|
رد: تحية الى السيد الرئيس : محمد مرسى
الصورة بتاعة الحاجة المصرية الطيبة اللي ماسكة ورقة مصر احلى من غير اخوان انا شايفة ان صورة زي دي مش كويسة و لا دليل على شي..
انا ممكن اجيب صورة حاجة شكلها مصري اكتر و اطيب ماسكة ورقة مكتوب فيها مصر احلى من غير البرادعويين و اللا من غير المسيحيين عيب و الله .. كلنا مصريين حتى لو الواحد مضايق من فصيل معين ماينفعش الاقصاء .. وشوفوا الاخوان ماراضوش يعملوا وقفتهم في التحرير منعا للصدام لما طلبوا من القوى المعارضة مع ان مافيش حد من حقه احتقار التحرير و لا سلفيين و لا مسحيين و لا اخوانيين و لا برادعيين التحرير حق لكل المصريين مش بس التحرير مصر نفسها |
رد: تحية الى السيد الرئيس : محمد مرسى
معلش يا جماعة اللى حابب يتكلم على مستوى اعلى وافيد واقيم نتكلم فى التفاصيل وفى الموضوع الكلام العايم مش هيحل حاجة واللى مش عايز يتكلم بالمنطق وبموضوعية يوفر على وعلى نفسه المجهود الكلام مش على يمين وشمال الكلام على نظام دولة بالكامل عن دستور بعد ثورة مش يمين وشمال وخلاص ولو هتتكلم على اليمين والشمال كان فيه قرارات هايفة كتير ( القرض من البنك الدولى خطة ال 100 يوم غلق المحلات مبكراً غلق المواقع الاباحية ... ) وغيره من قرارات اليمين والشمال الفشنك واللى ضيعنا فيها وقتنا لكن محصلش ان كل اطياف البلد اتوحدت لرفض القرارات الهبلة ديه ولا نزل حد الميدان ولا اعتصم فحضرتك الخلاف مش على يمين وشمال زى ما حضرتك فاهم فى خلافات مش خلاف واحد وكلها خلافات موضوعية وهامة جداً لاستكمال الثورة والاصلاح السياسى ضد قرارات اكثر ديكتاتورية من مبارك وبتضيع الحقوق السياسية والقانونية لشعب باكملة ياريت نسمع ونفهم بس كمال الهلباوى ورأية فى استغلال الاخوان للمساجد وراية فى القضاء والاعلان الدستورى ومسودة الدستور http://www.youtube.com/watch?v=N_aN170Okb4 |
رد: تحية الى السيد الرئيس : محمد مرسى
ناجح ابراهيم عضو مجلس شورى الجماعة واعترافة باخطاء الاخوان http://www.youtube.com/watch?v=atWcritOOys اتفرج من الدقيقة 15 عضو مجلس شورى الجماعة بيقول نفس اللى بنقولة وسبحان الله الناس بتأيد برضو !!! |
رد: تحية الى السيد الرئيس : محمد مرسى
اقتباس:
ليه الاخوان معملتش كدا و لما هو عارف ليه متكلمش .؟. هو مش برده عضو شوري الجماعه .,. و لا السياسه خالتو يكذب .,. |
رد: تحية الى السيد الرئيس : محمد مرسى
اقتباس:
التيار الاسلامى بعمومة فيه ناس منصفين وفيه ادمغة نظيفة والاخوان نفسهم ومعروف ان الاخوان فيها تيارات متشددة وتيارات منفتحة وحكيمة لكن للامانة الرعونة والعناد هما الطاغيين على مواقف الطرفين والجو اللى احنا عايشينة ده بيشجع للمزيد من الاقسام والمزيد من التطرف فى الاراء ناجح ابراهيم نموذج وابو الفتوح نموذج للتيار المعتدل فى الاخوان لكن للاسف هم قله وصوتهم مبيوصلش لان الناس اصلاً ميالة للتطرف بدوافع الكبت وواقع الجهل والعناد بجد ربنا يستر علينا واللى فاكر ان المناخ اللى بقينا فيه ده ممكن يطلع مصر من كبوتها يبقى بيشتغل نفسه جاااااااامد جداً للاسف الوضع ده مش هيودى الى لكوارث لا يعلم مداها الا الله |
رد: تحية الى السيد الرئيس : محمد مرسى
الفيديو ده من قذارتة وانحطاط مستواه بجد منصحش حد يشوفة ولا كنت احب احطة لكن كلمة علشان يشوفه اللى بيقول لحوم العلماء مسمومة http://www.youtube.com/watch?v=NgWbGR75OgI هل عبد الله بدر ومن هم على شاكلته اصبحو من العلماء !! هل كل من اعتلى المنبر فى زمنا دلوقتى عالم دول لا علم ولا ادب اصلاً والله |
رد: تحية الى السيد الرئيس : محمد مرسى
و الله يا اخ ابو نورا مش انا اللي قلت لحوم العلماء مسمومة ده الامام ابن عساكر
ثانيا عبد الله بدر ده عمري ما سمعت عنه و لا اعرفه ماسمعتش عنه غير في مشكلة الهام شاهين و طبعا كل العلماء و المشايخ غلطوه .. انا لما قولت علماء قصدي علماء زي الشيخ محمد حسان اللي الجميع بيشهدله بالادب الجم و زي الشيخ محمود المصري ثالثا انا ماشفتش الفيديو و لا هاشوفه يا ابو نورا ان الراجل ده ماعرفش عنه حاجة و لا يهمني |
| الساعة الآن 07:21 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017