو قالي خليك في لاـ 128 والسيات وعربيات ببلاش قولت ها اجيب عربية ببلاش ها ابات بيها عند الميكانيكي ولك ان تتخيل كم الإحباط اللي انا حاسس بيه 50 الف جنيه مش عارف اجيب بيهم عربية تقدر تقول انها فعلا تستاهل ويا سلام لو اشريتها وانا وانت طلاب بقة وطلع فيها مصيبة ولا عيب ادي ...... تاني فربنا يستر ونفسي حد لحد دلوقتي يفهمني ايه فائدة الجمرك غير الإتاوة علينا يعني ده المفروض برة بـ الـ 50 دول والله يا جماعة اركب بيهم تويوتا ولا ميتسوبيشي !!!!!!!!!!!!!!!!! حرامممممممممممممم