المشاركة الأصلية كتبت بواسطة mOuStaFa_ERTU (المشاركة 788040)

يا جماعة ملوش لازم الكلام ده دلوقتى
محمد مرسى هو رئيس مصر ل 4 سنوات وبعيدن ربنا يسهل فى الانتخابات اللى جايى وانا واحد من الناس كنت هكتب رد على الموضوع بس حسبتها كده وقولت بلاش احسن

بس الناس اللى فرحانين اوى بالمطار احب اقولهم والحمد لله المطار بتاعنا سيئ للغاية ومفيهوش اى حوار غير صالة 3 اللى هيا لل VIP مش لبقيت الشعب
ثم لو على موضوع انه بنى المطار
فالاولى ننتخب عثمان احمد عثمان واظن ان الراجل ده بانى مصر كلها
وشكرا

المشاركة الأصلية كتبت بواسطة Mohamedkhalilibrahim (المشاركة 793330)

اولا الاخ بتاع شفيق بقوله ابعت هاته من الامارات عشان تشوف الاول هو يستحق تنتخبه ولا لا .. يا راجل ده طفش .. اسف هرب فى الفجر هو واسرته بعد اقل من اسبوع من ظهور النتائج .. مش عارف لسه فيه ناس بتروج للفاسدين الله يهديكم .. انا استطيع ان التفهم ان البعض انتخبه عن قناعة للاسباب الى انت ذكرتها لكن بعد ظهور الفساد الذى قام به يجب ان نندم على اختياره .. مش عارف اقول ايه ... مفيش فايده:joy23:

المشاركة الأصلية كتبت بواسطة mohamed maarouf (المشاركة 688168)

دي مشاركه قديمه انا حعيدها بس عشان افتتح الموضوع
الرد الصريح نيابه عن مؤيدي الفريق احمد شفيق
:0832F7~168:
احبائي انا الضحية الوحيده اللي ممكن يتكلم او يدافع عن نفسه ...
اتركوني الاول اشرحلكم شخصية مؤيدي شفيق (وهنا انا بتكلم عن المؤيد مش اللي انتخبه وخلاص)
اولا اغلب مؤيدي شفيق ناس بتفكر اكثر ما بتتكلم مع الاخرين
يعني لما الموجه تبقى رايحه كلها لاتجاه وتلاقي شخص مضاد للتيار السائد ومقتنع براي مخالف لازم تعرف انه فكر وقرر وليه وجهة نظر على خلاف الموضات الجديده زي موضة حازمون لمتدينين او موضة حمدين للشباب وموضه ابو الفتوح للوسطيين والمنشقين عن الاخوان (مع احترامي للجميع)
ثانيا وده الاهم ... اصناف الناس دي وبتفكر في ايه ؟؟

1- رجال اعمال واصحاب شركات ومحلات وحرفيين (يعني اصحاب اعمال حره).. ودول يعشقو الاستقرار لدوام مصالحهم ورؤيتهم ان العهد السابق افضل الفترات اقتصاديا لاتصافها بالاستقرار .. ملاحظه هامه لا يجوز ان نطلق على هؤلاء منتفعين لان اغلبيتهم شرفاء اختارو العمل الخاص بالتدرج بعيدا عن القطاع الحكومي الملئ بالفساد وطبعا دول بيعشقو العسكر لانهم رمز الامان

2- اشخاص قريبين من بعض التيارات الاسلاميه ولهم تجارب سيئه معهم .. ودول عندهم فوبيا الاسلاميين ازاااي؟؟؟
يعني راجل بسيط كان معتقد ان اي حد من الاخوان او السلفيين هو ملاك لا ينطق عن الهوى وفجأه صدم فيه في موقف معين ينافي الصوره الورديه فقرر ان الناس دي منافقه (تعميم مرفوض لكن الجميع يستخدمه).. ويضم اليهم المرعبوبين على الدوله المدنيه وده موضوع كبير يستحق الشرح بالتفصيل ..

3- عائلات واقارب العسكريين او اقارب موظفي الطيران المدني .. العسكريين دا ولاء عقدي بالنسبه ليهم ان العسكري رجل شريف ويحترم كلمته ولا يخون وطنه ..
اما موظفو المطار فعلى خلاف ما يشيعه عصام سلطان وشلته فعن معرفه شخصيه موظفو المطارات والطيارين فخورين بما فعله شفيق ويتباهون بين اقرانهم من الطيارين العرب بما وصلت اليه المطارات من تقدم عمراني وتكنلوجي ...

4- كارهي الزخم الثوري ... دا الجزء الاعظم من حزب الكنبه كرهو بقية المرشحين من تصريحاتهم الثوريه في المليونيات وهجومهم الشديد على الجيش متناسين عشق المصريين -خاصة كبار السن - للجيش وقادة الجيش ودول بيعتبرو ان اللي يشتم عسكري او قائد في الجيش هو خائن وعميل ..

5 -محبي الكاريزما دي اهيف فئه ولكن لها احترامها ايضا .. الناس اللي شايفه فيه كرايزما وكراكتر الرئيس وانه رجل راقي سليل عائله عريقه ومظهر انيق ..

6- طبعا لا نتناسى او نتاجهل جزء لا بئس به معترض على الثوره من الاساس وشايفها مخطط صهيوني وان الاخوان تعاونو مع حماس في اقتحام السجون وقتل الثوار و ...وكلام من ده ( نحترمهم برضه لاننا لا نعلم كل الحقائق حتى الان )

7- الاقباط والصوفيون يشتركو حسب التصنيفات السابقة اضافة الى خوفهم من الاسلاموفوبيا ..(محقين بعد التصيحات الاخيره)
الصفه المشتركه التى يراها كل اولئك في الفريق انه شخص محترم لم تثبت عليه جريمه واحده في حين ان اغلب زملاءه من الوزراء في السجون بتهم متعدده .. وانه رجل ناجح في عمله وصريح وغير متلون
والاهم من كل ذلك صدقة وتلقائيته (ودي اللي بتخلى منافسيه يستغلو تصريحات قاتله ليست في مصلحته لتشويه سمعته )