مصر موتورز مجتمع السيارات - الفيرنا بتسخن مع التكييف

اقتباس:

المشاركة الأصلية كتبت بواسطة borio1704 (المشاركة 750742)

إلغاء الثرموستات ده اختراع من الميكانيكيين المصريين عشان يريحو دماغهم من مشاكل سخونية العربيات، يمكن يبقى له أسبابه لما قطع الغيار ما تبقاش موجودة.

لو عرفت الفايدة من ثرموستات الكوعة هتعرف ينفع نشيله ولا لأ

ثرموستات الكوعة هو عبارة عن "محبس"، مهمته إنه يتحكم في وصول المياه للرادياتير، يعني لما العربية تبقى باردة يمنع وصول المياه للرادياتير عشان الموتور يسخن بسرعة وياخد وضع التشغيل بأسرع وقت، ولما المياه تسخن يبدأ يفتح السكة للرادياتير عشان يبردها، وبكده يحافظ على درجة حرارة ثابتة للتشغيل

http://1.1.1.3/bmi/1.1.1.2/bmi/stati...thermostat.gif http://1.2.3.4/bmi/1.2.3.4/bmi/www.a...Thermostat.jpg
http://1.1.1.3/bmi/1.1.1.1/bmi/www.f...or-service.jpg http://www.websitesushi.com/dakota/w...07/COOLING.jpg

ثرموستات الموعة بيساعد كمان على التبريد المنتظم للموتور.... لوشلته الموتور مش حيتبرد كويس، وهيبقى فيه أماكن باردة وأماكن تانية سخنة
http://www.agcoauto.com/content/imag...at_removed.jpg

ثرموستات الكوعة هو الوسيلة الوحيدة للوصول والمحافظة على درجة حرارة الموتور ثابتة أثناء التشغيل من غير ما تتأثر بحرارة الجو الخارجي أو سرعة العربية

طيب ليه درجة حرارة التشغيل لازم تبقى ثابتة؟؟

الموتور عبارة عن أجزاء معدنية، والمعادن بتتمدد بالحرارة... وتنكمش بالبرودة

لما الموتور بيبقى بارد.. الأجزاء الداخلية بتبقى منكمشة بطريقة ممكن ما تبقاش محسوبة .. وده بيعمل تآكل ما بين الشمايز والبساتم وعمود الكرنك ده غير إن الزيت ما بيكونش وصل للزوجة الصحيحة للتزييت.

من الآخر... الموتور البارد موتور بيفوت بسرعة.

ده غير إنك في الشتا لو سقت على طريق سريع ... الموتور هيبرد، وده هيزود استهلاك البنزين لإن كفاءة الحرق ما بتكونش مثالية، وممكن تخلي العربية تهبب من الشكمان.

يعني... لما تشيل الثرموستات.. هتفوت موتورك وتصرف فلوس زيادة على البنزين وكمان مش هـتتمتع بأداء العربية

تصدق اول مرة اعرف المعلومة دي:286:
الف شكر على المعلومات القيمة وانتا بجد استاااذ في العربيات وابسط مثال مواضيعك الحلوة دي SLAM
وتقبل تحياتي :140109~347: