مصر موتورز مجتمع السيارات - معايا 80 الف اشتري ايه جديد ؟؟؟

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - معايا 80 الف اشتري ايه جديد ؟؟؟ (https://www.masrmotors.com/vb/showthread.php?t=78385)

رد: معايا 80 الف اشتري ايه جديد ؟؟؟

أللوجان يا باشا وانت مطمن ان شاء الله حكاية السخونة دى انتهت من 2010 قبل ما اشترى العربية كنت عارف الكلام دا عربيتى موديل 2011 ومفيهاش اى مشكلة تماما يقال ان الاتوماتيك هينزل مصر فى خلال 3 شهور ( ان شاء الله موكد ) سعرها 78 الف جنية فلو كدة انا من رايي استنى شوية وهات اللوجان الاتوماتيك

رد: معايا 80 الف اشتري ايه جديد ؟؟؟

انا رأيى تجيب لوجان بلاك لاين .. هتعمل حوالى 72 الف او اقل ..

وتوفر حوالى 8000 جنية تقدر بيهم تظبط العربية كماليات (GPS - شاشات عرض - طقم صوت - زينون - جنوط اسبور) وكده ..

وتبقى انت كده اخترت صح ..

اما بقى لو ممكن تفكر فى مستعمل او كسر زيرو فممكن تركب باسات 97 او اعلى او لانسر كسر زيرو او جين 2 او جولف 4 حديثة او اوكتافيا A4 ...

بس 80 الف سعر مخنوق للاسف بالنسبة للجديد والاختيارات صعبه فيه ..

عموما اللوجان عربية رائعة وهتعجبك اوى باذن الله ..

رد: معايا 80 الف اشتري ايه جديد ؟؟؟

اقتباس:

المشاركة الأصلية كتبت بواسطة y7yaaa (المشاركة 605080)

معايا 80 الف جنيه و عايز اشتري عربية زيرو 2012 و يفضل تقفيل بلدها اشتري ايه ؟؟؟؟

اتفرج على السانديرو ستيب واي.... سعرها 79900
ان شاء الله هاتعجبك جدا جدا

رد: معايا 80 الف اشتري ايه جديد ؟؟؟

اقتباس:

المشاركة الأصلية كتبت بواسطة لوجان 2012 (المشاركة 605284)

لوجان طبعا
وهيتبقي معاك 9000 ترخصها وتروشها شوية نواكل وجنوط وتبقي مستريح
:THE_PR~18::THE_PR~18:

اللوجان سيارة ممتازة وعن تجربة

رد: معايا 80 الف اشتري ايه جديد ؟؟؟

اقتباس:

المشاركة الأصلية كتبت بواسطة acasper3d (المشاركة 608390)

يعني المصرية شركة مش مظبوطة . حيث انا لما كنت بشتري عربيتي . قالي ان مفيش منها full option AT ABS . ودي كانت غلطة من الي بيقول لان العربية كانت بتنزل بالكلام ده . غير اني سعرهم كان اغلي . راي الشخصي اللوجان انا مركبتهاش بش مسمعتش عن مشاكل في الانابيب والكلام ده . كل الي سمعة اني في سخونة عند دواسة البنزين . والتوكيل بتعها ممتاز. ففي النهاية :
يتجيب لوجان كاملة (وتبقي كسبت الاوبشن والتوكيل)
2- متجبش نيسان صني غير لما تكون اتوماتيك ويفضل انها تكون سوبر صالون .
فنصيحة بلاش شني لو مش اوتو لأن المانويل الدبرياش سئ وبيترج من قوة الموتور وتقيييل جدا . فهي مهياة اكتر للاوتو لان الموتور قوي جدا . والتوكيل اقوي واقوي (السبع الي في المعادي) . وانا مش شغال معاهم ولا حاجة انها بس بقول كلمة حق .
اسف للاطالة

انا اسف جدا عندي سؤال صغير ،توكيل لوجان قرر ينزل لوجان اوتوماتيك خلال 3 شهور كنت عايز اعرف هل اعادة البيع للمانيوال احسن من اعادة بيع الاوتوماتيك