رد: عايزة عربية لقطة تعبت بجد
 

مافيش داعى تتصلى أنا خلاص إتصلت بيهم لقيت إن العربيتين اللى مطلوب فيهم 45 ألف خلاص إتباعوا ..والعربية الفضى اللى مطلوب فيها 49.5 صاحبها كان متمسك بالسعر وأكتر حاجة ممكن ينزلها 1000 جنيه فقط .... بس بصراحة من كلامه حاسس إن العربية تستاهل ..ربنا يبارك للى هيشتريها ويرزقك بأحسن منها إن شاء الله ....سواء كانت بيكانتو أو حاجة تانية ...
عموماً تابعى الإعلانات على جميع المواقع أول بأول لأن الحاجات اللقطة بتتخطف بسرعة ..والله المستعان
..تقبلى تحياتى

رد: عايزة عربية لقطة تعبت بجد
 

مافيش داعى تتصلى بأصحاب الإعلانات ، أنا خلاص إتصلت بيهم لقيت إن العربيتين اللى مطلوب فيهم 45 ألف خلاص إتباعوا ..والعربية الفضى اللى مطلوب فيها 49.5 صاحبها كان متمسك بالسعر وأكتر حاجة ممكن ينزلها 1000 جنيه فقط .... بس بصراحة من كلامه حاسس إن العربية تستاهل ..ربنا يبارك للى هيشتريها ويرزقك بأحسن منها إن شاء الله ....سواء كانت بيكانتو أو حاجة تانية ...
عموماً تابعى الإعلانات على جميع المواقع أول بأول لأن الحاجات اللقطة بتتخطف بسرعة ..والله المستعان
..تقبلى تحياتى

رد: عايزة عربية لقطة تعبت بجد
 

يااااارب واياكي وشكرا عالدعوة ربنا يجازيكي كل خير يارب

رد: عايزة عربية لقطة تعبت بجد
 

دة انا الموبايل في ايدي وكنت لسه هتصل حالا لاني لسه شايفة مشاركة حضرتك
بس عموما حضرتك طبعا على حق العربيات الللقطة بتتخطف بسرعة
انا والله مش عارفة اشكر حضرتك ازاي بس والله بدعي ربنا يجازي حضرتك عني كل خير ويجعل كل دة في ميزان حسنات حضرتك
بالنسبة للبيكانتو اللب ب49 ونص للاسف بعيد عليا المبلغ اوي ربنا يرزقه بمشتري كويس يارب ويرزقني بعربية كويسة وانا هتابع باستمرار واديني مستنية ربنا المستعان والف الف شكر لحضرتك

رد: عايزة عربية لقطة تعبت بجد
 

ربنا يباركلك حبيبتي يارب انا كانت العربية الاولي اللي معايا ماروتي وعشان انا كنت مبتدئة بيها العربية دي سهلة في السواقة فوق ما تتخيلي جميلة جداااااا والحمد لله بفضل ربنا عمري ما عملت بيها اي حاجة مع اني اول مرة اسوق بس العربية فعلا صغيرة وسهلة في السواقة ومشكلتها معايا حاجتين الاولي انها كانت صغيرة اوي علينا والعربية كانت دايما تحك مني في المطبات كنت حاسىة اننا فعلا بنتقل عليها والمشكلة التانية عشان كامنت موديل قديم شوية فكانت عايزة شوية شغل وانا بقي للاسف اضحك عليا من الميكانيكية بطريقة بقول حسبي الله ونعم الوكيل لاني مكتشفتش غير متاخر فبدور علي واحدة تكون اوسع سنة منها وبردو من الفئت الصغيرة عشان اعرف اسوقها بسهولة وتكون موديل مش قديم لاني معنديش استعداد الف تاني فبعد لف كبيييييييييييير بقاله شهور استقريت عالبيكانتو ناس كتير شكرت فيها وحجمها بردو معقول بالنسبالي ونفسي الاقي واحدة يارب انا وانتي نلاقي اللي بندور عليه بس اللي تلاقي بقي تدعي للتانية احنا اخوات واكيد حاسين ببعض بقي ونورتيني يا قمر

رد: عايزة عربية لقطة تعبت بجد
 

عارفة يا AlexGirl ..السنة اللى فاتت كان إبن خالتى عاوز يشترى عربية وكان محتار زيك كدة ..شوفنا إعلانات كتير وروحنا نتفرج على أكتر من عربية وكان كل مرة يا إما العربية يطلع فيها عيب يإما تكون غالية والفلوس مش كفاية وخلاص إتفقنا إنه يدفع الفلوس مقدم لعربية زيرو المهم وإحنا ماشيين قابلت واحد ميكانيكى معرفة سلمت عليه المهم سألته عن عربية قالى ثوانى أتصلك بواحد عقيد فى القوات المسلحة عنده عربية حلوة ومحافظ عليها ومش مبهدلها.. المهم إتصل بيه وقاله لو كنت فاضى تعالى بالعربية الراجل جه بعد ربع ساعة شفنا العربية عجبتنا وفى ظرف نص ساعة كنا كتبنا العقد ودفعنا الفلوس ومشينا بالعربية والحمد لله...شوفتى النصيب ...أى نعم إبن خالتى دخل فى عمود كهرباء قبل ما يوصل البيت والعربية وشها باظ لأنه كان لسة جديد فى السواقة ..لكن صلحها وغير إكصدام وكبوت..بس الصراحة العربية بقالها سنة ماشية معاه زى الفل أحسن من الزيرو..هقوم أصلى العصر وأدعيلك .

رد: عايزة عربية لقطة تعبت بجد
 

سبحان الله محدش عارف فعلا رزقه فين وكل اللي بنعمله اننا بنسعى وناخد بالاسباب بس انا بقي نفسي الاقي عربية صاحبها محافظ عليها وابقي كسبتها ولاني خايفة علي العربية لاعمل زي ابن خالة حضرتك كدة بلاني بردو مبتدئة مش عايزة اجيب زيرو لاني مش متخيلة تبقي العربية مثلا فيها حاجة لا قدر الله وانا لسه عليا قسطها هتقهر انا وقتها لاني محبش يبقي عليا فلوس ابدا دة غير اني مش بحس بملكية الحاجة طول ما هي لسه فعلا مش ملكي عموما هي كلها اقدار وارزاق والحكاية دي علمتني ان سعيي حاجة ورزقي حاجة تانية وانا هعمل بردو اللي عليا هسعى مع ايماني الكامل ان رزقي ربنا مقدرهولي سواء مكتوبلي اصلا اشتري او لا فانا مسلمة امري لربنا