رد: معلومات عن الكاوتش و الجنوط 5
 

تسلم و تحت أمرك في أي سؤال.

رد: معلومات عن الكاوتش و الجنوط 5
 

جزاك الله عنا خيرا

رد: معلومات عن الكاوتش و الجنوط 5
 

معايا فيرنا فيفا 2008 والعربية ما شاء الله ولكن المشكلة الكبيرة في المطبات وخصوصا في الصعيد وكان الكاوتش الاصلي مقاس 175/70/R13 وركبت بعد دراسة في المنتدى كاوتش مقاس 185/70/13 من حوالي 18000 كيلومتر ودلوقت عايز اغير الجنوط ومحتار بين الجنوط الحديد والاسبور وثانيا في المقاس ياترى اجيب جنوط 14 كالموصي بيها بالكتالوج وعرض الكاوتش 195 ام اجيب جنوط 15 فيا ريت اهل الخبرة يفيدوني واجيب جديد ولا استيراد

رد: معلومات عن الكاوتش و الجنوط 5
 

قرأت للتو الرقم الموجود على الجنط الاستبن لقيت كل اللي عليه الاتي NN2 , LP1118 ولا يوجد ET نهائي فيا ريت حد يساعد

رد: معلومات عن الكاوتش و الجنوط 5
 

أولا حضرتك تجيب جديد في الكاوتش و الجنوط لأن ده من أهم الأجزاء في العربية. واحد يقولك مش عارف مين جايب استيراد و زي الفل و ما فيش مشاكل يبقي براحتك لكن الصح أنا قولتهولك.
حضرتك لما قولت 14 و الا 15 قولت الراجل مهتم بالشكل الجميل بتاع الجنط الكبير.
لقيتك قولت حديد و الا سبور و ده معناه أنك مش مهتم بالشكل. فأنا مش فاهم.
فيا ريت تقولي أنت أصلا عاوز تغير الجنط بتاعك ليه عشان أقدر أفيدك أو بمعني أصح حدد أولوياتك أو قولي ايه مشكلتك مع الكاوتش و الجنط اللي عندك.

رد: معلومات عن الكاوتش و الجنوط 5
 

متشكر جدا على الرد ثانيا كما ذكرت لسيادتك اني مركب كاوتش مقاس 185/70 والجنط 13 وكما تعلم ان بكده مسافة الكاوتش كبيره أي حوالي 129.5 مم من كل ناحية فده بيخلي دائما الكاوتش كاسر واقيس الضغط الاقيه مظبوط لدرجة اني جبت معي في السيارة منفاخ وعداد ضغط واحيانا يكون الضغط واطي ومش باحس بيها واحيانا اشعر بان السيارة بتتنطط ولذلك عايز ثبات اكثر لاني باسافر على الصحراوي دائما ثانيا عايز منظر الكاوتش لما اشوفه الاقيه شايل نفسه مش كاثر

رد: معلومات عن الكاوتش و الجنوط 5
 

الصراحة أنا مش فاهم يعني ايه كاثر أو كاسر لكن أنا فهمت أنك عاوز تزود الثبات. أولا لو العربية بتتنطط فعلا زي ما حضرتك بتقول يبقي ده شغل عفشة و مساعدين و بعد كده الكاوتش.
المهم أنا هكتب لحضرتك شوية مقاسات و جنبهم سمك الكاوتش و ارتفاع العربية من الأكس بتاعها.
الارتفاع سمك الكاوتش المقاس
175/70R13 122.5 287.6
185/70R13 129.5 294.6
185/65R14 120.5 298.3
185/60R14 111.0 288.8
195/50R15 097.5 288.0
طبعا المقاس الأولاني ده الأصلي.
المقاس التاني اللي حضرتك مركبة دلوقتي و المفروض المقاس ده بيعلي العربية 7مم لكن معرض الكاوتش 10مم و بالتالي المفروض المقاس ده معقول جدا و مش يقلل الثبات عشان كده أظن فيه حاجة في العفشة.
المقاس التالت هيعلي العربية كمان 4 مم تقريبا عن دلوقتي عشان كده مش مرجح المقاس ده عشان الثبات لكن ميزته أنه هيقلل سمك الكاوتش فهتحس أن العربية أنشف شوية و ده اللي حضرتك عاوزة.
المقاس الرابع و من وجهة نظري ده أحسن مقاس لأنه هيرجع العربية للارتفاع الأصلي بتاع المصنع و في نفس الوقت هيقلل سمك الكاوتش حوالي 2 سم عن اللي حضرتك مركبه دلوقتي و بالتالي هتحس بفرق شاسع في الثبات عن الوقت الحالي.
المقاس الخامس بالظبط زي الرابع لكن ثباته أحسن لأنه أوطي و أعرض لكن ممكن يحك في الرفارف في المطبات و ممكن يعمل بلالين لو الكاوتش نليم و أخدت مطب و كمان مقاس 15 يعني أغلي بفرق واضح من ال 14.
أتمني أكون أفدتك و الاختيار راجع لحضرتك و ربنا يكرمك ان شاء الله.