![]() |
رد: أدب الرحلات
جرايبى فى محافظة اسيوط مطلعين على نفسهم اشاعة انهم بخلا ء بدرجة فظيعة ومعجبين بيها وانتشرت فى كل محافظات الصعيد الجوانى من سوهاج لحد اسوان
المهم ركبت قطار 10 وربع بالليل من اسكندرية الى القاهرة و ده قطار اسبانى يصل الاقصر 10 صباحاالمهم مكانش فى حجز وروحت لواحد حبيبى عارفنى من كتر السفر وقلت له اتصرف انا مبحبش الميكروباس راح دور لقى تذكرة قنا وعمل لها حاجة اسمها تحويل يعنى خلاها مرحلتين اسكندرية القاهرة ثم القاهرة قنا وطبعا نظرا لان التذكرة قنا فركبت وسط ركاب قنا وبعد نص ساعة من تحرك القطار لقيت واحد من الركاب وقف واتلفت حواليه وقعد وبعدين قام وسال واحد ممكن اعمل مكالمة من موبايلك الرصيد خلص والبطارية فصلت معلش فالتانى بص له بغلاسة وقال له مش معايا غير رنات والراجل اتكبس ولكنه قام تانى وسأل واحد تانى بطريقة تانية ممكن أرن لو احد بس مش هطلبه فقال له بطريقة اغلس من الأولانية ممعاييش رصيد فانا قمت وقلت له عايز ايه والراجل زى ميكون جاله طوق النجاة فقال انا هرن لواحد بس قلت له لأ اطلبه وخد راحتك فى الكلام لكن والشهادة لله الراجل قعد يرن اكتر من 5 مرات ولكن الطرف التانى واضح ان مخه الصعيدى شغااااااااااااال فمطلبش رقمى خالص فروحت له قلت له ياعم اطلبه مش هاخد منك حق المكالمة فطلبه فرد عليه وفعلا كان بيكلمه فى موضوع مهم ومصلحة فعلا مش هيلحق يقضيها لان القطار معاده الرسمى فى قنا 9 صباحا وهو غالبا مايتأخر والغريبة ان قعد يشرح له اكتر من 10 دقايق والتانى المخ الصعيدى شغااااااااااااااااال وفوجئت بيه زعق واحنا فى القطار وقال يخرب بيت ابوك يااخى بجى لى ساعة بشرح وانت ولا هنا انا لو بشرح لحمار كان فهم وعنتكلم من تليفون الراجل وخلصناله الرصيد قلت له ولايهمك كمل المهم التانى اخيرا فهم بس بعد حوالى تلت ساعة من الشرح بعد م خلصت المكالمة رجع لى الموبايل وقال شكرا يااستاذ والله انا مش عارف اشكرك ازاى وكلمتين تحية منه ليا وطبعا فى عادة صعيدى انا عارفها ومستنيها( هيسالنى انا منين ) وفعلا لقيته بيقول لى حضرتك منين فضحكت قلت له انا من اسيوط وفوجئت ان نص الركاب وقف على حيله وهو نفسه عينه بحلقت فيا اوى وقال بزعيق / مش معجولة ياراجل بقول له ليه فقال اصلك جدع فضحكت فحس نفسه غلط فقال انا اسف انت عارف السمعه قلت له عارف وانا بخدمك لله وضحكنا وفضل يهزر معايا لحد موصلنا القاهرة الغريبة من بين هزاره كل شوية يكرر الجملة دى وهو مش حاسس انها ممكن تكون شتيمة فيا ( والله يااستاذ خالد اول مرة اشوف اسيوطى جدع ) وبعدين لقيت عينه لمعت ووقف فجأة وقال بلهجة صعيدى/ انت من اسيوط نفسيها (نفسها) فقلت من آخرها ومن مركز ابو تيج تحديدا فقال بزهو وزعيق / ايوه كده متجولش من اسيوط جول من ابو تيج انت مش من اسيوط انت زمان كنتو تبع سوهاج مع انى كنت مرهق جدا ونفسى انام لكن م ادانيش فرصه |
رد: أدب الرحلات
اقتباس:
المشكلة انى ماعنديش موهبة السرد زيك، حقيقى طريقة كتاباتك مشوقة جدا وبالطبع القصص. |
رد: أدب الرحلات
اقتباس:
|
رد: أدب الرحلات
حكايات جامدة أوى يا أستاذ خالد, بتفكرنى فعلا بكتب السفريات بتاعت أنيس منصور, مش هتوسع نشاطك للكتب, يمكن أروح معرض الكتاب الجاى الاقى كتاب "رحلات الخليفة فى الأراضى الأليفة"
ولا حاجة. متابع الموضوع ومستنى باقى الحكاوى. |
رد: أدب الرحلات
اقتباس:
|
رد: أدب الرحلات
اقتباس:
الله عليك يا كبير الرحيميه طول عمرك أســــــــــــــــــتــــ ــــــــــــأذ ههههههههههههههههههههههههه ههههههههههههههههههههههههه ههههههههه انا كان نفسي تروح تاخد الممثله ديه بالحضن وتقولها ازيك يا ايمان مش عرفاني انا خالد بتاع 3/1 في المدرسه ههههههههههههههههههههههههه ه |
رد: أدب الرحلات
مرة كنت بشوف ارض فى منخفض القطارة ودى منطقة صحراء جرداء خلف مدينة العلمين ومشيت مسافة حوالى 150 كيلو فى مدق (طريق غير مرصوف ) المهم مشيت بسرعة اقصاها 20 كيلو وبعدين قلت لالالالالالالا مبدهاش روحت فاتح السرعة وصلت 120 وكانت النتيجة ان المقص بتاع النيسان انكسر وقلت اااااااااه ه ه ه ياتموت فى الصحرا يابو خالد يااما ربنا يبعت لك نجدة من عنده المهم لقيت عربية نص نقل محملة علب بلح من اللى بناكله فى رمضان ونزل منها واحد شكله غلط وقال فى ايه قلت له المقص مكسور فقال ..... تعالى اركب معايا وودانى مدينة الحمام وجاب لى ميكانيكى واخدنى ورجعنا فكينا المقص ولحمناه فى اسكندرية ورجعت تانى للميكانيكى اخدناه ورجعنا ركب المقص وقال عايز حاجة تاني قلت له متشكر يابلدينا تسلم الايادى وادى الميكانيكى حاجة ف ايده وقال له خلى بالك من الراجل د ه ومشى وقبل ميمشى سالته هو ده بلح سيوة فبص لى من فوق لتحت وسابنى ومشى وقال انا كفاية عليا كده لانى اتاخرت ومفهمتش معنى الكلمة
المهم الميكانيكى بعد م خلص تركيب المقص ركب معايا ووصلته ورشته فقال الراجل ده قريبك ؟ قلت له انا قابلته هنا فى الصحرا فقال متعرفوش فقلت لا فقال ولا تعرف بيشتغل ايه فقلت لا لكن غالبا تاجر عجوة العربية مليانة عجوه فضحك وقال بسخرية عجوة ؟؟ ههأأأأو ده تاجر مخدرات واللى كان على العربية ده مخدرات وغالبا حشيش لان دى علب الحشيش وهو ادانى حتة حشيش بس حاجة نضيفة فضحكت وقلت الحشيش حاجة نضيفة؟ فقال اقصد انه ماركة كويسه لسه طازة ملعبوش فيه يقصد محصلش خلط بحاجات تانية زى القش والبن وحاجات كده قعد يشرحها ييجى ربع ساعة لدرجة انى شكيت انه يكون ميكانيكى وبمناسبة المخدرات ركبت قطار رقم 2 و ده قطار عادى بيقوم من اسكندرية 3 صباحا وغالبية ركابه موظفين او طلبة فى القاهرة ومفروض معاده يوصل مصر الساعة 6 ونص الصبح ولكن فى ايام منصور وزير النقل بقيت اشوف عجايب الاقى السواق بيكلم القاهرة يسالهم آجى امتى فيردو تعالى 8 او تعالى 7 ونص رغم ان معاده 6 ونص المهم فى يوم كنت جاى من مطروح وكان شتا مفيش مواصلات مباشرة للقاهرة فركبت لاسكندرية ومن هناك لقيت القطار ده ولاحظت ملحوظة غريبة القطار كله زحمة جدداااااااا لدرجة ان الناس هتقطع بعض وواقفين فوق بعض والعربية الاخيرة فاضية ومحدش جه ناحيتها استغربت جدا فروحت راكب العربية الاخيرة ولقيت شوية بنى أدمين شكلهم غلط قلت اااااااه ه ه ه دول شكلهم مجموعة جنايات متنقلة واللى زود شكوكى اكتر ان الكمسارى مفروض ييجى بعد سيدى جابر ده جه قبل القطار ميطلع من اسكندرية وبص لى وقال انت قاعد هنا ليه وامسك شنطتك فى ايدك (وكانت شنطة جلد طبيعة فاخرة) نت فاكر نفسك فين ثم دول مش بنى آدمين اصلا والتانيين ردو عليه تشكر ياااااااعســــــــل فقلت آآآه ه ده ايه فيلم الأكشن اللى وقعنا فيه ده شوية والعيال دول جابو كوباية ( كانت اول مرة اشوف الحكاية دى) وجابو مسمار ولفو عليه حاجة وولعو المسمار وطفو النار وخلوه يطلع دخان زى البخور كده وغطو الكوباية بورق الومنيوم وخرموه فوتو منه المسمار جوه الكوبايه وخلو راس المسمار تقفل مكان الخرم واستنو لما اتملت دخان وبعد كده خرمو الغطا الالومنيو م وقعدو يشدو الدخان المهم واحد فيهم لاحظ انى عمال اتفرج باهتمام فقال فى حاجة قلت له بتفرج قال بتتفرج على ايه هو سيرك شغال قلت له اول مرة اشوف الحكاية دى فقال انت متعرفش الحشيش فقلت لا فبص لى باستغراب قال ولا دى وطلع حاجة زى قرطاس اللب بس على صغير فقلت ايه ده فقال انت متعرفش البانجو فقلت اسمع عنه بس فاستغرب جدا وبص لى على انى من كوكب تانى المهم الحشيش ده له تأثير غريب جداااا انا فوجئت بيهم بعد م شدو الدخان بقو يضحكو ضحك هيستيرى وفجأة انقلبو على بعض وسحبو على بعض المطاوى وانا العرق الصعيدى اشتغل وقمت احوش بينهم وصلو ع النبى ياجماعة المهم واحد منهم قال سيبك منهم ده تأثير الحشيش وهيرجعو تانى وفعلا مفيش دقيقتين واتصالحو وبقو يضحكو ضحك هيستيرى تانى المهم الزعيم بتاعهم لما شافنى بحوش رغم المطاوى فاستجدعنى وعزم عليا بسيجارة فقلت مبدخنش قال دى محشية جااامد جاااامد اى واحد من الكلاب دول يتمناها فقلت له مليش فيها فقال طب خليكى فى الخفيف وطلع سيجارة البانجو قلت ولا دى فبص كده وقال ايه ده ياباشا لاسجاير ولابانجو ولاحشيش اومال بتتكيف ازاى فقلت له هو لازم كيف يعنى قال ياباشا فى حكمة بتقول راس بلا كيف عايزة ضرب السيف فقلت لاياشيخ و دى مين قالها فقال واحد مسطول هاهاهاهاها وقعد يضحك فانا ضحكت على تعليقه فقال اومال بتشرب ايه اوعى تقوللى بشرب اللبن الصبح فقلت فعلا انا فطارى عبارة عن كوباية لبن او طبق بليلة فبصلى بسخرية وقال بليلة ؟؟ ههأأو أو أو و بص لزمايله وقال وسلام كبير ااوووووىىى للبليلة ولقيتهم غنو وقالو ياحبيبى تعالى بالعجل اه ياروحى تعالى بالعجل هيييييييييييييييه قلت بس بااظت بصيت لقيت الزعيم بص لى بعد سلام البليلة مع انى مش عارف علاقة الغنوة دى بالبليلة وقال /انت رجل جدع وعلشان خاطرك مش هنقلب العربية دى يالا يارجالة قلبو القطر ماعدا العربية دى علشان دمنهور قربت وفعلا نزلو كلهم دمنهور بعد م نشلو حاجات كتير من الركاب وواضح انهم معروفين فى القطار ده لان بعد دمنهور العربية دى اتزحمت جداااااااااااااااا وكانت رحلة م يعلم بيها الا ربنا |
الساعة الآن 05:31 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017