رد: بنزين 80+نفتالين بلى =90
 

رد: بنزين 80+نفتالين بلى =90
 

السلام عليكم
يا جماعه بلاش حد يجرب موضوع النفتالين ده
الموضوع ده تم نقاشه كتير جدا في اكتر من منتدي اخر
وبعد الفحص والتمحيص والتجربه كمان كانت النتائج كالتالي:-

يوجد في السوق نوعين من النفتالين (مختلفين في التركيب الكميائي)

النوع الاول : ملهوش تاثير علي اداء المحرك (سحب وسرعه وخلافه)
وملهوش تاثير علي سلامه المحرك (لا يضر باجزاء المحرك)

يعني ملهوش اي لازمه.

النوع الثاني : له تاثير فعال علي اداء المحرك (يزيد من التسارع بشكل
كبير جدا ويزيد ايضا من السرعه القصوي للسياره) ولكن ؟؟

له تاثير فتاك علي اجزاء المحرك اي بيتلف المحرك تماما...
علي لسان احد الاشخاص المجربين للنفتالين في منتدي اخر
لن اذكر اسمه انه عندما تلف المحرك (فوت تماما) وبعد فتحه
وجده مخرم ايوه مخرم زي المصفاه ده تعبيره اللفظي .
وللعلم هو جرب النفتالين علي عربيتين معا في نفس الوقت
عربيته وعربيه ابن عمه والمحركين تلفوا تماما بعد 40000كم
من بدايه وضع النفتالين مع البنزين واضطر الي تغييرالمحركين
وعلي فكره العربيتين كانوا زيرو عند بدا استخدام النفتالين
يعني كانوا لسه بخيرهم.
عارفين العربيتين كان ماركتهم ايه
واحده نوبيرا
والثانيه اوكتافيا ايه 4

علي فكره انا مجربتوش ومش هجربه طبعا بس انا حبيت انقلكم
النفتالين بيعمل ايه

خدوا بقه الطامه الكبري

الغازات الناتجه من احتراق النفتالين بنوعيه مع البنزين غازات مسرطنه
عارفين يعني ايه غازات مسرطنه هنمشي نرشها في شوارعنا المحروسه لو استخدمنا هذا النفتالين.
وده برده مش كلامي ده كلام ناس كيميائيين متخصصين وده كان خلاصه مناقشتهم في الموضوع ده

الخلاصه
يا ريت بلاش اي حد مننا يستخدم النفتالين ولو علي سبيل التجربه
واللي عايز يجربه هو حر في عربيته
بس الناس في الشوارع اللي هم اهلك ذنبهم ايه ناذيهم

الشرح المذكورصحيح من اكثر من مصدر
وشكرا

رد: بنزين 80+نفتالين بلى =90
 

النفتالين أو مادة "الباراديكس" والمتواجدة في الأسواق لها تأثير مدمر على الأجزاء البلاستيكية، وعندما يحدث تلامس مباشر بين الباراديكس والبلاستيك يتفاعلان بسرعة وينتج غاز تاركاً البلاستيك في حالة سيئة جدا وكأن حمض كبريتيك قد لامسها

هذه الأعراض قد لمستها عن تجربة "غير مقصودة طبعا" عند وضع الباراديكس في أحد الأدراج المنزلية وكان بها بعض الأظرف البنكية "ذات النافذة البلاستيكية الشفافة"، وكذلك كان التأثير المدمر في إحدى علب الأجهزة المنزلية والمحشوة بـ"الفوم".... حيث لم نجد أثرا للفوم بالداخل لأنه تبخر بالكامل.

يمكنكم تخيل تأثير النفتالين مثلا على خراطيم الوقود في السيارة!!!!


...

رد: بنزين 80+نفتالين بلى =90
 

انا جربتها حطيت 30 لتر ومعها حبيتين نفتالين والنتيجة................. ....................ممتاز ة استجابة السيارة عالية جدا زيها زي البنزين ال 92 وصوت الماتور هادي جدا ومفيش اي كركرة بس هي بتفرق في الاول والثاني والثالث لكن بعد كدة مش ملاحظ فرق في السحب اصلا السيارة سحبها كويس وجربتها داخل البلد كويسة وعلي الطريق كويسة مع الحرق علي الغيار ومع المشي الطبيعي

رد: بنزين 80+نفتالين بلى =90