مصر موتورز مجتمع السيارات - كل الرجالة اللي في المنتدي تدخل ضروري

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

رد: كل الرجالة اللي في المنتدي تدخل ضروري - سواقة ستات

تعليقات جامدة ربنا مع ميمي صاحبة الموضوع
هاى وصلت نفق الشهيد ادعولى اوصل طابا انا لزقت فى الكرسى مالة السوبر جيت ميت فل مكيف وراحة كان زمانى نايم فية
بدل مانا قاعد بنام على الدركسيون

رد: كل الرجالة اللي في المنتدي تدخل ضروري - سواقة ستات

توصل بالسلامة يا أحمد باشا
وربنا يسترها معاك

رد: كل الرجالة اللي في المنتدي تدخل ضروري - سواقة ستات

اقتباس:

المشاركة الأصلية كتبت بواسطة مهند سالم (المشاركة 172472)

عموما يا سيدتي أنا آسف، بس بألفت نظرك إني اهتميت بموضوعك، وكتبت نصايحي.
ثانيا: ربنا سبحانه خلق كل إنسان له ما يميزه وله ما يعيبه، وده إلا بيخلي المجتمع البشري كله متناغم ومتكامل، ولو كل إنسان عنده كل الميزات دي مش هتبقى حياة، لازم تكوني أفضل مني في حاجة والعكس، عشان الحياة يبقى فيها تكامل، وعشان كل واحد يفيد التاني في الميزة إلا عنده، وإذا كان الستات فيهم سنة ضعف في السواقة فده مش عيب؛ لأن أكيد هم مميزين في حاجات تانية كثير، والخوف من الطريق في كثير من الأحيان يؤدي إلى السلامة.
ثالثا: مش هأزعل منك، لأني سبق وقلت ليكي في موضوع الأستاذ تامر الجميل قبر يلم العفش إني صعب جدا أزعل من حد، وبأحب قوي حسن الظن، لكن إنتي إلا ما قريتيش ردي،
شكرا ليك ولموضوعك الجميل

ياسلام,...يا ريت الناس كلها زيك يا أستاذ مهند ومعلش ياخت ميمى أنحنا كلنا أخوات ومفيش سبب يخلى حد يزعل

رد: كل الرجالة اللي في المنتدي تدخل ضروري - سواقة ستات

اقتباس:

المشاركة الأصلية كتبت بواسطة Devill Blood (المشاركة 172756)

ياسلام,...يا ريت الناس كلها زيك يا أستاذ مهند ومعلش ياخت ميمى أنحنا كلنا أخوات ومفيش سبب يخلى حد يزعل

هأقول إيه يا عم ديفيل، اضطريت إني أتقمص شخصية واحد عميق وأتكلم بموضوعية، عشان ما أبقاش سطحي، وربنا يديم المعروف. شكرا ليك.

رد: كل الرجالة اللي في المنتدي تدخل ضروري - سواقة ستات

اقتباس:

المشاركة الأصلية كتبت بواسطة Ahmed_lol2007 (المشاركة 172673)

توصل بالسلامة يا أحمد باشا
وربنا يسترها معاك

شكرا ياباشا الحمد للة وصلت وبوست ارض طابا ولعنت نفسى انى ما اخدتش السوبر جيت الحمد للة قدر اللة وماشاء فعل عقبال الرجوع

رد: كل الرجالة اللي في المنتدي تدخل ضروري - سواقة ستات

بسم الله الرحمن الرحيم
مقتطفات من كتاب (نصائح ذكورية قبل ما تسوقى العربية)
اولا:و الله العظيم تلاتة فى حاجة اسمها مرايات فى العربية
هما مش حطينها عشان تتقفل و تتفتح و بس
لا ليها لازمة فى السواقة
ثانيا:الاشارات زيها زى المرايات بالظبط
ثالثا:العربية فيها تانى و تالت و رابع و خامس
لييييييييييه تسيبى كل دوووووووول و تمشى على الاول فى شارع متر فى متر و يولعوا اللى ماشيين ورا (سيبوا الواحد يففض شوية بقى)
رابعا:ياريت يكون فى جرأة شوية
يعنى مثلا لو داخلة على تقاطع مفيهوش اشارة اكيد مفيش حد حيوقفلك فى مصر و يقولك اتفضلى عدى
لااااااااااازم تاخدى حقك بنفسك و تزنقى و تكبسى لحد ماتعدى عشان الغلابة اللى وراكى يعدوا هما كمان
خامسا:الكلااااااااااااااا اكس
الستات تقريبا مبتعملش حاجة غير انها بتضرب كلاكسات و هى سايقة
كأنهم فى زفة
و لو واحد مننا ضربلهم كلاكس واحد توقف الشارع كله من الخضة ده لو اللى وراها ملبسش فى الشنطة
و لو ضربتلها كلاكسين تطلع من الشباك و تقول (اييييييه فى اييييييييه) كأنها ملاك برئ و ماشية زى ما الكتاب بيقول و احنا ضربنا كلاكس عشان متغاظين من سواقتها الجميلة
فى حاجة غير الكلاكس فى العربية اسمها الفلاشر او الرعاش
و ده بيكون هو هو بتاع الاشارات اللى على شمال الدريكسيون و بتشدوه نحيتكم و ترجعوه تانى يقوم منور و طافى :D
و الله بنشوووووووووووفه
ارجو انى مكنش طولت و انا بشتكى من اللى بعاااااانيه كل يوم
و ربنا معاكى
و شكراااااااا

رد: كل الرجالة اللي في المنتدي تدخل ضروري - سواقة ستات

اقتباس:

المشاركة الأصلية كتبت بواسطة meemee (المشاركة 172525)

اشمعني فيات 126

عشان ياعنى لاتنتمى لفئة السيارات الى تقدر تسحب او تعمل حاجة على الطريق غلبانة اوى بتمشى فى حالها خالص وربنا يسترها معاكى ان شاء الله بس على فكرة انا مش بغلط فى الفيات126 بالخصوص لان فى ناس اعرفها معاها العربية دى وربنا يباركلهم فيها ومنهم العضو والاخ الفاضل استاذ alaa@virus ربنا يباركله فيها ان شاء الله ......:260309~146: انا معرفهوش معرفة شخصيه بس من ردودو ومواضعية تدل على صحابها.....خلاص ابعدى عن السيات133 لو ماشيه جنبك انا طولت اوى وربنا معاكى ..:260309~146: