مصر موتورز مجتمع السيارات - فكرتى لزيادة عزم وقوة الماتور

اقتباس:

المشاركة الأصلية كتبت بواسطة hanytrade (المشاركة 625709)

السلام عليكم
اولا كم جميل انك تبدا تفكر ازاى تدخل هواء بارد مضغوط للموتور ولاحظ ان كل الاختراعات بفكرة بسيطة زي دي

بس خاليني اوضحلك نقطة مهمة يمكن بتغيب على معظم الشباب
فى نوعين من نظام الهواء بالنسبة للموتور
نوع بيسموة natural asperated ) n/a ودة بيعتمد فى دخول الهواء لية عن طريق شفط الهواء داخل الماكينة عن طريق قوة شفط البستيم اثناء نزولة

ودة طبعا معظم المواتير شغالة الموجودة شغالة علية

النوع التاني اسمة turboed engine او forced induction و النوع دة اللي هو المواتير اللي بتكون راكب عليها تيربو او سوبر شارجر عادي اللي بيعمل على سير مع الكرنك وليس الكهربي

نرجع بقا بالنسبة لفكرتك حضرتك عايز تركبها على موتور n/a او شفط هوا عادي فا لو قوة ضخ الهوا كانت اقل من قوة شفط البستيم وقتها المروحة دي هاتمثل عائق امام تدفق الهوا داخل الموتور
ثانيا فى الغالب المروحة دي بتتلف فى زمن قليل لانها لا تتحمل الحرارة ولا الزيوت داخل الغرفة
ثالثا بفرض انة ضخ الهوا كان مناسب فيها هنا لازم تسئل نفسك سؤال اللي هو مش المفروض انك زودت ضخ الهواء ازاى هاتوفر بنزين زيادة وتحافظ على النسبة المثالية فى نفس الوقت ودى بيتم عملها عن طريق بخخات كبيرة و عمل ريماب للكونترول ( الشيب)

نرجع بقا للنظام التاني اللي هو المواتير اللي بتنزل تيربو او سوبر شارجر
هنا بقا تدفق الهواء داخل الماكينة بيحصل بقوة ميكانيكية تتناسب مع حركة الموتور
فى حالة التيربو / العادم يخرج بسرعة ما فيلف التروربينة فتشفط وتضغط الهواء فيتدفق الهواء بقوة مضاعفة فيخرج العادم بقوة مضاعفة وهكذا وهكذا (ولذا قوة التيربو تعتبر كبيرة جددا جدا وتتضاعف فى اجزاء من الثانية )

فى حالة السوبر شارجر / كلما زادت عدد لفات الموتور فى الثانية كلما دارت المروحة بقوة اسرع وبالتالي تدفق الهواء اسرع فى الموتور وهكذا

ولاحظ انة فى النظام الثاني يتم جبر الماكنة العمل عن طريق الهواء المضغوط

ارجو ان تكون وضحت الصورة ولا تبخل باسئلتك علينا

واليك تلك المعادلة التى تساعدك فى كيفية زيادة القوة الحصانية للموتور

hp=PLAN
فا لزيادة الهورس باور عليك زيادة اى معامل منهم حيث
p الضغط الزي يعمل به البيستم
L طول المشوار
A مساحة البستيم
N عدد لفات الموتور

فكر فى زيادة اى تلك المعادلات لتزيد قوة الموتور

السلام عليكم
بس حبيت اعمل مداخله ديما علشان ازود قدرة المكينة بدون ما اخسراى طاقة زائده او بدون اى مفقودات احاول انى استخدم المفقودات فى تحويلها لشكل اخر للاستفادة منها علشان كدة من الملائم انك تستخدم تيربو شغال بالعادم بالطريقة دى قللت الانبعاثات والحرارة الصادرة واستفد من الطاقة المفقودة ببتحولها لطاقة حركية بتلفف بها التربية اللى بدورها على نفس المحور بتاعها فى المنفاخ او البلور blower
انما حكاية اعشق التربينة مع الكرنك معناه انك بتاخد من القوة المتولدة علشان تشغل جهاز اخر وبالتالى بتزود فى مكان وبتفقد برضة فى نفس الوقت الطريقة التانية هى احد الانواع لكن مش مستخدمة الفكره كلها انى ازود كفاءة المحرك بدون ما اغير فى تصميمة الاساسى او افقد جزء من الطاقة بالعكس استغل الطاقة المفقودة على شكل عادم وشكرا لك