مصر موتورز مجتمع السيارات - بصوا يا جماعه الصوره دى هيا دى عقدتى اللى منكده عليا فى السواقه

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

رد: بصوا يا جماعه الصوره دى هيا دى عقدتى اللى منكده عليا فى السواقه

اقتباس:

المشاركة الأصلية كتبت بواسطة borio1704 (المشاركة 547995)

الحل في الموضوع ده هو إنك تحفظ أبعاد عربيتك وتقدر أبعادها كويس، وكويس إنك راكب عربية كبيرة لأنك كده بتتعلم على الأصعب، وبعد كده لو ركبت عربية أصغر حتبقى السواقة أسهل بكتير

أنا اتعلمت على عربية كبيرة شوية وكنت بسوق في شوارع ضيقة وكلها دورانات زي ما إنت راسم كده، والحمد لله... مرة بعد مرة بقى الموضوع مش مشكلة أبدا، لدرجة إن باقدر أدخل بالعربية في أماكن في ناس كتير بتخاف تخشها بعربيات أصغر

بس زي ما قالولك كده... حاول تتمرن في أوقات وشوارع رايقة، وفي الأول خد حد معاك عشان يقف برة العربية ويساعدك

...

انا فعلا نفسى بقى اتقن السواقه فى العربيه دى عشان بعد كده ابقى واثق انى لو ركبت اى عربيه هسوقها وانا مطمن
وشكرا ياباشا على الرد والنصيحه

رد: بصوا يا جماعه الصوره دى هيا دى عقدتى اللى منكده عليا فى السواقه

لو عربيتك سيدان كبيرة وطويلة يبق تشغل الانتظار وتبطئ خالص وتاخد الملف واسع على مرتين
يعنى مره تلف واسع ومره ترجع وتدخل علطول

لو عربيتك هاتشباك صوغيرة ممكن تدخله واسع وهتيجى معاك من اول مره بس بردوا تبطئ خالص
وعموما هى دى شوارع مصر هههههههههه
بس علشان متخدوش فكرة وحشة عن شوارعنا فى شوارع بره فى اوروبا اصعب من كده بكتير مثلا تخيل نفسك بتاخد ملف فى شارع ضيق وكمان لافف زى الثعبان وفى عربيه جايه من المعاكس ولو الفرامل عندك ضعيفة يبق اكيد هتريح ورا او هتلاقى العربية هنجت منك ههههههه
ولو فى حد وراك هتريح عليه
وفى مره كنت سايق فى شارع فى بولندا والشارع لما تاخد ملف اكنك بترجع تانى يعنى الملف على شكل رقم سبعة بالعربى هههههه وهناك زى هنا فى ناس كتيرة سواقتها على قدها فممكن تلاقى واحد داخل بسرعة وهكذه اهم شئ ان الواحد قبل ما يركب السياره يقول دعاء السياره ويتوكل على الله ويسوق بحذر وربك بيستر

رد: بصوا يا جماعه الصوره دى هيا دى عقدتى اللى منكده عليا فى السواقه

لو حضرتك من سكان القاهرة يمكننى مساعدتك وتعليمك عمليا . فنحن فى منتدانا مصر موتورز اسرة واحدة :01FDAB~189:

رد: بصوا يا جماعه الصوره دى هيا دى عقدتى اللى منكده عليا فى السواقه

بص بقي انا بعمل ايه بحدف الدركسيون عكس ما هدخل سنه صغنطوطه وبعدين ادخل ولما ادخل وتبقي العربيات قريبه من ناحيتي يعني من ناحيه الباب بتاعي يبقي احسن من الناحيه التانيه علشان هبقي شيفاها اكتر وهتحكم فيها اكتر
يايت اكون قدرت اوضح قصدي ايه