مصر موتورز مجتمع السيارات - كل ما يخص الشهر العقارى

مصر موتورز مجتمع السيارات (https://www.masrmotors.com/vb/index.php)

- الشهر العقارى (https://www.masrmotors.com/vb/forumdisplay.php?f=219)

- - كل ما يخص الشهر العقارى (https://www.masrmotors.com/vb/showthread.php?t=25323)

رد: كل ما يخص الشهر العقارى

اقتباس:

هههههههههههههههههههه حضرتك برده مش فاهمنى العباره دى مبتتكتبش فى التوكيل دى بتتكتب فى الدفتر اثناء التوقيع .
يا استاذى دا مش توكيل من توكيل ذى ما انت متخيل .

اكيد بتهزر يعنى ينزل الصفة فى الدفتر وميكتبهاش فى عقد البيع

اخى توكيلات الادارة وتوكيلات المقضايا العامة والخاصة وتوكيلات البنوك لها تعليمات خاصة بها

اما توكيلات البيع للنفس او للغير لها اجراءات وخطورة مختلفة

يعنى انا اقدر الغى توكيل الادارة او القضايا بمفردى
اما التوكيل بالبيع للنفس او للغير لا يمكن الغاءة الا بوجود الطرفين
يارب توصل لحضرتك

اخى معلومة لك لا يمكن عمل توكيلات البيع بالشيارات او عقود البيع الا بالصفات سواء فيها او فى الدفتر

رد: كل ما يخص الشهر العقارى

انا اشتريت عربية هيونداى اتوس 2009 والرخصة عليها حظر بيع والراجل سدد ثمنها بالكامل للبنك والجواب بتاع رفع الحظر راح المرور والرخصة لسه سارية فاضلها شهر
ايه المفروض انى اعمله بعد كده علما بأنى معايا توكيل بيع لنفسه وللغير
والاهم ..... هل لابد انى اسجلها فى الشهر العقارى علشان انقلها باسمى ولا فى المرور على طول كأنها زيرو وايه المستندات المطلوبة بالنسبة للشهر العقارى بالتفصيل علما بأنى معايا شهادة براءة ذمة هل لابد كمان اجيب شهادة بيانات من المرور ولا مش لا زم
وياريت اعرف رسوم تسجيلها كام بالظبط فى الشهر العقارى ....جزاكم الله خيرا

رد: كل ما يخص الشهر العقارى

حد يرد عليا يا اخوة ارجوكم انا محتار جدا ومش عارف اناااام

رد: كل ما يخص الشهر العقارى

اقتباس:

هتروح المرور تجيب شهادة بيانات موجهه للشهر العقارى يكون مرفوع منها الحذر بالجواب اللى معاك بالتوكيل اللى معاك
ثم تذهب للشهر العقارى علشان تسجل

ببطاقتك + شهادة اليانات وتشوف السيارة محلى ولا مستورد علشان بتفرق فى الرسوم + التوكيل

الرسوم لو السيارة انتاج محلى فى شهادة البيانات 1210
اما لو مستوردة 1560

رد: كل ما يخص الشهر العقارى

يعنى مغيرش الرخصة بتاعة الراجل اللى عليها حظر بيع لصالح بنك لاخرى من غير حظر بيع ؟؟؟؟ واكتفى بس بشهادة البيانات وصورة جواب رفع الحظر والتوكيل فقط ؟؟؟؟؟ وهل مش ححتاج اخد مخالصة البيع بين الراجل صاحب العربية والبنك علشان تسجيل فى الشهر العقارى ؟؟؟ ومستخرج شهادة الميلااااد؟؟؟؟؟
معلش انا بسأال بالتفصيل لان حضرتك عارف ان المصالح الحكومية دى على اقل ورقع بترجع الواحد

رد: كل ما يخص الشهر العقارى

وازااااااااااااى اعر ف انها انتاج محلى او مستورد هما بيقولوا انها كورى مش عااارف

رد: كل ما يخص الشهر العقارى

اقتباس:

المشاركة الأصلية كتبت بواسطة elsaidy (المشاركة 180605)

يا اخى الفاضل والله عارف الفرق بين التوكيلات واجراءاتها واستخدامتها .وكمان انا مقولتش ان الصفه مش هتتكتب فى العقد لانها اكيد هتتكتب فى العقد طبعا ، وبعدين حضرتك بتقول الصفه بالصيغه دىمينفعش تتكتب فى التوكيل العام وانا قولتلك لا مينفعش تتكتب فى التوكيل العام هى بتتكتب فى الدفتر ومقولتش بتتكتب فى العقد لان دا شىء طبيعى ان اللى هيتكتب فى العقد هو اللى هيتكتب فى الدفتر .

بص حضرتك انا مضطر انهى المناقشه لان واضح انى مش قادر اوصل اللى انا عايز اقوله لحضرتك .

لكن اخيرا الكلام اللى انا قولته سليم من الناحيه القانونيه وانا متاكد تماما من كلامى .

وكمان فى نقطه تانيه عايز اوصلهالك ان انتوا فى المصالح الحكوميه ماشيين بمبدأ كل شيخ وليه طريقه والقانون بيتنفذ على حسب فهم الموظفين وكل مكتب وليه نظام مختلف عن التانى وانا جربت دا بنفسى . يعنى ممكن تروح لمكتب معين تلاقى فيه اجراءات وتروح لمكتب فرع تانى تلاقى فيه اجراءات مختلفه تماما ورغم ان الموضوع واحد والقانون اللى بيحكم الموضوع واحد والتعليمات واحده . وممكن الممنوع فى مكان تلاقيه مسموح فى مكان تانى . بل ان ممكن داخل المكتب الواحد تلاقى موظف ليه راى ووموظف تانى ليه رأى تانى خالص ودا حصل معايا فعلا ان اتنين موظفين واحد يقول ممنوع وواحد يقول لا مش ممنوع والاتنين اتخانقوا مع بعض ومسكوا فى بعض و هذه هى الحكومه المصريه والروتين الحكومى المصرى .

واخيرا فالخلاف فى الرأى لا يفسد للود قضيه .

وتقبل تحياتى