مصر موتورز مجتمع السيارات - بتدي عربيتك لحد؟؟؟؟؟؟

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - بتدي عربيتك لحد؟؟؟؟؟؟ (https://www.masrmotors.com/vb/showthread.php?t=18020)

رد: بتدي عربيتك لحد؟؟؟؟؟؟

انا الحمد لله اكمني بسوق كويس يعني هادي جدا او سريع و بنجز برده بهدوء ..
مابقولش لأ لأي حد يقولي تعالى وصلني او وصلنا
و فعلا الناس بتحبني وما بتتكسفش مني و تطلب عادي يعني
و ده اللي مخلي واحدش فتح بؤه و طلب مني العربية ,,
و الحمد لله لو حد طلب مابتكسفش و اقوله لأ .. بس بالطريقة برده يعني

رد: بتدي عربيتك لحد؟؟؟؟؟؟

حصلت معايا مرتين او تلاته شخصين عارفهم كويس واديتلهم العربيه ومفيش اي مشاكل الحمد لله من اي نوع
دا قدر انت بتسوق غيرك ممكن وهيا واقفه تتخبط متعرفش القدر فين
انت ممكن تبقى احسن سواق في العالم واخد بالك من كل صغيره وكبيرة وتلاقي واحد جه وظهر مرا واحده كدا وخبطك

رد: بتدي عربيتك لحد؟؟؟؟؟؟

انا الحمد لله لما كان معايا الشيروكى مفيش حد طلبها منى بس من يوم مانا راكب السريون وبسم الله طوب الارض عايزنى ادهالوا وانا طبعا اساسا سلفها

رد: بتدي عربيتك لحد؟؟؟؟؟؟

اقتباس:

المشاركة الأصلية كتبت بواسطة احمد بدر1978 (المشاركة 202838)

طب ممكن لفه انا كمان يا ابوحميد :)

انا برضو عربيتى كتير بياخودها اخواتى او الحاجة وانا باخود عربياتهم برضو :) وساعات اصحابى فى المقابلات لفه على السريع كده لكن مش ممكن اسيبها لحد يوم كامل مثلا الا فى نطاق الاسره

رد: بتدي عربيتك لحد؟؟؟؟؟؟

اقتباس:

المشاركة الأصلية كتبت بواسطة shooter123 (المشاركة 118027)

يا جماعه الموضوع اخطر من كدا

عارفين رخصة القيادة ؟ دي اصلا زي رخصة حمل السلاح لان العربية برده ممكن تقتل
لو صاحبك مثلا مش حقولك قتل واحد وجري بالعربية لا حقولك لو مشي عكس اتجاه واتخدت عربيتك انت مخالفة حيبقي ايه الوضع ساعتها؟ والكل عارف مخالفه عكس اتجاه بكام للي ميعرفش ب 1500 دي حاجة واحدة من ضمن الف حالة ممكن تتسبب في انك تتأذي سواء مادياَ او غيره
انا ايام مكنت راكب لانوس وكنت بدي العربية لاخويا كنت بحس ان العربية فيها حاجة غلط بعد ما اخدها منه رغم انها بتبقي سليمة ظاهريا وعلي الرغم من كدا بحس ان فيها حاجة ولكن دلوقتي بعد ما غيرت العربية مستحيل اديها لاي شخص اياَ كان
مش عارف ابو نورا بيدي عربيته للعيلة كلها ازاي؟ ايه يا عم جمودية القلب دي؟

الكلام اللي حضرتك بتقوله ده صيحيح جدا بس دفاعا عن ابو نورا عشان انا عندي نفس الحالة اني بأدي عربتي لأخواتي و باخد عربياتهم عادي لأن كل واحد فينا بيعامل عربية التاني كأنها عربيتي فبحافظ عليهاو لو انا مش تأكده ان اللي هديله العربية مش هيحافظ عليها انا مش هديها له اصلا

انا كنت بستغرب علي الناس اللي بتدي اصحابها العربية بس قلت ممكن يكون الأصحاب زي الأخوات بيحافظوا علي العربية.

ما تديش حد عربيتك الا في الشديد الأوي و لازم تكون واثق 100% انه هيحافظ عليها زي عنية غير كده لا

رد: بتدي عربيتك لحد؟؟؟؟؟؟

اقتباس:

المشاركة الأصلية كتبت بواسطة AboNoRa (المشاركة 202842)

يا باشا العربية وصاحبها تحت امرك من يوم السبت وحلاوتها انها بتمشى ببيضة ورغيف