رد: كل ما تريد أن تعرفة عن الباسات 2010 TSI 1.4 P1
 

الف الف مبروك يا باشا ,,,

معلش انا كان عندى سؤال ليك انا ان شاء الله مستنى العربية جيتا 2011 تنزل
عشان اشتريها و طبعا حضرتك عارف ان هى دى اس جى 2000 سى سى
او 1400 سى سى تربو

المشكلة دلوقتى ان انا ان شاء الله عايز اجيبها تبع وزارة البترول و القوانين بتقول ان العربية متزيدش عن 1600 سى سى و البنزين مش اكتر من 92

فسؤالى كالتالى لو العربية نزلت مصر بالمحركات دى و متقللتش ينفع اجيب ال 1400 سى سى تربو و احيطلها بنزين 92 ولا لأ ؟
ولو لأ ياريت معلش تقولى حيحصل ايه لو حطيتلها 92

وشكرا ليك جدا و مبروك ليك على العربية ال اكتر من رائعة

رد: كل ما تريد أن تعرفة عن الباسات 2010 TSI 1.4 P1
 

الله يبارك في حضرتك و يرزقك كل خير
انا رأيي الشخصي ان استخدام ال 92 لن يعطيك كفاءة الموتور ال TSI بل بالعكس ممكن يقلل من عمر المحرك الإفتراضي
يعني بالبلدي ليه ادفع فلوس في عربية مش حقدر اخذ منها اللي انا المفروض جايبها علشانه؟
يعنى كده اروح اشتري اي حاجة تانية بتشتغل ب 92 و اريح بالي!

تركيب حليه نيكل لشبكة الباسات و شراء بعض الكماليات
 

من كام يوم كنت في القاهرة لقضاء كذا مشوار
وبناء على نصيحة احد الأصدقاء توجهت الى ارابكوم لشراء طقم دوسات للباسات -البيز لاين بينزل من غير دواسات-
وكان في طقمين و احد ب 250 تشيكي و الثاني ب 450 صيني فاخر و قمت بشراء الأول
و ايضا قمت بشراء غطاء للسيارة "ووتر بروف" او مقاوم للماء علشان الدنيا ما بتبطلش مطره في الغردقة :) و كان ثمنه 210 جنيه

واثناء تفقدي للإكسسوارات المتاحة و مجموعة النواكل سألت البائع عن نواكل للشبكة
فقال لي انه لا يوجد شئ مخصوص للباسات و لكن يوجد حليه نيكل تلصق "بدبل فيس" و تباع بالمتر و الرول فيه 3.5 متر
و بعد اسشارة الفنيين و معاينة شبكة السيارة تم الإتفاق على التركيب

ده منظر الشبكة قبل التركيب
http://i785.photobucket.com/albums/y...assatgrid1.jpg

ثم قام العامل بتنظيف الشبكة البلاستيك جيدا بالسبرتو و تم تنظيف الفراغات ما بين البلاستيك بمفك رفيع جدا لإزالة العوالق و الحشرات الملتصقة
http://i785.photobucket.com/albums/y...assatgrid2.jpg

ثم قام بلصق الحلية في الفراغات مع قصها بإحترافية حتى لا تترك اثار غير مرغوبة
http://i785.photobucket.com/albums/y...assatgrid3.jpg

وهذا هو المنظر النهائي بعد التركيب - الموضوع اتكلف 90 جنيه بالتركيب-
http://i785.photobucket.com/albums/y...assatgrid4.jpg

رد: كل ما تريد أن تعرفة عن الباسات 2010 TSI 1.4 P1
 

تقرير روعة اصراحة و يارب ربنا يباركلك فيها و يكفيك شرها

رد: كل ما تريد أن تعرفة عن الباسات 2010 TSI 1.4 P1
 

ألف شكر على مرورك
وربنا يجازيك خير

رد: كل ما تريد أن تعرفة عن الباسات 2010 TSI 1.4 P1
 

ربنا يبارك لك فيها ويديك خيرها ويكفيك شرها

مقارنه بالعربيات الى فى نفس متوسط السعر
هنلاقى
الجيتا ( تقفيل مكسيكى-برازيلى-صينى)
الاوكتافيا فانتازيا
ال BMW 316
الفورد مونديو
المرسيدس C-180 ( ولكنها اغلى قليلا )

انا شخصيا شايف الباسات اجملهم واشيكهم وافخمهم
تأتى بعدها الاوكتافيا

على فكره الاوكتافيا الجديده هتنزل بموتور 1.4 تربو نفس االموتور المستخدم فى الباسات والجيتا ( وده متوقع لانهم كلهم فولكس فاجن جروب ) بالاضافه الى انها فيها كل كماليات الباسات زى البلوتوث والتحكم من الطاره فى الراديو والصوت وغيره وغيره من الكماليات

الجيتا الجديده ايضا نفس الموتور والكماليات بس تجميع (برازيلى/مكسيكى/صينى ) اى كان بس مش تجميع اوروبى

المونديو فعلا عربيه جميله جدا والمانى 100% ولكنها اصغر حجما واضيق من الباسات

ال BMW 316
شكلا متميزه ولكنها اصغر حجما وافقر فى الكماليات من مثيلاتها زى الجيتا والباسات والاوكتافيا
العربيه المتميزه فعلا من الفئه الثالثه هى ال 320
موتور 2000 سى سى وبها نفس كماليات الباسات ولكن سعرها فوق ال 350 الف جنيه

المرسيدس C-180
موتور 1600 سى سى وكماليات اقل بكثير من الباسات وسعرها فى حدود ال 300 الف جنيه

شكرا على مجهودك فى التقرير المميز عن العربيه
والف الف مبروك

رد: كل ما تريد أن تعرفة عن الباسات 2010 TSI 1.4 P1
 

شكرا على مرورك الكريم و مقارنتك البسيطة و العملية في نفس الوقت