|
رد: عرض سبير كار - اكسسوارات وفرش وكماليات السيارات
العفو يا باشا ده حقك علينا وواجبنا متابعة اى مشكلة تخص اعضائنا ايا كانت وان شاء الله حضرتك تروح مرة تانية وتلاقى كل شىء افضل
|
رد: عرض سبير كار - اكسسوارات وفرش وكماليات السيارات
بصراحة يا وائل مجهود اكثر من رائع من منتدى اكثر من ممتاز
والمنتدى مابقاش مكان نتجمع فيه نقول اراء على العربيات وبس انا بقيت حاسس انى فى بيتى بجد وكلكم اخوة اعتز جدا بصداقتهم ومعرفتهم واتمنى مقابلة الجميع واتشرف بيهم وبالنسبة لمعرض سبير كار شهادة حق لوجه الله تعالى انا اتعاملت معاهم من شهرين ونص اول لما جبت الفيرنا وقبل موضوع العرض وكان فى فرع امتداد رمسيس بصراحة قمة فى الذوق والادب والامانة والاخلاق والاسعار ممتازة وكانت من غير العرض والخدمة فوق الوصف والاحترام فى المقابلة والمعاملة قبل واثناء وبعد الخدمة نادرا لما تلاقى حد يتعامل معاك كده ربنا يبارك فيهم ويجازيك خير ياوائل انت وكل اللى بيسعى فى الخير لخدمة الغير ودى شهادة اسأل عنها امام الله عز وجل |
رد: عرض سبير كار - اكسسوارات وفرش وكماليات السيارات
شكرا ليك يا استاذ وائل ربا يعوض تعب محبتك واخلاصك الشديد للمنتدى واعضاءة
تحياتى مهندس /مينا عصام |
رد: عرض سبير كار - اكسسوارات وفرش وكماليات السيارات
السلام عليكم
انا لسه جديده خالص فى موضوع العربيات ده انا اشتريت عربيه جيتز جديده وعاوزه اركبلها فرش وعاوزه اشترى شوسه كماليات ليها كده و اتشرف بالانضمام للمنتدى ده واعترف انه فادنى كتير من يوم ما اشتريت العربيه (بقالى شهر وننص بس) المهم انا من طنطا وعاوزه اسالكم ايه احسن فرع اقدر اروح واركب فيه الفرش وتكون كل الكماليت متوفره هناك علشان هيكون اكيد يوم اخده اجازه من الشغل وكمان عاوزه اعرف هلحق اشترى الكارت الاول والا ممكن يتوفر الكارت ده هناك اشتريه من سيبر كار اسفه للاطاله بس لو ممكن حد يوصفلى الطريق؟ |
رد: عرض سبير كار - اكسسوارات وفرش وكماليات السيارات
اقتباس:
وعليكم السلام احنا اللى يشرفنا انضمام حضرتك لينا اقرب فرع لحضرتك تقدرى تروحيه فرع الريحان 26 ش الشيخ ريحان - امام وزارة الداخلية وبخصوص الكارت ان شاء الله انسق مع حضرتك وهقبلك بالكارت وتروحى بيه الفرع ان شاء الله تقدرى تبعتلى على الخاص للتنسيقptmnlo123per122 |
رد: عرض سبير كار - اكسسوارات وفرش وكماليات السيارات
السلام عليكم
سبيركار طول عمري انا و ابويا و اخواتي و العيلة و الاصدقاء و الجيران كلنا بنتعامل معاهم و بكل صدق و صراحة ربنا يحسبني عاليها بلاقي عندهم كل حاجة بحتجها عندهم كل شئ جديد و علي احدث تكنولوجيا الكار اوديو هم متميزين فية جدا و الانذار و السنتر و السينسور باركينج دي غير الفرش هم اساس الصناعة دي في مصر عندهم كل الازواق و الموديلات بكل الاسعار و بتخفيض غير بقيت السوق دة غير المعاملة الجميلة من جميع الاسطف الموجود من مبيعات و تركيبات و علي رأسهم صاحب الشركة الاستاذ محمد مصطفي تحس انة صحبك او ابوك او اخوك بصراحة كل ما روح فرع باب اللوق احب اخد راية لانة بيديني النصيحة التمام اخد اية و ماخودش اية انا فاكر مرة ركبت فرش تحفة لعربيتي و كنت عايز احط عالية عرقات قالي لا ملوش لزوم الان لمل الفرش يقدم شوية نبقي نركب عالية عراقة بصراحة منهي الامانة و الصراحة دي ناس بجد يهمها العميل مش فلوسو شكرا ليك كتير يا ابو نورا و علي مجهودك |
رد: عرض سبير كار - اكسسوارات وفرش وكماليات السيارات
يا جماعه سير كار ده معروف من زمان وانا والله جبت منه فرش للعربيه الفيرنا ناس محترمه جدا وعلي درايه كامله باحتياجات السوق وكل حاجه كنت عايزه للعريه لاقتها عندهم وكمان الراجل اللى بيفرجنى على الفرش عنده زوق فى الالوان والاسلوب عالي جدا بس انا فى حاجه عايز اقولها للقائم على العمل ده انه يختار مشرفين غير هذا الشخص اللى اسمه عمر ابن صاحب هذه الشركه الممتازه لان صوته عالى جدا فى هذا المكان وانا شوفته يعامل الناس اللى عنده بكل وقاحه والله انا باقول ده للنصيحه وربنا يوفقكم
|
| الساعة الآن 05:36 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017