مصر موتورز مجتمع السيارات - حل عملى واقتصادى لمشكلة انقطاع النور

مصر موتورز مجتمع السيارات (https://www.masrmotors.com/vb/index.php)

- تجارب اﻷعضاء (https://www.masrmotors.com/vb/forumdisplay.php?f=178)

- - حل عملى واقتصادى لمشكلة انقطاع النور (https://www.masrmotors.com/vb/showthread.php?t=114739)

رد: حل عملى واقتصادى لمشكلة انقطاع النور

موضوع جيد جدا ..... و فى اطار البحث عن حلول عملية .. و بعيدا عن الشكوى

انا كنت مهتم بموضوعك عن يوم 21/12/2012 .. و بالفعل تم تجهيز الادوية و الاكل المعلب و بقية الحاجات الضرورية ... و انا سايبهم فى البيت للطوارئ .. دى حاجات مش حتخسر .. و اكيد ححتاجها فى يوم من الايام

المشكلة فى وسيلة توليد الكهرباء ... فكرت اشترى مولد كهرباء ... وجدت الموجود فى السوق صغير و صينى .... و ده سعره معقول
او هوندا و ده غالى
او يا باشا ..... مولد ديزل وده حجمه ضخم و سعره غالى و الديزل اغلى
انا كان نفسى اركب المصدر ده على البيت كله ..... بس اكتشفت ان ده محتاج على الاقل مولد 30 كيلو وات ... و ده سعره بيبدأ من 30 الف جنيه مصرى
الحل المعقول الان فى استخدام البطاريات و المحولات زى ما حضرتك ذكرت ... او الواح الطاقة الشمسية
ياريت حضرتك تشرحلنا شوية عن موضوع الطاقة الشمسية

رد: حل عملى واقتصادى لمشكلة انقطاع النور

موضوع جميل وعملى بس عايز اعرف الشاحن والمحول بيتباعوا فين

رد: حل عملى واقتصادى لمشكلة انقطاع النور

اقتباس:

المشاركة الأصلية كتبت بواسطة atgps (المشاركة 892956)

أنا كنت سألت على سعر الـ 800 وات مش الـ 1000 وات للأسف على أساس انه كان وزنه خفيف حوالى 2 كجم أو أقل وسعره كان حوالى 520 جنيه مصرى + شحن حوالى 400 أو 450 جنيه + جمارك حوالى 300 أو 400 جنيه = اجمالى حوالى 1300 الى 1400 جنيه !!! ده على أساس ان الشحن بالدى اتش ال وليس مع أى أشياء آخرى.
ولكن لو كان أكثر من جهاز فالسعر سيكون فى حدود 1000 الى 1100 جنيه ولك المقارنه

لا اعتقد ان كدة حضرتك ممكن تجيبة ارخص بكتير بالاسعار ديه عن البدائل اللى هنا لو كدة نستنى شهرين مفيش مشكلة :)

رد: حل عملى واقتصادى لمشكلة انقطاع النور

اقتباس:

المشاركة الأصلية كتبت بواسطة mmsobhi (المشاركة 893371)

موضوع جميل وعملى بس عايز اعرف الشاحن والمحول بيتباعوا فين

نورت التوبيك

الحاجات ديه زى ما شرحت فوق فيه منها بيتباع عن طريق موقع souq وفيه حاجات عند النخيلى فى باب اللوق واعتقد ممكن تلاقى فى العتبه وشارع بورسعيد وممكن اى حد جاى من بره يجبهلوك

رد: حل عملى واقتصادى لمشكلة انقطاع النور

اقتباس:

المشاركة الأصلية كتبت بواسطة ahmed_eng2001 (المشاركة 893188)

نورت التوبك يا باشمهندس احمد :)

بص انا فكرت زيك فى المولدات بس الاسعار بتاعتها بقت مستفزة اليومين دول وكمان بقى فيه انواع مضروبة كتير وكمان صيانة الحاجات ديه مش سهلة وممكن متلاقيش قطع غيار والاهم ان الديزل نفسه مش موجود

وبالنسبة لتوليد الكهرباء من مصادر طبيعية فيه حلول للطاقة الشمسية او توربينات رياح وشوفت كمان مولدات بتشتغل بالغاز الطبيعى بس لقيتها غالية ومش مضمون الغاز يبقى متوفر هو كمان
فان شاء الله الخطوة اللى بعد كده انى هدور على حل عملى بالطاقة الشمسية او الرياح

المهم ان نفس المكونات اللى هنشتريها ديه سواء بطاريات او محولات هتنفع وهنحتاجها فى نظام الطاقة الشمسية او الرياح

بس ناخد بالنا لو فيه النيه لكدة انك تستثمر شوية فى تمن المحولات يعنى تجيب حاجة نظيفة
واللى عرفته كمان انك هتحتاج تجيب مولدات فيها امكانية العمل على الترددات الضعيفة Low Frequency Inverter

بمعنى تانى ان المحول لوحدة ممكن يعدى ال 3 الاف جنيه الى 5 الاف جنية لتشغيل شقه باجهزة معقولة بقدرة 1000 وات ولا اكتر شوية

وممكن بحسبه تانية تقول ان نظام توليد الكهرباء من الشمس بكل الحسبات الاقتصادية هيعدى ال 10 الاف جنية لكل مكوناتة من الواح شمسية ومحولات وبطاريات

وان شاء الله هعمل مشاركات تانية للكلام بالتفصيل عن ده كله بمساعدة باقى الزملاء واصحاب الخبرة

رد: حل عملى واقتصادى لمشكلة انقطاع النور

التوبيك منور بيك ... و بعدين يا راجل سيبك من موضوع مهندس و لا مش مهندس دى .... خليها كدة على الله ....

انا متفق معاك فى موضوع ضرورة البحث عن مصادر مختلفة لتوليد الطاقة ... و عاجبنى موضوع التوليد من الطاقة الشمسية ... علشان احنا عندنا شمس معظم ايام السنة و لله الحمد ... و طاقة الرياح فكرة معقولة جدا .... انا بتكلم على السطوح بتاع بيتنا

و انا متفق معاك فعلا فى موضوع المحولات .... لازم نجيب حاجة نضيفة و للأسف حتكون غالية ... بس مش مشكلة .. الغالى تمنه فيه
و التكلفة حتى الان فى حدود المعقول

الخطوة المبدئية ... المحولات .... و بعدين البطاريات ... و بعدين بحث عن مصادر لاستبدال البطاريات
سؤال بعد اذنك .... الحاجات دى بتتباع فى مصر ؟؟ انا اقصد الواح الطاقة الشمسية و المحولات .. و تربينات الهوا و مولدات الغاز الطبيعى ؟؟
فى انتظار بقية المشاركات على احر من الجمر