رد: سبب تعليق دواسة البنزين في اللوجان .. ادخل لتعرف السبب
 

هوا أنا يمكن جاي متأحر شوية في الموضوع بس فعلا قريته كله من أوله لآخره.
هل إنتوا لما شوفتوا الفيديو دا مالحظتوش إني الدواسة بتعلق.
أنا شوفت الفيديو ولاقيت فعلا الدواسة بتعلق أمال إنتوا بتقولوا الساجا وملاكها والفيديوهات ومش فاهم والله إيه هو منطق الكلام بالظبط.
الأول عنوان الموضوع بيقول فيه مشكلة في دواسة اللوجان ودا حلها.
والحل عبارة عن صورة الصورة منصوح فيها بوضع شيئ تحت الدواسة يبعدها عن آخر مشوارها ودا طبعا هيخسر الي هيعمل كدة في بعض المواقف لما هيبقى محتاج آخر عزم للعربية بس ماشي مافيش مشكلة.
بعد كدة لاقيت الآراء والردود كلها ماشية في إني الدواسة مابتعلقش قولت ماشي مافيش مشكلة.
وبعدين لاقيت فيديو والدواسة فيه بتعلق قولت ماشي مافيش مشكلة.
بعد شوية رجعت الناس قالت تاني إني الدواسة مابتعلقشي برضو ماشي مافيش مشكلة.
بس الي خلاني مش قادر أسكت إني لاقيت رأي بيقول إني السجادة علشان تحت الدواسة فعلشان كدة علقت,,,,,,
طيب ما النصيحة الي كانت في الصورة بتقول حط حاجة تحت الدواسة.
عموما أنا بس لما قريت الموضوع مالقتلهوش سكة أو رأي أنا كل الي لاحظته تأرجح فا ممكن توضيح بالظبط للي كان مقصود علشان نستفيد.
أنا مش ملاك الساجا ولا اللوجان.

رد: سبب تعليق دواسة البنزين في اللوجان .. ادخل لتعرف السبب
 

دكتور اسلام
الغرض الرئيسي من الموضوع :
1/ اعطاء النصيحة لملاك اللوجان علشان الحفاظ على سلامتهم
2/ اسكات كل من يقول ان دواسات اللوجان ضعيفة وبتعلق
هوا دا الغرض اللي انا عملت الموضوع علشانه
:01FDAB~189:

رد: سبب تعليق دواسة البنزين في اللوجان .. ادخل لتعرف السبب
 

Mr.Farouk & danoora + الفيديو الي حضرتك مشيره بيقول اني فيه تعليقة في الدواسة.
يبقي ماينفعش نسكت حد بيقول اني دواسات اللوجن ضعيفة وبتعلق.
الغرض من التحذير بيبقي بسبب وجود خطر.

شكرا ياباشا علي الرد بس والله الاسئلة ضربت في نفوخي كدة بمجرد اني قريت الموضوع وتوالي ردود الاعضاء.
عموما اول خطوة لحل المشكلة هي الاعتراف بيها ومحاولة تشخيصها ثم البحث لها عن حل.

رد: سبب تعليق دواسة البنزين في اللوجان .. ادخل لتعرف السبب
 

والله يا دكتور عمال رايح جاي في الموضوع بقالي كتير مش لاقي حد كتب ان المفروض تحط حاجة تحت بدال البنزين (بلاش الدواسة عشان في نا بتتلغبط ما بين دواسة البنزين والدواسة بتاعة الارضية)

المشكلة يا دكتور تتلخص في ان في ناس بتحشر دواسة الارضية تحت بدال البنزين - او بتتزحلق منهم بدون قصد - ولو حضرتك بصيت علي العربية حتلاقي ان تحت بدال البنزين في مجرا (او حفره في الصاج) عشان البدال لو دست عليه للاخر ينزل في المجرا دي ولما تحت دواسة الارضية علي المجرا دي البدال يتحشر فيها او يعلق في دواسة الارضية وعشان كده بنقول لملاك اللوجان خلي بالكوا من دواسة الارضية ماتتزحلقش علي قدام خليها دايما مسحوبة تحت كرسيك

بس :CHUBBY~36:

رد: سبب تعليق دواسة البنزين في اللوجان .. ادخل لتعرف السبب
 

ياباشا إفتح الصورة الي في أول الموضوع وإقرى الي مكتوب عليها.
:CHUBBY~36:
تقبل تحياتي.