رد: خايفة اوى من السواقة
 

متقلكيش خالص متحطيش فكرة الرهبة فى السواقة انا كنت اول مرة اسوق عربية جييب ليبرتى 2002 اتومتيك وسوقتها وانا مبسوطة علشان حابة السواقة وكنت اول مرة اسوق فى حياتى ومشيت بيها كويس خالص بس للامانة كان فى شارع لتعليم السيارات

رد: خايفة اوى من السواقة
 

وانا كمان لسه بتعلم وعشان كده قريت كل الردود
والله اعضاء زى العسل وردود زى الفل
جزاكم الله كل خير:waving:

رد: خايفة اوى من السواقة
 

ولا تشيلي هم خالص كده كده مفيشمفر من اي حكة او خبطة في بداية التعليم .. ده انا وانا بتعلم طيرت اكصدام واحد واقف في الزحمة عادي جداً ........ لازم لازم لازم تسوقي لوحدك لان طول ما حد معاكي في العربية هتبقى فيه زي وساطة بينك وبين العربية من خلال الشخص ده وده غلط

خليكي على اليمين وخليكي ماشية هادية وركزي ( بس مش التركيز الشديد اللي يخليكي متوترة لأ عادي جداً ) ولا يهمك اللي يمشششي بسرعة من جنبك وله يتكلم ولا توجعي في دماغك هدف العربية في الاول والاخر راحة صاحبها وتوصلك المكان في معادك لو طريقك هياخد ساعة اخرجي بدري ساعة ونص وامشي على مهلك :01F6EB~150: بالتوفيق ان شاء الله

رد: خايفة اوى من السواقة
 

يا أمى . ما تقلقيش من السواقه لأنها بالظبط زى تعلم السباحه .. هههههههههههه . مع انى مابعرفش أعوم . هههههههههههه بس اعتقد ان تعلم السواقه لازم تكسريه بانك تخلى جواكى عزيمه وتحدى وثقه عاليه فى نفسك وفى قدرتك على فرض شخصيتك القياديه على الطريق والمحيطين بيكى . فمن الممتع جدا انك تحسى ان جميع من حولك يعملون حسابك ويخافون منك على الطريق MADDRIVEMADDRIVE. باختصار الجرأه فى القياده شيئ ممتع جدا . وبيها حاتتعودى على العربيه ونسبها ونسب الطريق ككل . وبلاش خوف . وبالنسبه لحكة العربيه :ff5a34af6efef0e643e:ff5a 34af6efef0e643e. اعتبريها دى عشان تخزى العين عنك وعنها . وطمنينى عليكى يا ماما . وعقبال ماشوفك راكبه 4x4 وبتشوطى اللى حواليكى .4BY44BY44BY4

رد: خايفة اوى من السواقة
 

حضرتك فكرتيني اول مااتعلمت حكيت 1/2 عربيات البلد وخبطت في النص التاني وخدت شتيمه حتي من طوب الارض
وفي الاخر حادثة كلفتيني 3500 جنيه بس طبعا العربية لسه مخرشمة لغايه النهارده مستخسر اني ازبطها وبقول كداكدا هبيعها واديني متعود عليها خلاص

فده طبيعي بس زي مالاخوة قالو تعالي علي نفسك وسوقي في اوقات فاضية والزمي اقصي اليمين وبراحتك متجريش وخلي بالك من الطريق قدامك بلاش كل شوية تبصي ورا - متبصيش وراكي الا اذا هتغيري طريقك بس وبما انك ماشيه اقصي اليمين فمش محتاجة تغيري الطريق الا نادرا
كمان اتدربي كتير علي الركنه بين عربيتين ومتخافيش وازاي تخرجي من بينهم تاني لان ده اكتر موقف هيتعبك وكمان اتعلمي اليوترنات كويس وازاي تلفي من حارتك الصحيحة لحارتك الصحيحة برضو وازي تقفي في الاشارات وازاي تطلعي من غير من تعطلي اللي وراكي
وبلاش تشغلي نفسك بالموبايل والكاسيت والعربيات ا للي جايه وراكي وربنا يوفقك