|
رد: دليل الاعطال و الاصلاحات للفيرنا
دي مقاسات الكاوتش و الجنوط المسموح بيها للفيرنا
من الكاتلوج بتاع بره http://up.stop55.com/upfiles/4gp31023.jpg كده رغم اختلاف المقاسات ما بين 13 و 14 و 15 فارتفاع العجله بيكون في حدود 23 بوصه غالبا مش مسموح باكتر من كده و العرض الاقصي للاطار 185 مش عارف بقه لو الواحد عايز يزود العرض الي 195 أو 205 مع المحافظه علي حدود الارتفاع رغم ان ده مقاس نادر للكاوتش في السوق هيكون مسموح بيه ولا لأ لأن مفيش اي عرض مذكور اكبر من 185 و يمكن يكون ده السبب ان الناس اللي بتركب جنوط 15 بتشتكي من دبدبه لان الكاوتش ال 15 في السوق بيكون 185/60/15 و ده بيزود الارتفاع عن المسموح بيه بوصه كامله الصح 185/55/15 زي ما مذكور في الكاتلوج |
رد: دليل الاعطال و الاصلاحات للفيرنا
الله ينور عليك يا احمد هو ده الشغل
|
رد: دليل الاعطال و الاصلاحات للفيرنا
اقتباس:
وده الحاصل مع المقاس ال 15 اما تعريض الكاوتش فده هيعزز ثبات العربية بس العزم فى التسارع هيقل بشكل ملحوظ خاصة لو دخلت مقاسات 200 وانت طالع بس مش هيدايقك اوى مع موتور وبدى الفيرنا علما بان الاسبيرانزا موتور اقل فى الاداء وبودى اتقل بتنزل بكاوتش مقاس 195/55R15 وده من اسباب فى اداء العفشة الناشف فيها والله ينور عليكوا يا جماعة الدليل بيزداد قيمة يوم بعد يوم بمشاركتكوا |
رد: دليل الاعطال و الاصلاحات للفيرنا
اقتباس:
مش بس حكاية العزم لاني متفق معاك غالبا مش هتفرق لكن حاجتين اولا انك عشان تحافظ علي ارتفاع العجله محتاج كاوتش بمقاسات نادره 195/55/14 او 205/50 /14 و حتي المقاس المكتوب للجنوط ال 15 صعب توافره في مصر معظم الكاوتش في مصر 60 او 65 او 70 ،، الكاوتش الرفيع ده نادر بالمناسبه يا جماعة اللي لقيته في السوق 195/60/14 ده هيعلي العربية حوالي 6 مم ( هوا هيعلي العجلة 12 مم فبالتالي العربية هتعلي النص ) هل كده يبقي اللي عملته زياده في العرض هيروح لاني عليت العربية و بالتالي الثبات هيقل ثاني حاجة هل ممكن يكون شاسيه و عفشة الفيرنا مثلا مش مصممه لكاوتش اعرض من 185 يعني تحك في اليايات او الرفارف او كده الله اعلم |
رد: دليل الاعطال و الاصلاحات للفيرنا
هو ممكن كمان العرض الزياده فى الكاوتش يسبب تقل على علبه الدركسيون و بالتالى الحشو بتعها هايبوظ
|
رد: دليل الاعطال و الاصلاحات للفيرنا
عندى مشكلة بسيطة فى الفيرنا 2008 العربية ديه انا عامل بيها فى سنة واحدة 70 الف كيلو متر سفر , العربية ممتازة جدا بس فيها حبة عيوب عن تجربة شخصية
1- العربية زى ما كله عارف مش ثابتة بعد ال120 ك/م الحل الجنوط انا لسه جايب بيها من اسبوع 200 ك/م على طريق العين السخنة العربية زى الفل 2- ساعات بسمع اصوات شخللة من الناحية اليمين بس مش فى المطبات مع العلم انى بعمل الصيانة فى التوكيل و لما جيت سمعتهم الصوت قالى المهندس عادى هى ديه الفرنا 3- المشكلة الاهم عندى فى الترصيص العربية فيها رجة خفيفة من ال120 حتى 130 و عملت ترصيص فى كل مكان مع العلم ان الجنوط و الكاوتش جديد بس نفس المشكلة من ساعة ما استلمت السيارة عموما العربية محترمة جدا بس عايزا عناية و صيانة دورية فى التوكيل |
رد: دليل الاعطال و الاصلاحات للفيرنا
اولا بالنسبه للثبات الحمد لله انك عرفت الحل
ثانيا بالنسبه لصوت الشخلله اتاكد ان التابلوه فاضى هو و الدرج الجانبى و شيل كل حاجه ممكن تكون بتعمل صوت فى العربيه و جرب بعد كده لو لقيت الصوت لسه موجود يبقى ممكن البلاستيك الموجود فى القوايم ثالثا الترصيص حاول تترصص على الحصان ده احسن شى بس احب اعرف حاجه الرعشه بتيجى لما بتدوس فرامل و لا وانت ماشى ديركت |
| الساعة الآن 09:43 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017