مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- صنى SUNNY (https://www.masrmotors.com/vb/forumdisplay.php?f=205)

- - EX Saloon OR Super Saloon (https://www.masrmotors.com/vb/showthread.php?t=30436)

رد: EX Saloon OR Super Saloon

اقتباس:

المشاركة الأصلية كتبت بواسطة msi_msi2002 (المشاركة 385918)

شوف انا قلت مفيش غير هيفدنى ويجبلى من الأخر
يا أهلا وسهلا يا سيدنا بيك,
أولا أحب أوضح إنك بتتكلم على عربية ياباني بـ 91500 تقريبا أو على الأقل زي ما أنا ما إشتريت العربية دي 1600 118 حصان.

انا عايز اشترى العربيه دى اتوماتيك فول اوبشن ex وعايز اعرف منك شويه حاجات ياريت متبخلش علينا بيه
- هل المكيف باللمس ولا عادى لا للأسف عادي وعادي جدا كمان بكر ياعني.
- هل الكاسيت فيه سى دى أيوة سيدي بس أوديو مش إم بي ثري
- هل فى شنطه بين الكرسيين لو قصدك على المسند بين الكرسيين الأماميين لأ مافيش للأسف ودرج قدام فوق الكاسيت مظبووووط ومفيد قوي بصراحة
- هل الكراسى الى ورى بتتفتح على الشنطه يعنى تقفلها لتحت أنا شخصيا ماجربتش ولا مرة بس أنا ما أفتكرشي إنها موجودة فيها لأني أصلا إهتمامي الأول والأخير بالكرسي الأمامي بس عموما هيا الشنطة بحر بمعنى الكلمة واااااسعة وسع السنين مش محتاجة أي كرسي يتني لقدام ولا لورى.
- هل فى مسند للكرسى الخلفى بأماكن للأكواب تمااااااااام كدة
- هل فى لمبات ومخرن فوق خالص جنب المرايا الخلفيه جوه للأسف لأ دا موجود بس في السوبر صالون وشكله تحفة بصراحة.
- أخيرا استهلاك البنزين كام فى الصفيحه للأسف ما كنتش مركز أحسب أنا أصلي كنت فرحان قوي بالعربية وكانت كمان الأجازة صغيرة فا معرفتش أركز قوي في التفاصيل.

واوعى تبخل علينا

لا لا لا يمكن كلنا هنا بنفيد بعض ومرة تانية أهلا بيك يا باشا معانا منور المنتدى كله.:playing_music:

رد: EX Saloon OR Super Saloon

جزاك الله خير
ولكن ممكن نطلب منك طلب تصورلنا السياره من الداخل

وتكسب فينا ثواب

رد: EX Saloon OR Super Saloon

اقتباس:

المشاركة الأصلية كتبت بواسطة msi_msi2002 (المشاركة 387523)

جزاك الله خير
ولكن ممكن نطلب منك طلب تصورلنا السياره من الداخل

وتكسب فينا ثواب

الله يكرمك وجزانا وجازكم كل خير إنشاء الله.
بس أنا عندي مشكلة صغيرة جدا إني أنا مسافر طول السنة وبرجع يادوبك في أجازة شهر واحد وللأسف أنا حاليا برة البلد علشان كدة بس مش هعرف أصور العربية دلوقتي بس ممكن كمان شهرين تلاتة وأنا كنت ناوي أعمل كدة فعلا ومش بس كدة أنا كنت ناوي أعمل تقرير كاااامل عن حالة العربية بعد ال 5000 كيلوا لأنها بما إنها مابتتركبشي طول السنة فا للأسف لسة ماعملتش صيانة ال 5000 كيلو.

رد: EX Saloon OR Super Saloon

تصدق نادرا ما تلاقى شخص محترم
جزاك الله خير

فى الحقيقه انا مستغرب من شىء ان كاتبين ان فى مسند ذراع امامى مع مكان للتخزين اساسى فى الصنى سواء عادى او سوبر صالون

اما فى حكاية الشنطه ميزتها لو بتتفتح ان لو معاك حاجه طويله

هقلك باختصار انا اصلا فى السعودية ومعايا نيسان التيما وطبعا ما شاء الله فيها كل الى بحلم بيه
وكنت اتمنى على الأقل الحاجات الأساسيه اجدها بالصنى

طبعا انا عايز اقلك انا حطيت فى الألتيما 3 سجاجيد 3*2 بطولهم ومشمع ادهم ده غير الحاجات التانيه فى الشنطه
وكنت منزل الكرسى
ومش هتصدق واللهى مره حطيت مكتبه كبيره متفككه بالظهر وطربيزتين خشب كبار وعربيه اطفال كهربه لعبه وصندوق كبير وعجله اطفال وحاجات تانيه
كنت مالى الشنطه والكرسى الى وره وانا فتحهم على بعض
ماشاء الله فدى ميزه الفتح على بعض

بالنسبه للبنزين مستغرب اوى واحد يقلك متحطش غير 92 وماتورها كبير والى اخره
وكل ده كلام فاضى جدا
انا الألتيما الى معايا 2500 سى سى وبحطلها 90
وللعلم فى الكتالوج قايلين تحت ال 2500 استخدم 90 وفوقه استخدم 95
ومحدش يقلى بسافر اكتر منى
انا مثلا بروح واجى مكه 1300 كيلو رايح و زيهم جى من الدمام وما شاء الله

اتمنى تكون الصنى زيها على الأقل لأن ماتور النيسان واخد احسن ماتور فى العالم لأكتر من سنتين
ورى بعض وانه يقدر يشتغل 48 ساعه بدون راحه

المهم اخيرا انا من اسكندريه - ونازل نهائى - فحد يقدر يقلى اماكن بيع السيارات فى اسكندريه

رد: EX Saloon OR Super Saloon

انا معايا ال اي اكس صالون 2011 وثابته جدااااااااااا في السفر ومريحه جدا جدا وتحس بجد انك راكب ياباني انا ركبت اللانسر وركبت بتاعتي وبقولك مفيش فرق الياباني ياباني مهما اتجمع فين واللانسر اساسا مبتتجمعش في اليابان
ممكن السوبر صالون تكون مريحه اكتر بالاضافه لشغل الابانوس والمرايات الضم طبعا دي رفاهيه زياده لازم تكون اغلى شوية

رد: EX Saloon OR Super Saloon

مع احترامى الفرق يستاهل السوبر صالون افضل وخاصة العفشة الرياضية
تناسب شوارع مصر والثبات فى السرعات ده امان يقدر بمال كثير .
تحيات ادم

رد: EX Saloon OR Super Saloon

اقتباس:

المشاركة الأصلية كتبت بواسطة dr_eslam_66 (المشاركة 224804)

GIFT4U
بعد السلام والتحية
أحب أعتذر لكل الناس الحلوة الي شرفتني بردها وأعزتني بإهتمامها بس لظروف سفر وكلام من ده مش بئيدي والله وعلش ياجماعة
الأهم بقى كمان أشكر كل الناس الي ردت على سؤالي وميرسي كتير قوي ومتأسف على التعب الي كلفتهولكم
بس أنا خلااااص الحمد لله إستقريت على نقطة جميلة قوي وهيا إني أصلا تمن الإي إكس أنا موفره بالعافية وبالكوتة ياعني الموضوع مش محتاج سؤال قولت أتوكل على الله وأشتري الإي إكس صالون أوتوماتك فول أوبشن مع إي بي إس والحمد لله جيبتها من سمير ريان وبعد فصال ومقاوحة كتير قوي عرفت آخدها بـ 90500 ياعني نزلي 1000 جنيه كتر ألف خيره مع إني كنت متوقع أكتر من كدة وخاصتا إني كنت جاهز ومكيش وفي ساعتها ANAA7TG
المهم جيبتها نبيتي وكان اللون متوفر الحمد لله.
العربية ماتفرقش في الأساسيات عن السوبر صالون غير بس في حكاية العفشة دي بس أهو بقى ماباليد حيلة وغير بقى حكاية الجنوط والمرايات والأبانوس والكونسول الي في السقف المهم الحمد لله.
من تجربتي بقى للعربية وماحدش يقولي مستعجل أو حاجة أنا إستلمت العربية من إسبوعين حاليا عاملة 3000 كيلو وشوية ياعني عايز اقولككوا إني كان ناقص أنام فيها كمان GIFT4U
العربية بوجه عام جميييييييلة جدا وأرضت غروري والحمد لله فعلا أنا فرحان بإختياري جدا للنيسان صني
حكاية العيوب الي كنت بسمع بيها دي عن عيوب تقفيل صوت هوا بعد ماتقفل القزاز الكلام ده أنا مالاحظتوش قوي مع إني عملت بيها سفريات كتييير قوي وكنت ماشي كمان فوق ال 170 لا بالنسبة للحاجات دي أنا مالاحظتهاش خالص يمكن علشان الكركوبة الي كنت راكبها قبليها ولا حاجة.
نجي بقى نتكلم في نقط محددة أحب أناقشها معاكوا
أولا تانك البنزين مايعديش الأربعين ليتر.
إستهلاك عالي قوي للبنزين بس نقول هديت شوية بعد أول ألف وكمان أنا ماأعرفش أمشي من غير التكييف.
الشنطة واسعة قوي بسم الله ماشاء الله.
الكرسي مش عاجبني وناشف شوية وحليته بشوية إضافات خفيفة كدة والحمد لله.
الماتور باخد نلاتة ليتر زيت بس مش عارف إزاي ياعني.
على فكرة بقى أنا مش واثق خالص في كلام التوكيل على حكاية إني الماتور ده 118 حصان أنا مش عارف ليه بس أنا ما أديش الماتور ده أبدا فوق ال 100 حصان ولا نقول يمكن علشان العربية تقيلة ولا حاجة مش عارفwhat
كمان ماعجبتنيش أبدا أبدا في السحب ياعني مابتشرفنيش في حكاية الكيك داون أو أوفر درايف دي آه ماشي أول ما بشغل الأوفر درايف آه بتجري بس كمان بحسها بتعمل مجهود جامد قوي وبتزعق جدا علشان تديني السحبة دي ياعني بمعنى أصح قولت ياد حرام تبهدلها كدة طيب خليها على الأقل لما تقفل معاك السنة.
نفهم من كدة إني صوت الماتور عالي شويتين.
تكييفها معقول قوي مش وحش.
هيا آه مابتسحبش بسرعة غير لما تكون بقى مستبيع ومشغل الأوفر درايف ومظبط دواسة البنزين بقى وكدة بس لما بتاخد وقتها بتجري بصراحة مابتقولش لأ.
عجبتني قوي بقى لما كنت راجع من إسكندرية كانت واخدة حمولتها كاملة وغير الشنط الي في الشنطة كانت جباااارة آه خنقتني شوية في حكاية السحب بس عجبتني قوي في الإتزان تقيلة وراااااسية ياعني يامعلم غرز براحتك على 170 و 160 وإنتا مطمن لا عرضت ولا عومت ولا حتى إترجت ومن ساعة المشوار ده وهيا داخلة دماغي قوي قوي.
الفرامل حلوة بردو مالاحظتش عليها حاجة.
كان فيه تزييقة كدة في اإزاز الخلفي وزيتها في التوكيل في صيانة الألف الي عملتها بعد تلات تيام بالظبط وراحت خالص بس رجعت تاني بعد ماغسلت العربية أو بعد الصيانة بحوالي إسبوع مش عارف ليه بقى بس أبقى أشوفها تاني الصيانة الجاية عليكم خير.
الولاعة باظت مش عارف ليه بس الشاحن شغال والكلام ده كله ياعني أبقى اشوف الحكاية دي مع الصيانة الي جاية إنشاء الله.
حاولت على قد ما أقدر أشوفها بعد ال 180 ماعرفتش إطلاقا ماعرفتش أوصلها تماما مش عارف بقى هل فعلا الطريق الي ماكنشي مديني الفرصة ولا الماتور فعلا كسلان معلش بردو أعذروني ما أنا ياعيني ماكنتش شوفت حاجة قبل كدة فوق 140 مع المظلومة الي كانت قبليها بس أنا فعلا حاولت جدا كمان ومافيش ماجابتشي معايا خالص فوق كدة مش عارف دا بقى ممكن يكون مني بردو مش عايزين نبقى متحيزين.
طيب دلوقتي بقى سؤال فني ومعلش طولوا بالكو ماعايا دلوقتي شوية صغيرين دلوقتي أنا لما لمبة الأوفر درايف اوف تنور في العداد ياعني أنا مشغله وعايز أسحب ولو لمدة محددة فوق سرعتي بسيكة أعدي حد أو آخد غرزة وأرجع أطفيه تاني يبقى انا كدة ما إفترتش مش كدة بردو مش إنتوا معايا طيب دلوقتي أنا كنت ماشي حوالي 165 أو فوق ال 160 عموما وكان فيه واحد معاه كامري ياعني كنا بنزاول بعض كدة في الطريق وحاولت أجمع بسرعة كدة آكل غرزة وكانت واسعة والله لا مزنوقة ولا حاجة والتكييف شغال والدنيا تمام أهو قومت شغلت الأوفر درايف إيه الي يحصل بقى بامعلمين أبص ألاقي صوت الماتور علي قوي قوي قوي والتكييف فصل وطلع هوا سخن ياعني إشتغل مروحة بس طبعا أنا قلبي وجعني على عربيتي قومت قولت الطيب أحسن وعدي يا عم الأمور أنا مش قدك ولما كنت جنب التوكيل قولت أعدي أسأل إيه الي حصل لاقيت الباشمهندسة بتقولي طبعا إنتا أصلا لما بتشغل الأوفر درايف بتقف على الغيار الرابع بس ياعني ماينفعش على السرعات العالية دي قولت يمكن بس هل الكلام ده بقى صحيح فعلا ولا إييييه؟؟؟؟؟؟؟ايه ياترى
بصوا بقى للملخص المهم والعام أو الي أنا حسيته من معاملتي معاها الفترة الصغيرة دي العربية دي جامدة قوي قوي وجميلة جدا لرب أسرة وعايز عربية يقنيها مدة من الزمن.
لشااااااااب ماتنفعش إطلاااااااقا إطلااااااااقاااااا دا رأي الشخصي.
الماتور كسلااان قوي مش عارف ليه كدة يمكن علشان أوتوماتك مثلا؟؟؟ايه ياترى
نجي بقى لموضوع التوكيل بقى أنا ماعملتش غير صيانة الألف وعملتها في السبع الي في زهراء لمعادي علشان جنب البيت معقول جدا منظم فنيا كمان معقول مافيش أي ملاحظات خالص إتصلوا بيا كمان بعد الصيانة بيطمنوا والدنيا زي الفل أهو.
نكمل كلام بعدين بقى علشان أنا ورايا بس شوية شغل دلوقتيPOLICEE
4BY4

الاوف دريف انت بتشغله فقط ع المنحدرات بس وهو غالبا محدش بيشغله وبعدين الصني ف السحب مش جامده وده ف كل الياباني بس بعد 120 اتفرج عليها