مصر موتورز مجتمع السيارات - وأخيراً نيو أكسنت "سبورت" ونولت

مصر موتورز مجتمع السيارات (https://www.masrmotors.com/vb/index.php)

- Hyundai Accent - نيواكسنت الجيل 3 (اهم الموضوعات) (https://www.masrmotors.com/vb/forumdisplay.php?f=133)

- - وأخيراً نيو أكسنت "سبورت" ونولت (https://www.masrmotors.com/vb/showthread.php?t=21972)

رد: وأخيراً نيو أكسنت "سبورت" ونولت ...

مبروووووووووووووووووووووو وووك يا باشا
ربنا يديك خيرها ويكفيك شرها بس نصيحة جيب حاجة وادبحها عليها عشان العين
أو طلع حاجة لله واللى عند ربنا ما بيروحش
الا هيا ايه الوصلة دى؟

رد: وأخيراً نيو أكسنت "سبورت" ونولت ...

مبروك ياباشا ع العربية والله انت اول واحد اعرف انه استلمها وانا بحبها قوى انت املنا الوحيد بعد ربنا عشان تطمنا ع العربية ومبروك كمان مرة وربنا يبعدك عن شرها ويديك خيرها وتركب مرسيدس قريب

رد: وأخيراً نيو أكسنت "سبورت" ونولت ...

الف مبروك يا برنس ربنا يباركلك فيها ان شاء الله ويكفيك شرها على فكرة انا كمان ربنا كرمنى بواحدة زيها من حوالى عشرين يوم والحمدلله مبسوط منها قوى بس هو عيب واحد تعبنى قوى وهو ضعف سحبها فى أى مطلع ومش عارف السبب ولى سؤال هل صيانة الألف أو بعد شهر أيهما أقرب يعنى أنا قربت على الشهر بس العربيه يدوب عامله 500 ك فهل بعد الشهر بالضبط أروح ولا أستنى الألف ,اكرر شكرى ومباركاتى وبالتوفيق لينا جميعا يارب

رد: وأخيراً نيو أكسنت "سبورت" ونولت ...

يا باشا يا جميل 1000000 مبروك
انا العربية دي هتطلع من عيني السبورت الاتوماتيك وكل يوم اروح اتفرج عليها بس عايز اقول حاجة الكاسيت بتاعها غير بتاع النيو اكسنت 2010 العادية خالص
وانا متردد بينها وبين الالنترا اللي 98400

رد: وأخيراً نيو أكسنت "سبورت" ونولت ...

اقتباس:

المشاركة الأصلية كتبت بواسطة well7888 (المشاركة 146729)

الله يبارك فيك يارب ويكتبلك الي فيه الخير ليك سواء إلنترا أو العربية دي http://www.masrmotors.com/vb/images/icons/icon7.gif ...

بالنسبة للكاسيت أنا ماعرفش القديمة كان الكاسيت بتاعها نوعه إيه بس الي متأكد منه إني اتصلت قبل ما أجيبها بغبور وسألتهم على الكاسيت عشان ناس كتير اشتكت منه في الموديلات القديمة وكان بيتغير علطول ، فقالولي إنهم فعلا كانوا بيتعاملوا مع ديلر ولما حصلت المشاكل دي غيروه وبدأوا يجيبوه إستيراد من برة وهو الكاسيت نوعه هيونداي طبعاً Radio\CD\MP3\USB وجربته في الراديو والسي دي ما شاء الله مع الساوند سيستم حاجة جميلة بجد ...

ونصيحة لو مايفرقش معاك 10000 الفرق ما بين الأكسنت سبور أوتوماتيك والإلنترا أكيد من غير كلام اتكل على الله وهات الإلنترا عربية مافيش فيها كلام أجمد من دي شكل ومضمون ، وده مايمنعش بردو إن عربيتي ما شاء الله عليها جامدة بردو بس ماتتقارنش بالإلنترا لإنها الفئة الي أعلى منها ...

رد: وأخيراً نيو أكسنت "سبورت" ونولت ...

اقتباس:

المشاركة الأصلية كتبت بواسطة Ahmed_lol2007 (المشاركة 146439)

الله يبارك فيك يا أبو حميد ، أكيد إن شاء الله هيطلع عشانها حاجة وربنا يبارك فيك يا باشا http://www.masrmotors.com/vb/images/icons/icon7.gif ...
الوصلة دي يا باشا هي كابل بيركب في الكاسيت ويطلع منها Female USB وتركب منها Male USB الي هو الكابل الي بييجي مع الموبايل وبعد كده طبعاً في الموبايل وتشغل الي إنت عايزه بعد كده من الموبايل على كاسيت العربية ...

اقتباس:

المشاركة الأصلية كتبت بواسطة dodix (المشاركة 146443)

الله يبارك فيك يا باشا http://www.masrmotors.com/vb/images/icons/icon7.gif ... وإن شاء الله أطمنكم عليها قريب وانطباعي الأول عنها إنها عربية حلوة والتقرير المفصل أكيد بعد ما أمشي بيها شوية بعد الترخيص وكمان بعد الألف الأولى عشان تبأة العربية بكامل إمكانياتها ويبأة الموتور فاق شوية ، وده مايمنعش إنها دلوقتي بردو الحمد لله كويسة جداً ...

اقتباس:

المشاركة الأصلية كتبت بواسطة fars2000 (المشاركة 146488)

الله يبارك فيك حبيب قلبي أول زميل ليا :HAPPY_~211: ... وربنا يباركلك فيها ويحفظهالك من شر العين وشر الطريق ...

المشكلة في موضوع المطالع ده إني لسة ماجربتهاش كتير ، بس طلعت فيها على مطلع المحور بتاع ميدان لبنان وكانت كويسة معايا وسحبها معقول جداً ...
بس خلي بالك بردو من نقطة مهمة الموتور لسة جديد وبيلين فماتتخضش أوي من حاجة زي كده واصبر عليه شوية هيفوق بعد أول ألفين كيلو أو خمسة زي ما ناس كتير قالت وزي ما الكاتالوج بتاعها بيقول ...

بالنسبة لصيانة الألف هي فعلاً بعد أول ألف أو الشهر أيهما أقرب ، وأكيد أحسن حاجة إنك تحاول تجيب الألف بيها مع الشهر عشان تبأة استهلكتها كويس وتظهر أي حاجة ممكن تكون فيها وتحس بقيمة الصيانة الأولى دي ، أنا شخصياً هحاول أعمل كده إن شاء الله على أد ما أقدر ...

ومرة تانية ألف مبروك ليك إنت كمان ويارب يباركلك فيها http://www.masrmotors.com/vb/images/icons/icon7.gif ...

رد: وأخيراً نيو أكسنت "سبورت" ونولت ...

تصدق عجبنى شكلها قوى يااسلام انا لسه شايفها فى ميناء نويبع من حوالى ساعه وتفحصتها جزء جزء بجد من ناحيه الشكل اختيار موفق ومستنيين تقييمك ياجميل من ناحيه الاداء بعد الالف الاولى مع الصور

اه نسيت اقولك صاحبها مركبلها جنوط تحفه نسيت اصورهالك

انت جبتها لونها ايه؟؟